ЖШС « Қызыл телпек» бөбекжай балабақшасы

Бекітемін:

ЖШС «Қызыл телпек»

бөбекжай балабақша

меңгерушісі:

-----------Шамуратова Г.

Ашық тәрбие сағаты

Кіші «БАЛАПАН» тобы

Тақырыбы: «РЕСПУБЛИКАМ-МАҚТАНЫШЫМ »

Тәрбиеші:Абдуллаева М.

2025-2026 оқу жылы

РЕСПУБЛИКАМ-МАҚТАНЫШЫМ!

Күні;

КІШІ топ; « Балапан»

Тақырыбы; «Республикам-мақтанышым.»

Мақсаты; Тәуелсіздік еліміздің болашағы –жас ұрпақтар бойына Отанға деген сүйіспеншіліктерін арттыру,туған жері мен елін сүюге оны қорғай білуге тәрбиелеу.

Қане балалар бүгін бізге көптеген қонақтар келіпті сәлемдесіп алайықшы.

Амандасу үлкенге

Тәрбиенің басы ғой

Ал,кәнекей бәріміз

Сәлем дейік үлкенге

Сәлеметсіздер ме апайлар?

Жарайсыңдар балалар осы көтеріңкі көңіл күймен шаттық шеңберімізді орнымыздан тұрып айтамыз.

Шаттық шеңбер.

Бір шаңырақ астында

Қазақстанда тұрамыз.

Бірге сайран құрамыз

Бір бақшада жүреміз.

Өте жақсы балалар .Бүгінгі ашық тәрбие сағатымызды бастамас бұрын ,еліміздің әнұранын орындап алайық.

Жарайсыңдар балалар .

Балалар бүгін қандай мерекені тойлап жатырмыз?

16-желтоқсан Тәуелсіздік күнін тойлап жатырмыз.

Жарайсыңдар балалар дұрыс айтасыңдар.

Желтоқсан оқиғасы-Қазақстан тарихындағы ең маңызды,әрі ең ауыр бетбелес оқиғалардың бірі,Бұл-тек бір көтеріліс емес,еркіндікке,ұлттың намысына,өз болашағына деген ұмтылыстың бастауы

Бұл оқиға бізге,

Еркіндіктің оңай келмейтінін,

Ұлттың бірлігі бәрінен маңызды екенін,

Әділет үшін күреске шығатын рух бар екенін дәлелдеді

Міне балалар біздің бүгінгі бақытты күндеріміз үшін қаншама ерлер тер төгіп жанын қиыпты.Тәуелсіздікке қол жеткізу мақсатында құрбан болған батырларымыз арқасында бүгінгі жарқын тыныш тату бейбіт елде өмір сүріп жатырмыз.

Ал енді балара айтыңдаршы,егемендігіміздің белгісі еліміздің рәміздерін білеміз ба?

Ту.Елтаңба,Әнұран.

Жарайсыңдар балалар Отанымызды қалай сүйетінімізді қадірлейтінімізді дәлелдедік.Еліміз жайнап гүлдей берсін.

Мақал-мәтел.

Еркеназ

Отанды сүю отбасынан басталады

Бейбарыс

Отанын сатқан оңбас.

Раяна

Отансыздың оты жанбайды.

Асылым

Отан елдің анасы,

Ел ердің анасы

Талшын

Опасызда отан жоқ

Қорытынды:Балаларды мақтап мадақтап,бағалаймыз.Балалар бүгін қандай мерекені тойлап жатырмыз.Тәуелсіздік алғанымызға неше жыл болды.Қандай мемлекетте өмір сүреміз.Елбасшымыз кім.Ендеше бүгінгі Тәуелсіздік тұғырым атты ашық тәрбие сағатымыз осымен аяқталды.

Орнымыздан тұрайық

Шеңберді біз құрайық

Көріскенше күн жақсы

Сау саламат болайық.

Бұл оқиға Қазақ жастарының рухын оятты,Ұлттың бірлігін көрсетті,

ЖЕЛТОҚСАН-ерлік пен намыстың символы.