1 – кіші «Ақбота» тобына арналған тіл дамытудан квест – сабақ «Не қалай дыбыстайды?»

ОҚУ ІС-ӘРЕКЕТІНІҢ КЕЗЕҢДЕРІ

ТӘРБИЕШІНІҢ ІС-ӘРЕКЕТІ

БАЛАЛАРДЫҢ ІС-ӘРЕКЕТІ

Мотивациялық – қозғаушылық

Балаларды жартылай шеңберге отырғызып, шаттық шеңбер жасау

Сәлем дейміз құстарға

Сәлем дейміз аңдарға

Сәлем дейміз достарға

Сәлем дейміз апайларға

Балалар тәрбиешінің соңынан қайталап, қимыл-қозғалыспен көрсетеді.

Ұйымдастырушылық –ізденістік

Ғажайып сәт:

-Балалар бізге бүгін қонаққа әже мен ата келіпті. Олар өз жануарларын жоғалтып алыпты. Бүгін бізден көмек сұрап келіпті, (1 слайд) .

- Әже мен атаға көмектесеміз бе?

-Ол үшін үй жануарларын еске түсірейік

(презентация көрсету)

Жануарларды көрсете отырып, олардың атауларын айтқызу.(слайдтар)

- Осылардың бәрін «үй жануарлары» деп атайды.

Билингвальды компонент: үй жануарлары-домашние животные, ат-лошадь, сиыр-корова, ит-собака, мысық-кошка

Сөздік жұмыс: үй жануарлары

Саусақ жаттығуы: «Қуырмаш»

- Енді сендермен жануарларды іздеуге шығайық. Ол үшін серігіп алайық.

Сергіту сәті:

Бір, екі, үш деп

Алақанды соғамыз.

Жоғары-төмен қараймыз,

Орнымызды табамыз.

1. «Ненің дауысы?» дидактикалық ойыны. Шарты: берілген түрлі-түсті үйлерден үй жануарларының даусын ести отырып, оларды тауып айту. Балаларға жануарлардың дыбыстауын қайталату.

Тыныс алу жаттығуы:

Жел гулейді у-у-у

Құйын келіп билейді зу-зу-зу

Қатты-қатты жел соқты гу-гу-гу

Жапырақтар қол соқты –ду-ду-ду

–Жарайсыңдар балалар! Енді жануарлар сендермен тығылмақ ойнағылары келіп тұр. Ол үшін қазір біз «Не жоқ?» ойыны ойнаймыз.

Шарты: берілген үй жануарларының бірін тығып, қайсысы жоқ екенін тапқызу.

Балалар қызығушылық танытып, мұқият тыңдайды.

Презентацияны қарай отырып, үй жануарларын атауға тырысады.

үй жануарлары-домашние животные, ат-лошадь, сиыр-корова, ит-собака, мысық-кошка сөздерін қайталайды.

үй жануарлары тіркесін қайталайды.

Саусақ жаттығуын жасайды

Сергіту сәтін орындайды.

Ойынға жаппай қатысады. Үй жануарларының дауыстарын тыңдай отырып, оларды атайды.

Тыныс алу жаттығуын орындайды.

Ойынға жаппай қатысады. Шарт бойынша тығылып қалған жануарды атайды.

Рефлексиялық - түзетушілік

- Балалар, біз әже мен атаға үй жануарларын тауып беруге көмектестік. Қане, оларды тағы бір рет қайталап шығайықшы, қандай үй жануарларын білеміз?

-Жарайсыңдар, әже мен ата сендерге өз алғыстарын білдіріп сыйлық ала келді. Енді әжемен және атамен қоштасайық.

Балаларды мадақтау.

Балалар сұрақтарға жауап береді. Атамен және әжемен қоштасады.