... мектебі

Тренинг сабақ

Тақырыбы: «Алақай! Мен оқушымын»

Мектеп психологы: Жұматаева Г.Ж.

Мерзімі:

Қатысушылар: 1-сынып оқушылары

Тренинг сабақтың тақырыбы: «Алақай! Мен оқушымын»

Мақсаты: Оқушылар арасындағы қарым-қатынасты жақсарту, қолайлы эмоциялық атмосфера құру.

«Аты және қасиеті» жаттығуы

Допты кезекпен бір-біріне лақтырып, өзі туралы айтып шығады.

«Сиқырлы қапшық» жаттығуы
Балаларды шеңбер жасай отырғызып жүргізуші олардың алдындағы кішкентай үстел басына отырады. Үстелдің басында сиқырлы қапшық тұр. Ішінде әртүрлі ұсақ ойыншықтар. Балаларды кезекпен шақырып қапшықтың ішіндегі екі бірдей затты тауып алуды талап етеді. Мысалы: екі доп, екі машина, т. б. Балалар қолымен заттарды сипап бірдей затты тауып алған соң сипаттап айтады. айтқанын тексеру үшін заттарды сыртқа шығарадығ, ойын осылайша жалғасады.

«Төрт құбылыс» сергіту жаттығуы
Балалар шеңбермен тұрады. Жүргізуші: «Су», - десе қолдарын алдына созады, «ауа» десе жоғары көтереді, «от» дегенде екі қолын айналдырады, «жер» дегенде қолдарын түсіреді. Кім шатасса, ойыннан шығады.

«Өз орныңды тап» жаттығуы

Балалар қатармен тұрады. Әр баланың қолында әр түрлі сандар. Жүргізуші белгі берген уақытта балалар сандардың реті бойынша тұруға тиісті. ойын бірнеше рет қайталанады. Балалардың орындарын шатастырып алмауы қадағаланады.

«Түстер» жаттығуы

Балалар мен сендерге қызыл, көк, сары немесе жасыл түстерді көрсетемін. Қай балаға жасыл түс кездессе, ол жасыл түсті 3 заттың атын атау керек. Айтқан затты қайталап айтуға болмайды. Мысалы, жасыл түсті алған оқушы жапырақ деп айтуға болады.

«Геометриялық фигуралар» жаттығуы

Геометриялық фигуралар әр түрлі түспен боялған, шеңбер болып орналасқан. 2 оқушы шығады. Бірінші оқушы қай фигураның үстіне тұрса, екінші оқушы шатаспай дәл сол фигураның үстіне тұра қалуы керек.