1 -5 ке дейінгі сандар

Ұйымдастырылған оқу іс-әрекеті: математика негіздері, сөйлеуді дамыту, сурет,жапсыру.

Тақырыбы: 5 көлеміндегі сандарды тура және кері санау. Заттар тобын салыстыру.

Мақсаты: 5-ке дейін реттік санау дағдыларын дамыту. Сұраққа толық жауап беруге баулу. Сурет салуда әртүрлі түстерді қолдануға үйрету. Шығармашылық қабілетті, қиялды дамыту.

Қолданылатын көрнекі құралдар: 5 ке дейінгі сандар, қима қағаздар,желім,гуащь

Ұйымдастырылған оқу іс-әрекетінің барысы.

Ұйымдастыру кезеңі.

Шаттық шеңбер (Балалар шеңбер бойына тұрады)

«Көңілді шеңбер» ойыны.

Мақсаты: Балалардың 1ден 5ке дейін тура және кері санау дағдыларын қалыптастыру.

Шарты: Балалар шеңбер бойына тұрады,музыкамен билеп.Музыка тоқтағанда тәрбиеші 1,2,3,4,5 сандарды көрсетеді.1 саны бар бала лар ортаға жиналады. Ойын осылайша жалғаса береді.

Балаларды түрлі-түсті сағат арқылы смарт телефондарға түстерін сәйкестендіріп топқа бөлеміз.

1. 1 саны арқылы бөлінген топ. «Сәйкестендір» еркін ойыны.

Шарты: Тақтамен жұмыс. Балалар сандарды ретімен орналастырып қою керек. Балалар әр санға жұлдызшаларды апарып, сәйкестендіру керек.

2. 2 саны арқылы бөлінген топ. «Педагог жетекшілігімен ойын»

«Есеп құрастыр» ойыны

Шарты: Балалардың алдында саусақ санамақ беріледі. Балалар саусақтармен 1 ден 5 ке дейін есептерді құрастырады.

3. 3 саны арқылы бөлінген топ. «Құрылымдалған ойын»

Балалар өз еріктері бойынша сандарды таңдап, санға пва желімін жағып,оның үстінен тұз сеуіп шығады.Себілген тұзды гуаштың көмегімен сандарды бояп көрсетеді.

Сергіту сәті: «Кім тапқыр» ойыны.

Шарты: Балаларды шеңбер бойына тұрғызып, көзін байлап қай сан екенін бабуы керек. Ойын жалғаса береді.

Қорытындылау.

«Логикалық сұрақтар» арқылы оқу іс-әрекетін қорытындылау.

1.Екі сиырда қанша бас болады?

2.Мысықта неше аяқ бар?

3.Ағашта 3 қарға отыр оның біреуі ұшып кетті. Ағашта неше қарға қалды.

4.Төрт баланың неше мұрны бар

5.Асан дүкеннен 5 алма сатып алды. Жолда 1 алманы жеп қойды. Асан үйге неше алма алып барды.

Бағалау

«Күлегештер» арқылы балаларды бағалаймыз.