1 мамыр

Бекітемін:

«Успех- GOLD-8» ЖШС

«Асыл бесік» балабақшасының

меңгерушісі

_________А. Т. Мамырбаева

«___» _____2023 жыл

Тақырыбы: «Татулық бірлікте»

«Балапан» орта тобы

Тәрбиеші: Тилейхан Катила

Мұхатова Ж.С.

Өскемен қаласы

2022-2023 оқу жылы

Тақырыбы: «Татулық бірлікте»

Мақсаты:

Білімділік: 1-мамыр Қазақстан халқының бірлігі күні екендігін айтып түсіндіру.

Дамытушылық: Балаларға бірлік, ынтымақ, достық туралы айта отырып, ойлау, есте сақтау және сөйлеу қабілеттерін дамыту.

Тәрбиелік: Көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Көрнекіліктер: ұлттық костюмдер, қима көгершіндер, шарлар, интеракті тақта, даналық сөздер. «Ырыс алды-ынтымақ», «Ынтымақ-достықтың бірлігі», «Ер бірлігі-ел теңдігі».

Жүргізуші 1:

1-мамыр-Қазақстан халықтарының бірлігі күні. 1995 жылдың наурызында Дүние жүзіне үлгі болып отырған, ұлтаралық татулық пен тұрақтылықтың феномені-Қазақстан халықтары ассамблеясы құрылды. Бұл ешбір елде болмаған ерекше, саяси маңызы зор құрылым.

Жүргізуші 2:

Қазақстан мемлекеті көп ұлтты. Біздің елімізде жүз отыздан астам ұлттар тұрады: орыс, ұйғыр, кәріс, дүнген, өзбек, қырғыз, түркімен, тәжік, армян, әзербайжан, украин, белорус, түрік, шешен тағы басқа шет елден келген ұлттар біздің елімізде тіршілік етуде. Олардың өз ұлтына сай арнайы киімдері, салт-дәстүрлері болады. Біз олармен доспыз, татумыз және бір-бірімізбен аралас өмір сүріп жатырмыз. Олай болса «Достық» әнін орындайық.

Ән: «Достық»

Жүргізуші 1:

Достығымыз жарасқан,

Ақпыз, қара, сарымыз,

Қара жер мен көк аспан,

Ортақ дала тауымыз.

Жүргізуші 2:

Қырғыз, қазақ, өзбектер,

Монғол, ұйғыр, дүнгендер,

Армян, тәжік, грузин,

Терезесі тең жатыр.

Мақалдар:

Адеш Али: Жаман жолдастан, жақсы дұшпан артық.

Мұратханов Дамир: Сыйласу екі кісіге бірдей.

Манарбек Батырхан: Бала – бауыр,

Дос – тамыр.

Бақытбек Ясмин: Айырылмастай досыңа, қайырылмастай сөз атпа.

Саматов Амир: Сырласуға дос жақсы,

Сыйласуға жат жақсы.

Оразова Томирис: Досын сатқан – қасын сатқанмен бірдей.

Тілеуқабыл Нариман: Досы көпті – жау алмайды,

Ақылы көпті – дау алмайды.

Манарбек Сафия: Дос жылатып айтады…

Тақпақтар:

Қанатұлы Ермек: Күнде бірге жүреміз,

Бірге ойнап күлеміз.

Бірімізге біріміз,

Көмектесіп жүреміз.

Бердіқожа Сұлтан: Достықты біз қолдаймыз,

Қиын шақта қорғаймыз,

Біздің топта ұл-қыздар,

Тату -тәтті ойнаймыз.

Жүргізуші 1:

Ойын: «Шаңырақ»

Ойын шарты: Ортаға әр түрлі ұлт өкілдерінің киімін киген балалар ортаға шығады. Ойынға қатысушы бала көрсетілген әр ұлт өкілдерінің бас киімдерін тауып кигізуі керек.

Жүргізуші 2:

-Балалар, әлемде барлығымыз не болғанын тілейміз, қалай ойлайсыңдар?

-Әрине, халқымыз ең әуелі тыныштықты қалайды.

-Ал, «тыныштық» деген сөздің мәнін білеміз бе?

-Дүниежүзінде соғыс болмаса, тыныштық деген сол. Елдегі тыныштықты халық «береке- бейбітшілік» дейді. Олай болса елімізде ән де, сән де, би де болады. Балаларымыздың орындауында «Түрік биі»

Би «Түрік» ұлтының биі

Қорытынды:

• Қиын кездерде бір-біріне көмек көрсетіңдер.
  • Досыңды алдамай, оған адал бол.
  • Досыңды қорлама.
  • Досыңмен қызықты шақтарды бөлісе біл.
  • Досыңды барда да сына, жоқта да сына.
  • Досыңның кемшілігін кешіре біл.

Тәрбиеші: Сонымен балалар,бүгін қандай мерекені тойладық?

Балалар: «1-Мамыр – Қазақстан халықтарының достық мерекесі».

Тәрбиеші:-Қазақстан қандай мемлекет?

Балалар:-Көп ұлтты.

Тәрбиеші:-Қандай халықтармен доспыз,татумыз?

Балалар:-Өзбек,қырғыз,украин т.т.

Тәрбиеші:-Ұлттық киімдері қандай?

Балалар:-Әр түрлі ұлтына байланысты.

Тәрбиеші:-Жарайсыңдар, өте тамаша!

-Осымен бүгінгі ашық оқу қызметіміз аяқталды, сау болыңыздар!

Келісілді:

«Успех- GOLD-8» ЖШС

«Асыл бесік»

балабақшасының әдіскері:

Рашова А.М. _______