1 ден 5 – ке дейінгі сандар. Геометриялық пішіндер

Тақырыбы: 1 ден 5 – ке дейінгі сандар. Геометриялық пішіндер

Мақсаты: 1 ден 5 – ке дейінгі сандар, пішіндер,түстер туралы ұғымдарын тиянақтау. Тапсырмаларды дұрыс орындай білуге, есте сақтау қабілеттерін арттыра отырып жеке және топпен жұмыс жасай білуге дағдыландыру. Татулыққа,тапқырлыққа тәрбиелеу.

Көрнекіліктер: сандар, пішіндердің суреттері , жеке суреттер, үлестірмелі материалдар,түрлі – түсті қарындаштар
Әдіс – тәсілдері: жылулық шеңбері, тапсырмалар,сергіту сәті,ойындар
Шаттық шеңбері:

Біз қандаймыз,қандаймыз,

Шұғылалы таңдаймыз.

Күлімдеген күндейміз,

Ренжуді біз білмейміз.

Қуанамын мен де,қуанасың сен де,

Қуана бер достарым,

Арайлап атқан таңға.
Шеңберде тұрған балаларға дөңгелектің, төртбұрыштың, суреттерін тарату және дөңгелекті алғандар бір үстелге, төртбұрышты алғандар бір үстелге бөлініп отырады. 
3топқа бөлініп отырады, 1-топ «дөңгелектер» тобы, 2- топ «төртбұрыштар» , 3 – топ «үшбұрыштар»тобы болады 
Ұйымдастырушылық -ізденістік :

Балалар, біз бүгін сендермен 1- ден 5-ке дейін тура және кері санауды, геометриялық пішіндерді,түстерді ажырата алуды қайталап,еске түсіретін боламыз. Сендерге мен бүгін көптеген тапсырмалар алып келдім.

Ендеше тапсырма орындауға дайынсыңдар ма?
1-Тапсырма: Балалардың алдында сандар шашырап жатады.Балалар ретімен қойып, 1-ден 5-ке дейінгі сандарды үш тілде санайды

12345

54321

2-Тапсырма: «Көршісін тап» 
Балалар, сендердің үйлеріңде де көршілерің бар ма?

Сендер білесіңдер ме? Сандардың да көршісі болады екен. Олай болса сандардың көршісін табамыз.

3-тапсырма- «Қажетті пішінмен толықтыр және боя »

Сергіту сәті:

1 дегенде тұрайық,

2-3-4 алақанды соғайық.

Оң жаққа бұрылып,

Сол жаққа бұрылып,

Бір отырып,бір тұрып,

Біз жүгіріп алайық.

5 дегенде асықпай,

Орнымызды табайық.
4-Тапсырма –«Суретті көлем бойынша сәйкестендір» (үлестірмелі материалмен жұмыс)

5-тапсырма- «Заттардың суретін ұқсас пішіндермен топтастыр»

6 – тапсырма: «Түстерді ажырат»

7 – тапсырма: «Биік,аласа»

Үлестірмелі материалмен жұмыс жасайды. 

Топпен пішіндерден заттар құрайды.

Қорытынды:
Балалар, бүгін біз не істедік? (1-ден 5-ке дейін тура және кері санауды, геометриялық пішіндерді,түстерді қайталадық.) 
Балалар, сендерге бүгінгі оқу қызметі ұнады ма? Қай тапсырма ұнады? (Балалар жауабы) 

Бүгін барлықтарың да ашық оқу қызметіне жақсы қатысып отырдыңдар. Балаларға жұлдызша таратылады.
Күтілетін нәтиже: 
Білуі керек: 1-ден 5-ке дейінгі сандарды тура және кері санай білуді 
Нені игерді: 5 көлемінде сандық есептеу,геометриялық пішіндерді,түстерді ажыратуды ажыратуды 
Нені білді: тапсырмаларды орындай алды