«25 қазан - Республика күні»

Сабақтың кезеңі/ уақыт

Педагогтың әрекеті

Оқушының әрекеті

Ресурс

Ұйымдастыру кезеңі

7 мин

Сәлеметсіздерме, оқушылар!

Біз ел дамуының жаңа басымдықтарын белгілеп алуымыз керек! Ұлттық мерекелер мен атаулы күндер тізбесіне бірқатар өзгеріс енгізген жөн. Республика күніне ұлттық мереке мәртебесін қайтруды ұсынамын.

(ҚР Президенті Қ.Тоқаев)

Бойыма рух, жігер берген,

Әнұраным айтар әнім...

Кез келген ел азаттыққа қол жеткізген күнін ардақ тұтады басқа мерекелерден айрықша қастерлейді. Қазақстанда «25 қазанды ұлттық мереке» ретінде атап өтіледі. Ол мейрам «Республика күні» деп аталады. Қазақстан бұл мерекеден 2009 жылы бас тартқан болатын. Міне, 13 жылдан соң, яғни 2022 жылдан бастап президент Республика күнін қайтарып, оған жаңа маңыз бен мазмұн берді.

Оқушылар мұғаліммен амандасады, түгенделеді, мектеп партасындағы қатарлары 
бойынша орындарына отырады

Презентация

Сабақ басы

13 мин

1990 жылы қазан айының 25-і күні Қазақ КСР Жоғарғы Кеңесінің шешімімен «Қаз КСР-нің мемлекеттік егемендігі туралы» декларация қабылданды. Сол сәттен бастап-ақ егеменді Қазақстан өзіндік көзқарасы бар жеке мемлекет ретінде таныла бастады. Қабылданған декларация Қазақстанның болашақ тәуелсіздігінің іргетасы саналды. Бұл акт арқылы әлем картасындағы жаңа мемлекет – Қазақстан Республикасының негізі қаланды. Қазір бұл күн мемлекеттік масштабта атап өтіліп, мереке ретінде тойланады. 2001 жылы 13 желтоқсанда қабылданған «Қазақстан Республикасындағы мерекелер туралы» №267 заң бойынша бұл күн мемлекеттік мерекелер қатарына қосылды.

Қыркүйек айының ортасында Қазақстан Республикасының парламенті “Қазақстан Республикасындағы мерекелер туралы” заңға түзетулер енгізді. Құжатқа сәйкес, Республика күні яғни 25 қазан – ұлттық мерекеге, ал Тәуелсіздік күні яғни 16 желтоқсан – мемлекеттік мерекеге айналды.

Телефон арқылы сканерлеп ақапаратпен танысады

Телефон

(QR код)

Сабақтың ортасы (20 мин)

«Суреттер сөйлейді» әдісі:

Суреттерді таныстырып, орналастырады.

ҚР Мемлекеттік Туы – 1992 жылы қабылданды. Авторы: Ш.Ниязбеков.

Бәйтерек монументі – елорданың ең көрнекті ғимараттарының бірі. 1997 ж тұрғызылған. Биіктігі 97 м. Сәулетшісі Ақмырза Рүстембеков.

Ата Заң – мемлекетті негізгі заңы, елдегі барлық басқа задарға қатысты жоғары зады күшке ие заң немесе заңдар тобы. 1995 ж. 30 тамызда қабылданды. Ол кіріспеден және 9 бөлімнен (98 баптан) тұрады.

Тәуелсіздік монументі – ҚР Тәуелсіздігінің 5 жылдығына орай Алматы қаласында салынған сәулет және өнер ескерткіші. Сәулетшісі Ш.Уалиханов, Н.Далбай, Ә.Жұмабаев, Қ.Жарылғапов, Қ.Монтақаев.

ҚР Ұлттық валютасы – теңге 1993 ж. 15 қарашада енгізілді.

Қазақ елі монументі – Астана қаласында орналасқан мәдени-архитектуралық монумент. 2009 ж ашылды. Авторлары: С.Жүнісов, Ж.Нұркенов.

ҚР Мемлекеттік Елтаңбасы – мемлекеттің басты рәміздерінің бірі. Мемлекеттің мәдени және тарихи дәстүрін бейнелейтін символдық мәні бар үйлесімді пішіндер мен заттардың мирастық ерекшелік белгісін білдіреді. 1992 ж. қабылданды. Авторлары: Ж.Мәлібеков пен Ш.Уалиханов.

Болашаққа бағдар – «Рухани жаңғыру» бағдарламасы – Тұңғыш Елбасының 2017 ж 12 сәуірде «Болашаққа бағдар: Рухани жаңғыру» атты мақаласы негізінде жасалған. Онда ұлтымыздың жаа тарихи даму кезеінің негізгі мақсаттары көрсетілген, атап айтқанда 30 елдің қатарына ену. Осы мақсаттарға жету жолына бағытталған жобалар бағдарламада толық көрсетілген.

«Кім тапқыр» әдісі.

Туған жердей жер болмас,
Туған елдей ел болмас.

Туған жердің күні де ыстық, түні де ыстық.
Оқушылар, мен өзім білетін Отан туралы мақалдармен бөлістім. Ендігі кезек сендердікі.

Оқушылар суретті таңдап, ол туралы ақпарат айтып орналастырады

Оқушылар Отан туралы мақал-мәтелдер айтып жарысады.

Сабақтың соңы

7 мин

Нұрына шомылдырып алтын күннің,
Республикам ертеңге талпындырдың.
Өзінен шабыт алып ақын қиял,
Шалықтап кең далада шалқып жүрмін.

Егемен елім десем, сенім кіріп,
Бойымды билеп кетер сенімділік.
Ешкімге ауыстырмас алтын Отан,
Жырлаймын қасиетіңді төгілдіріп.

Жарқырап жанған күндей азаттығы,
Көрінер ұлтымның да ғажаптығы.
Республика күнімен құттықтаймын,
Өйткені ол - Ұлт күні, Қазақ күні!

«Отаным Қазақстан» әні

Оқушылар бірге патриоттық ән шырқайды.