Уақыты:

Мектебі:

Сыныбы:

Сынып жетекшісі:

Тақырыбы:

25 қазан – Республика күні

Мақсаты:

Отан туралы білімдерін назарға ала отырып, Отанымыз – Қазақстан Республикасы туралы не білетіндігін саралау, алған мәліметтербойынша білімдерін бекіту.

Міндеттері:

Балалардың Отан, Қазақстан, туған жер туралы түсініктерін кеңейту.Отанды сүюге, еліміздің рәміздерін қастерлеуге, туған еліне деген сүйіспеншілігін аттыру. Оқушыларды елін, жерін сүюге, байлығын қорғауға, өз елінің патриоты болуға тәрбиелеу.

Түрі: Әдісі:

Көрініс:

Отан туралы тақпақтар

Қорытынды:

Топтық жұмыс, сұрақ - жауап, пікірталас

Көрнекіліктері: жалауша, суреттер, плакат

Сабақтың барысы: І. Ұйымдастыру кезеңі.

Хор: Әнұран. - Кәне балалар Отан деген не?

- Адамның туып өскен жері, туған - туысқандары, біз тұратын атамекен. - Балалар біздің отанымыз қалай аталады?

- Біздің - Отанымыз Қазақстан.

- Ендеше, бүгінгі тәрбие сағатымыз «25 қазан – Республика күні» деп аталады.

ІІ. Негізгі бөлім. Оқушыларды 3 - топқа бөлу. Әр қатарға қиылған қағазды тарату. Шыққан суреттен әр топтың аты шығады.

1 - топ: Туған жер 2 - топ: Отан 3 - топ: Атамекен

Қолшатыр әдісі: Сұрақ-жауаптар

ҚР тәуелсіздігін қай жылы алды?

– Еліміздің бас қаласы

ҚР президенті кім?

ҚР рәміздерін атаңыз.

ІІІ. Рәміздер туралы тақпақтар айтады.

Ту

Бұлт баспасын күнімді

Тарылмасын өрісім.

Биік ұстау Туымды-

Қасиетті борышым

Елтаңба

Тәуелсіздік көркі ол да,

Өркениет өрінде

Нұр төгеді Елтаңба

Ақ Орданың төрінде.

Әнұран

Ер төркіні байрағынан таныған

Өзі ақын, өзі әнші халықта

Кім айта алар

Болмаған,- деп - Әнұран?!

ІҮ. Көрініс: Атасы мен немересі

Көрініс. (Музыка ойнап, аяғын ақырын басып Ата шығады. Орындыққа келіп, демалып отырады. Осы кезде жүгіріп немересі шығады).

Немересі: Ата, не ойлап отырсыз?

Атасы: Ә, балам, атаң не ойламайды дейсін! Сенің болашағыңды ойлаймын. Еліміздің болашағы жайлы, өткен өмір жайлы ойлаймын

. Немересі: Ата, «өткен өмір» деген не?

Атасы: Ә, балам, «өткен өмір» деген сонау ежелгі бабаларымыздан бергі өткен өмір жолы, бұл тарих емес пе?

Немересі: Ол қандай болған?

Атасы: Ендеше тыңда, балам! Сен тарихыңды, жеті атаңды білуге тиіссің. Отаны жоқ адам нағыз бақытсыз жан, ал біз қазақ халқы нағыз бақ қонған тәуелсіз халықпыз. Отанды көркейту үшін сендер сабақты жақсы оқуларың керек.

Немересі: Ата, ендеше мен Қазақстнады одан әрі дамыту үшін сабағымды жақсы оқитын боламын.

Атасы: Балалар, туған дерді гүлдендірер ұл - қызы, міне, сендерсіңдер. (Атасы мен немересі шығып кетеді).

Тақпақтар айтады.

1.Кең жазық Отан мекенім,

Сен де өсіп көктедім

Сені қорғау парызым,

Мұны біліп өтемін.

2. Ұлан байтақ жері бар,

Пайдалы қазба кені бар.

Тәуелсіз ел – Қазақстан

Көркіне көркі жарасқан.

3.Отаным менің Қазақстан

Мәңгілік сенімен мақтанам

Саяңда жүрсем әрдайым

Күлімдеп жүрем бақ табам.

4.Отаным менің Қазақстан

Қарызбын саған әрқашан

Азаматтық борышты

Өтеуге мәңгі талпынам.

5.Отаным менің Қазақстан

Атыңнан сенің айналам

Бас иіп саған өтемін

Жасай бер жаса Қазақстан.

6. Отаным менің – Қазақстан,

Ыстық қой сенің топырағын.

Орманын, көлін, бау-бағын,

Қастерлеген қазағым

7. Отанды әркім анасындай

Қастерлейді, бағалап.

Өйткені Отан баласындай

Бізді өсірер аялап.

8.Отан деген – атамекен.

Отан деген туған жер.

Отан – ана,

Отан – үлкен

Қазақстан – туған ел.

9.Мен оның түнін сүйем, күнін сүйем,

Ағынды өзен, асқар тау, гүлін сүйем,

Мен оның қасиетті тілін сүйем,

Мен оның құдіретті үнін сүйем.

Мақал –мәтелдер:

Ел ағасымен жарасады,

Киім жағасымен жарасады.

*** *** *** ***

Туған жер — тұғырың,

Туған ел — қыдырың.

*** *** *** ***

Ел қадірін көрген біледі,

Жер қадірін жүрген біледі.

*** *** *** ***

Адам елінде көгерер,

Қоға көлінде көгерер.

*** *** *** ***

Ел болам десең, бесігіңді түзе.

*** *** *** ***

Отан — елдің анасы

Ел — ердің анасы.

*** *** *** ***

Туған жердей жер болмас,

Туған елдей ел болмас.

*** *** *** ***

Отанды сүю — от басынан басталады.

*** *** *** ***

Пәлен жерде алтын бар,

Өз еліңдей қайда бар.

*** *** *** ***

Туған жердің жуасы да тәтті.

Тілек. (Оқушыларға көгершіндер таратылады. Өз тілектерін жазу керек. Болғаннан кейін плакатқа келіп, көгершіндерді іледі.)

Қорытынды:

- Балалар! Біздің Отанымыз – Қазақстан Республикасы екен. Отансыз адам болмайды. Отанымыз көркейіп, гүлдену үшін біз көп еңбектенуіміз керек. Еңбектену дегеніміз білімді, тәртіпті болуымыз.

Хор: «Көк тудың желбірегені» (Қолдарына жалаушалар алып сермейді)