Тақырыбы: Ынтымақ- бірлік кепілі

Мақсаты: көпұлтты Қазақстан Республикасының халықтар достығы – еліміздің бірлігінің кепілдігі екендігін таныту. Әр халықтың өнері, оның рухани байлығының негізін баланың жүрегіне өз ұлтының тілін, дінін білдіре отырып, өзге ұлттың рухани байлығын сыйлауға, құрметтеуге тәрбиелеу.

Көрнекілігі: Плакаттар, қабырға газеттері, буклеттер.

Барысы.

Жүргізуші: Армысыздар құрметті қонақтар, қадірлі балалар!

1-Мамыр – Қазақстан халқының ынтымағы мен бірлігі мерекесі құтты болсын!

Бүгінгі күн ерекше, өйткені 1-Мамыр Қазақстан халықтарының бірлігі күні мерекесі қарсаңында «Ынтымақ- бірлік кепілі» атты тәрбие сағатын өткізгелі тұрмыз. Қазақстан түрлі ұлттардың басын қосқан ұлы мекен. Олардың салт-дәстүрлері, тілі мен мәдениеті жоғалмас үшін қолайлы жағдай жасалған.

1-мамыр Достық мерекесіне арналған «Ынтымақ- бірлік кепілі» атты тәрбие сағатымызды бастауға рұқсат етіңіздер.

Тақпақтар:

Ортақ менен жер шары, Ұлболсын
Төбемізде бір аспан.
Барлық ұлттың баласы,
Достығымыз жарасқан.

Ортақ бізге бір отан, Медина
Ортақ жердің байлығы.
Еңбек ортақ, жыр ортақ,
Ортақ бізге барлығы.

Мы дружной семьюй живём в Казакстане, Аккербез
Татары, уйгуры и русские с нами.
Так пусть же крепнет во веки веков
Дружба народов всех возрастов

Ағайын – туған – бар адам, Айшабибі
Адалдық үшін жаралған.
Бар қымбат туыстық,
Баянды болсын тыныштық!

Тілегі бір, Каусар
Жүрегі бір,
Достармен біз біргеміз.
Туыс барда құрыштан да,
Берік біздің іргеміз!

Мұғалім:

Қазақстан Республикасын мекен еткен 130 дан астам ұлт өкілі күні бүгінге дейін ынтымақтастыққа, бір үйдің баласындай тату-тәтті жарасымды тіршілік кешіп келеді. Жүзі басқа болғаны мен жүрегі бір, тілі басқа болғанымен тілегі бір, мақсат-мүддесі ортақ, бірлігі мықты, достығы берік ұлттар қазақ елінің салт-дәстүріне, ұлттық құндылықтарына құрметпен қарайды, сондай-ақ қазақ халқының қарапайымдылығы, қонақжайлылығы, бауырмалдылығы үшін ерекше бағалайды, бастысы-өздері қоныс тепкен Қазақстан жерінің барлық ұланымен ауыз бірлікте, туыс болуды көздейді.

Қанша ұлт болсын,
Қанша салт болсын,
Ынтымағы жарасқан
Мәдениетті ел болсын,- дей келе әр ұлт бізге өздерінің ұлттық тағамдарымен таныстыруға ортаға шақырамыз.

Әр ұлт ұлттық тағамдарымен таныстырады.

 Жер – анамыз жасайды тарлық кімге,
Кетпеу үшін мәңгілік қалқып түнде.
Қайталанып, жаңарып айтылады,
Бейбітшілік деген сөз барлық тілде,- дей отырып, биін тамашалауға шақырамыз

Би: Орыс биін билейтін Жамбул Ақкербез

Тақпақтар 

Ынтымағы жарасқан береке күн, Ержан  

Білдіреді болашақ ел ертеңін.

Татулық пен достығың арта берсін.

Құтты болсын бүгінгі мереке күн.

Әрқашан дос, біргеміз, Дархан
Ажырамас іргеміз
Ту ғып ұстап бірлікті,
Тату - тәтті жүреміз

Ортақ жұтар ауамыз, Бекзат
Ортақ жарық күніміз.
Достық туған анамыз,
Жердің қызы, ұлымыз.

Кең-байтақ жеріміз, Алихан
Татулық тұрағы.
Бауырмал еліміз,
Ынтымақ ұраны.

Жаңғыртып даланы, Жасұлан
Шырқап ән салады.
Халықтар достығы –
Бірліктің қамалы

Ұлыстарымыз тамыр болған ежелден,

Кімдер қашсын қазақтайын ер елден

Достығымыз ғасырларға жарасқан

Туған елім,шарықтай бер кемелден!

Көрініс: «Бірлік туралы әңгіме»

Тақпақтар:

Қызыққан шартарап, Аянат
Береке – тірлігі.
Құрған сән-салтанат,
Жарасқан бірлігі.

Достық – шырағымыз, Айназ
Достық – ұранымыз.
Достық туымыз,
Достық әніміз.

Берік болса бірлігім – Ғаділбек
Биік болар жұлдызым.
Бақытты боп ұл-қызым,
Күлімдесін нұр-жүзім.

Бірінші мамыр той-тойлап, Данияр
Қарсылаймыз бәріміз.
Көп ұлтты тату-тәтті халықпыз.
Бізге тәнті қызығады бар әлем,

Болашақтың ұрпағы ұланымын. Айнара
Еліменен мәңгіге мақтанамын.
Бейбітшілік туымыз,
Желбірейді мәңгіге.

Біз балдырған тең басқан! Мадияр
Дос құшағын кеңге ашқан.
Тілегіміз әділдік!
Ашық болсын кең аспан!

«Шаңырақ» ойыны

(Шаңырақтың әр жібінде сұрақ-жауаптар болады.

Ынтымақ жүрген жерде,
Ырыс бірге жүреді. Тату елдің тамағы таусылмайды. Қазақстанда қандай ұлттар өмір сүреді? Қазақстанда қанша халық тұрады? Қазақстанда ынтымақ, достық күні қашан тойланады?)

Би: Айназ бен Каусар қыздарымыздың «Лялочка» биімен қарсы алыңыздар.

Бейбітшілік ұраны, Айзере
Жарқыраған алтын күн.
Ән қанатты қыраны
Еркіндігі халқымның.

Достықты үлгі санаған, Жасмин
Бір үйде біз тұрамыз.
Қалған ата-бабадан,
Бірлік асыл мұрамыз.

Бірінші мамыр достық күні,бірлік күні Жасұлан
Ұлттардың қосылатын басты күні
Бір ұлт болып,бір жерде бірігеміз
Бір елде мәңгі өмір сүреміз.

Бірлік достық айырылмас әніміз Берекет Айбергенович
Бірге жүріп,бірге оны шырқаймыз
Өзбек,орыс,түрік бол
Дос болудан қашпаймыз.

Дос болайық бәріміз, Мадина
Жарасып тұр әніміз.
Тыныштықты сақтаймыз,
Атсын күліп таңымыз!

Хор ән: «Ақпыз, қарамыз, сарымыз»

Қорытынды: Қазақстан сияқты жас мемлекеттің өркендеуінің бір кепілі еліміздегі ынтымақтастық пен бейбіт өмір!
Ендеше, бейбітшілік жасасын!
 Ынтымақтастық жасасын!
Қазақстан жасасын!
Қазақстан халықтарының бірлігі жасасын!
Осымен, бүгіні «Ынтымақ- бірлік кепілі» атты тәрбие сағатымызды аяқтаймыз.
Сау - саламатта болыңыздар!