Мектебі

Пәні:

Қазақ тілі

Бөлімі:

1-бөлім: Мәдениет: тіл және қарым-қатынас

Педагогтің аты-жөні:

Күні:

27.06.24

Сыныбы: 5

Қатысушылар саны 25

ЕББҚ оқушы (2-топ)

Мінез-құлық және эмоционалдық проблемалары бар оқушы

Қатыспағандар саны 0

Сабақтың тақырыбы:

Cәлем – сөздің атасы.

Оқу бағдарламасына сәйкес оқу мақсаты:

5.2.1.1. Мәтіндегі негізгі және қосымша ақпаратты түсіну, анықтау;

5. 3. 1. 1. Берілген мәтінге сәйкес кіріспе, негізгі және қорытынды бөлімдерді қамтитын қарапайым жоспар құру;

Сабақтың мақсаты:

- мәтіндегі негізгі ақпаратты анықтайды;

- мәтіндегі қосымша ақпаратты анықтайды;

- мәтіндегі негізгі және қосымша ақпаратты түсінеді;

- мәтін құрылымын сақтайды;

- құрылымына сәйкес жоспар құрады

Сабақтың барысы:

Сабақ кезеңі/

Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

7 минут

Жағымды психологиялық ахуал. Оқушыларды шеңбер бойына тұрғызып, бір-бірімен жақын амандасуды ұсынады.

• Жақсы оқушылар, міне сіздер қазір бір-бірлеріңді көптен көрген достар секілді амандасыңдар.

Ата-анаңызды көргендей амандасыңдар.

Сіздің көптен көрмеген туыстарыңды көргендей амандасыңдар.

Қуанып амандасыңдар.

Ренжісіп амандасыңдар.

• Жақсы балалар, мен сендерге не үшін сәлемдесудің түрлі жағдайларын айтып жатырмын. Себебі бүгінгі сабағымыздың тақырыбы осы сәлемдесу мәдениетіне арналмақ.

Қызығушылықты ояту

• Балалар, қандай амандасу түрлерін білесіңдер?

• Сыныптастарыңмен қалай қоштасасыңдар?

• «Адам болар деген бала алыстан амандасады» дегенді қалай түсінесіңдер?

«Шаттық шеңбері» әдісі арқылы оқушылар бір-біріне жақсы тілектерін айтады. Білім алушыларды сабақ мақсатымен, бағалау критерийлерімен таныстырамын. Содан кейін нөмірленген асықтар арқылы балаларды үш топқа бөліп аламын.

Оқушылардың сабаққа дайындығы тексеріліп, назары сабаққа аударылады.

Барлық оқушы: бейнежазба арқылы тақырыпты ашады.

Дарынды оқушы: әр халықтың сәлемдесуін өз тілінде айтады

ЕББҚ: сұрақтарға жауап береді.

Дескриптор:

Жалпы ұпай - 4

-тақырыпты ашады - 1

- сұраққа жауап береді – 3 (әр сұраққа – 1ұпай)

5-сынып «Қазақ тілі» оқулығы

(https://www.youtube.com/ watch?v=FAyJ4iRUq8A

Сабақтың ортасы

32 минут

Топтық жұмыс.

ОҚЫЛЫМ ТАПСЫРМАСЫ

1-тапсырма. «Ой-толғаныс» әдісі арқылы мәтінді түсініп оқып, негізгі және қосымша ақпаратты анықтаңыз.

Сәлем – сөздің атасы

Бір-бірімізді көргендеамандасамыз, амандық-саулық сұрасамыз немесе бір-бірімізді құттықтап жатамыз. Сәлемдесудің тілімізде сан алуан түрлері бар. Тіл жұмсау дағдысында «Сәлеметсіз бе?», «Аман-есенсіз бе?», «Армысыз?», «Сәлем бердік!», «Ассалаумағалейкүм!», «Кеш жарық» тағы басқа сөздер жиі қолданылады. Амандық сұрасу – тұрмыста жиі айтылатын, құлаққа жиі естілетін сөздеріміз. Бірақ бұлардағы мағыналық, стильдік реңк олар- ды талғап, таңдап өз орайында, өз орнында қолдануды қажет етеді. Мысалы, «Сәлеметсіз бе?» деп амандасу үлкен-кішіге, таныс-бейтанысқа, ресми жағдайда да, еркін жағдайда да қолдана беретінін байқасақ, ал «Ассалаумағалей күм!» деп амандасуды ауылдағы кей жасы үлкен ақсақалдар ұнатып тұрады. Әжелер мен апаларға бұлай амандасу қолайсыз жағдайға душар қылады. Немесе мектеп шәкірті ұстазымен «Сәлеметсіз бе?» деп сыпайы сәлемдеседі. Міне, бұл тәрізді ерекшелік амандасуға жататын этикет (әдеп) сөздерде мағына, стильдік өзгешеліктермен қоса әлеуметтік сипат барын аңғартады. Ал кішінің үлкендерге «Сәлем бердік!» деп қолын ербеңдетуі не жүрдім-бардым амандасуы әдепсіздікке жатады.

Жұптық жұмыс.

2-тапсырма. Оқылым тапсырмасында берілген мәтінді оқып, кіріспе, негізгі және қорытынды бөлімдерді қамтитын қарапайым жоспар құрыңыз.

Барлық оқушы: мәтінді түсініп оқиды

Дарынды оқушы: негізгі және қосымша ақпараттарды анықтайды

ЕББҚ оқушы: мәтінді түсінеді

Барлық оқушы:

жоспар құрады

Дарынды оқушы:

кіріспе, негізгі және қорытынды бөлімдерді қамтитын қарапайым жоспар құрады

ЕББҚ оқушы: жұппен жұмыс жасайды

Дескриптор:

Жалпы ұпай - 3

-мәтінді түсінеді - 1

- негізгі ақпаратты анықтайды – 1

- қосымша ақпаратты анықтайды – 1

Дескриптор:

Жалпы ұпай – 3

- мәтінді түсініп оқиды - 1

-қарапайым жоспар құрады – 1

- кіріспе, негізгі және қорытынды бөлімдерді қамтиды – 1

Алматы

«Атамұра» 2017ж

https://okulyk.kz/download-pdf/?117&11662

https://okulyk.kz/download-pdf/?117&11662

Сабақтың соңы

6 минут

Рефлекция. «Тазалық кері байланыс» әдісі

1.Тақырып бойынша алған керекті ақпаратты чемоданға салыңыз.

2. Сабақтағы керек емес болған, артық дүниені қоқыс жәшігіне салыңыз.

3. Бүгінгі ақпарттың ішінде әлі оқуым керек, толықтыруым керек дегендері болса, еттартқышқа салыңыз.

Оқыту тапсырмасы

(Үй жұмысы)

«Cәлем – сөздің атасы» тақырыбында эссе жазу. (80-100сөз)

ЕББҚ: сурет салады

Дескриптор:

Жалпы ұпай – 3

Тақырыпты ашады – 1

Эссе құрылымын сақтайды -1

Көркем әдеби сөздерді қолданады – 1