Ересек «Бота» тобының ұйымдастырылған оқу қызметінің конспектісі

Нұр-Сұлтан қаласы

№23 «Алтын бесік»

Балабақшасы

Тәрбиеші: Бохай Р

Білім беру саласы «Таным» Пәні: Қарапайым математикалық ұғымдарды қалыптастыру.
Өтпелі тақырып: «Электроника әлемі» Тақырыбы: 10 саны (жасалуы, жазылуы). Жай мысалдар мен есептер құрастыру.

Мақсаты:
Тәрбиелік: Еңбекқорлыққа тәрбиелеу.
Дамытушылық: 10 саны 1 және 0 цифрымен жаза алу, логикалық қабілеттерін дамыту;

Оқыту: 10 санымен және оның жазылумен таныстыру; тура және кері санау дағдыларын жетілдеру;
Педагогикалық технологиялар: АКТ, ойын технологиясы, денсаулық технологиясы, восемьерка технологиясы

Ресурстармен қамтамасыз ету: 0 - ден10 - ға дейінгі кеспе цифрлар. Мақта қыз бен мысық ертегісінің суреттері.
Билингвалдық компонент: он,десять, тен.
1. Ұйымдастырушылық кезеңі:
Ұйымдастырылыған оқу қызметінің барысы:
Психологиялық дайындық. Бір - біріміздің қолымыздан ұстап алақан жылуы арқылы жылы лебімізді білдірейік.
- Балалар мына ағаштың басында неше торғай отыр екен?
- 9 торғай
- Осы 9 торғайға 1 торғай келіп қосылды неше торғай болды?
- 10 торғай болды.
- 10 саны екі таңбалы сан. 10 саны екі цифр арқылы жазылады. 1және 0 сандарымен. 9 саны бір таңбалы санның ең үлкені.

2.Негізгі бөлім  
- Балалар қандай ертегілермен таныстық?
- Енді көзімізді жұмып ертегілер еліне саяхатқа шығып келейік.
Көзімізді ашайық, ертегілер еліне келдік. Мақта қыз бен мысық ертегісін еске түсірейік.
Кіріспе әңгіме: Мысық қатықты төгеді, мақта қыз мысықтың құйрығын кесіп алады.
- Апа құйрығымды берші?- деп жалынады.
Қыз: Сен менің тапсырмаларымды орындасаң мен сенің құйрығыңды қайтып беремін - дейді.
Мысық келіседі.
- Балалар, мысыққа көмектесеміз бе, тапсырмаларын орындаймыз ба?
- Көмектесеміз, орындаймыз.

1-тапсырма: 1 Сиырдың тапсырмасы: 0 - ден 10 - ға дейін тура, кері санау.
2. Ағаштың тапсырмасы: Ағаштың басында 10 жапырақ ілініп тұр еді, кенетен жел тұрып 5 жапырақ жерге түсіп қалды. Ағашта неше жапырақ қалды? «5»
3. Қыздардың тапсырмасы: Оң қолыңда неше саусақ бар, сол қолыңда ше?
Сонда екі қолыңда неше саусақ болады? «10»

Сергіту сәті:
Сыңғыр, сыңғыр сырғалар
Құлағымда сырғалар
Оң қолымда білезік
Сол қолымда білезік
Саусағымда сақина
1, 2, 3, 4, 5, 6, 7, 8, 9, 10
Отырайық тып - тыныш

3-тапсырма:
4. Дүкеншінің тапсырмасы: 3 санының көршісі кім екен? «2 4»
5. Тауықтың тапсырмасы: Мына есептерді шығар 5+4, 2+3, 0+3
6. Тышқанның тапсырмасы: Мына сандардың арасындағы жоғалған санды тапшы « 0,... 2,...,... 5,..., 7, 8,..., 10»
Сөйтіп мысық мақта қыздың барлық тапсырмасын орындап шықты.
Мақта қыз риза болып мысықтың құйрығын қайтып берді.
Енді балалар саяхаттан өз тобымызға қайтайық.
Орындарына жайғасады.

4-тапсырма: восемьерка технологиясын пайдаланып
10 санын құрастыру.
10 санын дәптерге жазу, дәптердегі тапсырмаларды орындау.
 Ойын.« Мен қандай санмын?»

Шарты: Таңдап алынған санның қай сан екенін көмекші сөздер арқылы табу.

5-тапсырма: «Келісемін -келіспеймін» деп аталады. (10 санына байланысты)
1. Сен келісесін бе 10 саны 1 таңбалы сан?(Жоқ, мен келіспеймін,өйткені 10 саны 2 таңбалы сан.
2. Сен келісесін бе 10 саны 10 бірліктен тұрады? (Жауап)
3. Сен келісесін бе 10 саны 5 санынан аз?(Жоқ, мен келіспеймін,өйткені 10 саны 5 санынан көп).

4. Сен келісесін бе 9 санынан кейін 10 саны тұрады?(Ия,мен келісемін, өйткені 9 санынан кейін 10 саны тұрады.

3.Қорытынды

-Балалар біз бүгін қандай санмен таныстық ?
-10 саны қалай жазылады?
-Кім маған 1-10 дейін сандарды атап шығады?
-Қорытындылау (Балаларды мадақтау)