1-мамыр мерекесіне арналған "Достықтың тұғыры бейбітшілікте" атты тәрбие сағаты

Достықтың тұғыры -бейбітшілікте!

Жүргізуші: Көктем келді май келді,

Шақырады тойға елді.

Бізбенен қол ұстасып,

Кел бірге жүр жақсы май деп, «Достықтың тұғыры бейбітшілікте!» атты ертеңгілігімізге қош келіпсіздер!

Қазақстан Республикасының әнұраны: Менің Қазақстаным!

Жүргізуші: Қазақстан халқының бірлігі мен жеңіс күні мерекесімен құттықтаймыз! Бұл мейрам біздің көп ұлтты халқымыздың тамаша дәстүріне, бейбітшілік пен өзара түсіністіктің символына айналды.

Ән: Достық!

Бейбіт: Нәсілдерге нәсіп болсын нұрлы күн,

Ынтымақтың шертсем деймін бір жырын.

Татулығын жырға қосам ұлттардың,

Мақтан қылып ұлыстардың бірлігін.

Еркежан: Достық тапса діндер менен дінімді,

Салт-дәстүрлер сыйға ұласты бүгінгі.

Бір туғандай ұлтаралық келісім,

Бір көтерген басқа түскен жүгімді.

С.Аружан: Серт берісіп туыс болып қалуға,

Нәубеттерден аман жеттік дамуға.

Байтақ елдің биік ұстап байрағын,

Біздің достық мәңгі олып қалуда.

Алдияр: Тілі бөлек болғаныман тілек бір,

Ұлы достық мәпелеген жүрек гүл.

Қазақстан бар ұлысқа шаңырақ,

Шайқалтпастан шаттығымыз тіреп тұр.

Жансая: Қуаныштан желпілдейді түндігім,

Бар халықтың бірлік тойы күн бүгін.

Халқым мәңгі ғұмыр кешсін бақытты,

Бір тамырмен байлап қойған кіндігін.

Жүргізуші:Мың бұралған арулар билей басып,

Келеді міне ортаға толқып тасып.

Аруларын сыйлаған халқым менің,

Көңілді қошаметпен қарсы алайық.

Би: Достық!

Жүргізуші:Қалыптасқан достығымыз,

Татулық пен бірлігіміз.

Көк туымыз асқақтап,

Жарқырайды әрқашан.

Ән: Туған өлкем!

Жүргізуші:Жалауымда нұрлы күн,

Нұрын шашып тұр бүгін.

Паш етеді ол халқымның,

Ынтымағын бірлігін.

Асылжан: Бірлік біздің күшіміз,

Бірлікпен бітер ісіміз.

Жеңіске жеткен үлкеннен,

Үлгі алған кішіміз.

Өркен: Достық қымбат алтыннан,

Сүрінбей өткен сан сыннан.

Мейірімді кең пейіліміз,

Әлемді таң қалдырған.

А.Аружан: Тойлауға әбден лайық,

Бірлікті мақтан қылайық.

Мамыражай мамырға,

Сән салтанат құрайық.

Ермұрат: Бір дастархан басында,

Отырамыз жарасып.

Беріліп жөнсіз ашуға,

Жатпаймыз жатша таласып.

Таңатбек: Бірлікпен не келер тең,

Гүлденткен Қазақстанды.

Татулығымыз сүйсінткен,

Дос түгіл тіпті дұшпанды да.

Жүргізуші:Үйретіп әркез әлемнің ғажап сырларын,

Тәрбиелеп өсірер ұл менен қыздарын.

Дамытып әркез баланың сана сезімін,

Кезекте келді ойнайтын ұлттар ойынын.

Ойын: Қай команда жылдам?

Жүргізуші:Тәуелсіз елдің көгінде,

Алаулаған күн қандай.

Біздің байтақ өңірге,

Алтын сеуіп тұрғандай.

Ән: Солдат болам мен ертең!

Жүргізуші:Қуаныш пен салтанат, аза мен мұң астасып жатқан бұл күн шын мәніндегі халықтық мереке. Қаншама уақыт өтседе Ұлы жеңіс күні ұрпаққа ұран болып қала береді.

Аяулым: Қан майданның жүректе жарасы бар,

Қайғысы мен зілі бар, наласы бар.

Арамызда жүретін алшаң басып,

Ардагерлер азайып барасыңдар.

Ажар: Қастерлейді халқымыз қаһарманын,

Жүр есінде сан жорық сапарларың.

Қайран ерлер, қаһарман ардагерлер,

Қалды-ау сиреп бұл күнде қатарларың.

Бағдат: Елің сүйген еліңе салтын ұнар,

Жүздеріңде жанған от жарқылы бар.

Соғыс деген салмаған жалғыз сөздің,

Бүгінгі ұрпақ өздерің арқылы ұғар.

Ақнұр: Жасқанбағын жауыннан жарақты ер,

Ерлігіңді аңыз ғып таратты ел.

Қаһармандық дегенді кейінгі ұрпақ,

Жүздеріңе сендердің қарап білер.

Бекбай: Дархан мінез, дария ой, дара шыңдар,

Жарқын жүзді, жүрегі ақ, жаны асылдар.

Арамызда жүретін алшаң басып,

Ардагерлер азайып барасыңдар.

Жүргізуші:Болашақ атты бақшада,

Бұлбұл болып сайраған.

Болашақ атты бақшаның балаларына,

Кімдер таңдай қақапаған.

Ән:Катюша!

Би: Өзбек биі!

Жүргізуші: Жеңіс келді қалама,

Жеңіс келді далама.

Жеңіс келді әке боп,

Елдегі бар балаға.

С.Нұрдаулет: Жауыз, фашист тұтқиылдан бас салып,

Кетті содан қанды қырғын басталып.

Ер азамат атқа қонды намысшыл,

Отан сөзі әр жүректе жатталып.

Е.Аружан: Қорғау үшін туған елін Отанын,

Қаншама жан қыршыннан қиылды.

Қалың қолын қайтаруға дұшпанның,

Халқымыздың батырлары жиылды.

С.Нұрдаулет: Отан үшін от кешті, олар су кешті,

Біз жеңуге тиіспіз деп шешті.

Бар ғұмырын отанына арнады,

Кейінгінің өмірін алға жалғады.

Е.Аружан: Құрбан болды отанының жолында,

Жеңді ақыры жеңіп шықты соңында.

Биыл міне алпыс бес жыл жеңіске,

Тағзым етің мәңгі алау барында.

С.Нұрдаулет:Отан! Отан! Деп соғатын жүрегі,

Майдаргерлер арамызда жүр әлі.

Жетті бұған кейбіреуі жетпеді,

Ұрпақтары бақытты өмір сүреді.

Ойын: Соқыр бүркіт!

Жүргізуші: Біз әртүрлі баламыз,

Қол ұстасып барамыз.

Біз бақытты балдырған,

Деп шырқап әнге саламыз.

Ән: Біз бақытты балдырған!

Жүргізуші:Ұлы жеңіс-біздің дәуіріміздегі бейбітшілік пен тыныштықтың ең негізгі кепілі.Бұл күн төрт жылға созылған қорқынышты үміттің жеңген күні.

Натали: Почему дедуля, у тебя слезы?

Почему дедуля, прячешь глаза?

Кто тебя обидел, можешь рассказат,

За тебя я буду драться, боевать!

З.Нұрдаулет:Внучек ты мой милый, нет не плачу я,

Просто вспоминаю о белых боях.

Когда был я молод, Родину любил,

И врагов проклятых под Москвою биль!

Гүлназ: Блогодарим солдаты вас,

За жизнь, за детство и весну.

За тишину, за мирный дом,

За мир в котором мы живем.

Айханша: Праздниак Победы-это праздник весны,

День пороженья жестокой войны.

День ....... насилья и зла,

День воскрещенья любви и добра.

Саят: Еще тогда нас не было на свете,

Когде грешел салют из края в край.

Солдаты, подарили вы планете,

Великий май, Победный май!

Жүргізуші:Бейбітшілік құсы деп қай құсты айтамыз?

Балалар: Ақ көгершін!

Жүргізуші: Қараңдаршы балалар! Бейбітшілік құсы Ақ көгершіннің өзі ұшып келген секілді!

(Ақ көгершін ұшып келеді)

Ақ көгершін:Көк аспанда қалықтаған,

Көгершінмін, көгершінмін!

Бақыт құсы боп самғаған,

Көгершінмін, көгершінмін!

Бейбітшілік, аманшылық болсын деп,

Шарықтаған, көгершінмін!

Жүргізуші: Ендеше балалар Ақ көгершінге арнап, ән айтып берсек қайтеді?

Ән: Ақ көгершін!

Жүргізуші: Жеңіс туы желбіресін мәңгілік!

Жеңіс жыры асқақтасын жаңғырып!

Ән:Атамекен!

Жүргізуші: Отан үшін отқа түсіп, қан майданнан аман оралған қандастарымыздың алдында бас иеміз! Құрметті ағайын Тәуелсіздіктің, бейбітшіліктің нұрлы шуағына бөлене берейік.Осымен «Достықтың тұғыры-бейбітшілікте!» атты ертеңгілігіміз аяқталды. Әрбір жанұяға ырыс, табыс, қуаныш пен бақыт ұяласын! Еліміздің бірлігі нығая берсін, мерекелеріңіз құтты болсын!