«Бақытты балалық шақ»
Мақсаты: «Балаларды қорғау күні» туралы түсініктерін бекіту. Ойын - сауықта өлең айтып, би билеу арқылы белсенділіктерін арттыру. Балаларды өзін құрметтеуге, әлеуметтік мәнділік сезімін, жеке тұлға ретінде көрсете білуге тәрбиелеу.
Жүргізуші:

Арманы бір, үні бір
Аға ардақты, іні гүл
Бақыт туын көтерген
Балалардың күні бұл
Құрметті қонақтар, қымбатты бүлдіршіндер мен сәбилер! Жаз маусымы және өткен балаларды қорғау күні құтты болсын! Барлығыңызға ашық аспан, бейбіт өмір, сәбилерге бақытты балалық шақ, әрқашанда сыңғырлаған күлкі тілейміз. Бүгін біздің «Асыл бесік» балабақшасында да, осы балаларды қорғау күніне арналған «Бақытты балалық шақ» атты мерекелік шара өткелі отыр. Олай болса мерекемізді кішкентайй сәбилеріміздің биімен бастасақ. Алдарыңызда «Қошақан» тобы сәбилерінің орындауында

БИ
Баршамызды бала тілімен баурайтын,
Бала деген бір бақыт қой самғайтын.
Ата - ананың арманы мен тілегін,
Бала емес пе?, бал бұлақтан жалғайтын.
Сүп - сүйкімді періштелер сендерсіңдер,
Қандай бейне өздеріңе тең келетін.
Данышпан да, ғарышкер де, ғалым да,
Ең алдымен балалықты меңгерген.

Балалық демекші, «Ботақан» тобы сәбилерінің орындауында «Бала, бала балақан» әні

Орындаушы сәбилер: Айдынқызы Айлин, Бақытжан Хадиша, Марат Жанель, Қабиев Усман.
Жүргізуші:

Ән айтайық қосылып

Сәбилердің бұл күні

Мақтап кетсін осы жұрт   

Балалар деп үлгілі

«Балбөбек» тобы балаларының орындауында «Қошақаным» әніне береміз.

Жүргізуші: Тамаша! Қандай көңілді ән десеңші! Сәбидің көкейінде бәрін білсем деген сұрақ әсте таусылған ба?!

Көкжиектен күлімдеп,

Маусымның таңы атты,

Тұра қошы күнім деп,

Әжең сені оятты.

ӘН: «Балауса» тобынан Құрманбек Салима өз өнерін көрсетіп, «Әже» туралы әнін шырқамақшы.

Жүргізуші:

Даналардың тірегі,

Балалардың тілегі

Ауырмасын ешқашан,

Аналардың жүрегі

ӘН: Келесі кезекте «Құлыншақ» тобының әнші қызы Қадылбекова Адина Азаматқызы «Ана» туралы әнін орындайды.

Жүргізуші:

Бейбітшілік әніміз,

Өнерліміз бәріміз,

Қазақстан даласында,

Жарасады әніміз

«Балапан» тобының әнші қызы Абихан Айназдың орындауында

«Мен қазақтың қызымен» әні

Жүргізуші: Ортақ мекен жер шары,
Төбемізде бір аспан.
Барлық ұлттың баласы
Достығымыз жарасқан,-деп ортамызға «Күншуақ» тобының балалары «Достық» әнін шырқауға келіп қалыпты.

Жүргізуші: Жарайсыңдар, балалар. Бәріңіз де епті екенсіңдер.
Өнері де өрілген,
Биіктерден көрінген
«Бәйтеректі» шақырсақ
«Флешмоб»ты көрсеткен. Биылғы балабақшамыздың түлектерін қарсы алайық.

Жүргізуші:

Жаз да келді көңілді.
Келді гүл мен өрнекпен.
Ел бақыты мерейлі,
Балалары әндетті.
Гүлмен келсін келер күн.
Бала бағы бар елдің
Балалардың күлкісі
Көркі, сәні әлемнің