Ашық тәрбие сағатының тақырыбы: «25-қазан Республика күні!»

Ашық тәрбие сағатының мақсаты: Оқушыларды туған жерін, туған елін, халқын ардақтап өтуге үйрету. Бақытқа жетер даңғыл жолдың бірі - туған Отанды сүюден басталатынын түсіндіру. Отанға деген патриоттық сезімдерін ояту.

Көрнекіліктер: жалаушалар, суреттер, шарлар, қанатты сөздер, презентация, видеоролик.

Барысы:

Жүргізуші:

Сәлеметсіздер ме, құрметті ұстаздар, оқушылар және тәрбие сағатына келген қонақтар! Бүгінгі өткізілгелі отырған айтулы мереке Республика күнімен баршаңызды шын жүректен құттықтаймын.

Жүргізуші:

Жарқырап жанған күндей азаттығы,

Көрінер ұлтымның да ғажаптығы.

Республика күнімен құттықтаймын,

Өйткені ол - Ұлт күні, Қазақ күні!

«Республика күні» — еліміздің тәуелсіздігін, бейбіт өмірін дәріптейтін мереке.
Республикамыздың нышандары мен рәміздерін құрметтеу — әрбір азаматтың парызы. Олай болса, Қазақстан Республикасының Мемлекеттік Әнұранын бірге шырқайық.

Мемлекеттік Әнұран орындалады.

Жүргізуші: Қазақстан тәуелсіздік алғаннан кейін Республика күні жыл сайын 25 қазанда аталып өте бастады.  2009 жылы сәуірде ол мерекелер қатарынан  алынып тасталды.

Жүргізуші:Еліміздің президенті Қасым-Жомарт Тоқаевтың шешімімен 2022жылдан бастап Республика күні қайта тойлана бастады. Мемлекет басшысы оған "ұлттық мереке" мәртебесін беріп, Қазақстанның басты мейрамы ретінде атап өту туралы бастама көтерді.

Жүргізуші: Республика күні — біздің бірлігіміз бен бейбіт өміріміздің айғағы. Осындай ұлы мерекені тойлау тәуелсіздігіміздің жемісі. Ендеше, оқушыларға кезек берейік.

1-оқушы: Абай

Рухынан жақсылардың нұр саулаған,

Жанымды мейірімі құрсаулаған.

Жайсаң өлке, жайдары Қазақстан,

Шуақ шашқан сәулелі күнсің маған!

2-оқушы: Абдулла

Нұрына шомылдырып алтын күннің,

Республикам ертеңге талпындырдың.

Өзіңнен шабыт алып ақын қиял,

Шалықтап кең далада шалқып жүрмін.

3-оқушы: Аңсар

Құтты болсын, Қазағым,

Республика күні бұл.

Мерейлі де тәуелсіз,

Қазағымның үні бұл.

4-оқушы: Азиз

Республикам жасай бер,

Атар таңың бақ сыйлап.

Тәуелсіз ел жасай бер,

Қуанышты күн сыйлап.

5-оқушы: Абылайхан

Азаттықтың көк туы,

Желбіресін көгімде.

Бар жақсылық орналсын,

Егемендік елімде.

6-оқушы: Хасан

Егемен елім десем, сенім кіріп, 
Бойымды билеп кетер сенімділік. 
Ешкімге ауыстырмас алтын Отан, 
Жырлаймын қасиетіңді төгілдіріп.

7-оқушы: Қуаныш

Жақсылар жанын қиды қасіретпен,
Алаштың ерлері бар асыл өткен.
Арманым болмас еді-ау туған елім,
Гүл жайнап, қазақ болып тасып өтсем.

8-оқушы: Алихан

Жарқырап жанған күндей азаттығы,
Көрінер ұлтымның да ғажаптығы.
Республика күнімен құттықтаймын,
Өйткені ол - Ұлт күні, Қазақ күні!

Жүргізуші:

Тәуелсіздікке тән белгі -
Қасиетті осы рәміздер -
Еліме рух, мән берді,
Иесі оның – мына біздер. Олай болса оқушыларымыздың әсем әніне кезек берейік!

Ән «Көк тудың желбірегені», орындайтын – Хусан, Айдана

Жүргізуші:

Көк аспанда күн күлсін,
Жерімізде гүл өссін.
Бақыт орнап жерімде,
Берекелі күн тисін. Келесі кезекте қыздарымыздың биін тамашалайық!

Би «Флешмоб»

Жүргізуші:

Республика күні – әр қазақтың жүрегіне қуаныш, мақтаныш ұялататын күн.
Бүгінгі бейбіт өмір – ата-бабалар арман еткен ұлы мұрат. Ендеше, мерекеге орай айтылатын поэзияға құлақ түрейік!

Бейсбаев Ибрахим

Жақсылар жанын қиды қасіретпен,
Алаштың ерлері бар асыл өткен.
Арманым болмас еді-ау туған елім,
Гүл жайнап, қазақ болып тасып өтсем.

Өр Елім, маңдайыңнан жарық көрдім,
Бабалар өнегесін алып келдім.
Ескерткіш Елім үшін орнатпасам,
Мына жалған өмірге неғып келдім?

Рухынан жақсылардың нұр саулаған,
Жанымды мейірімі құрсаулаған.
Жайсаң өлке, жайдары Қазақстан,
Шуақ шашқан сәулелі күнсің маған!

Нұрына шомылдырып алтын күннің,
Республикам ертеңге талпындырдың.
Өзінен шабыт алып ақын қиял,
Шалықтап кең далада шалқып жүрмін.

Егемен елім десем, сенім кіріп,
Бойымды билеп кетер сенімділік.
Ешкімге ауыстырмас алтын Отан,
Жырлаймын қасиетіңді төгілдіріп.

Жарқырап жанған күндей азаттығы,
Көрінер ұлтымның да ғажаптығы.
Республика күнімен құттықтаймын,
Өйткені ол - Ұлт күні, Қазақ күні! 

Жүргізуші:

Еліміздің мемлекеттік рәміздері — біздің мемлекетіміз бен егемендігіміздің мызғымас негіздерінің бірі. Ендігі кезекті рәміздер жайлы қойылымға береміз.

Қойылым: «Рәміздер»

(Сахнада екі оқушы шығады)

1-оқушы: (Туды жерге қояды) Мынау не үшін сонша қымбат? Бұл тек мата ғой...
2-оқушы: Жоқ! Бұл – біздің көк байрағымыз! Ол – тәуелсіздігіміздің белгісі, бейбіт өмірдің нышаны.
1-оқушы: Сонда Елтаңбаның мағынасы қандай?
2-оқушы: Елтаңба – бірліктің, ынтымақтың белгісі. Онда шаңырақ бар – ол біздің ортақ үйіміз. Ал пырақтар – бейбіт аспанға талпыныс, еркіндіктің символы.
1-оқушы: Ал Әнұран ше?
2-оқушы: Әнұран – жүрегіміздің үні. Әр жолы шырқалған сайын кеудемізді мақтаныш кернейді. Ол – ел рухының айғағы.
1-оқушы: Рас айтасың. Мен енді түсіндім, рәміздер – халықтың жаны, рухы екен.
(Екеуі бірге): Туымызды, Елтаңбамызды, Әнұранымызды қастерлеу – біздің парызымыз!

Жүргізуші:

Ендігі кезекті оқушыларымыздың орындауындағы әсем әнге берейік.

Хор: «Атамекен»

Жүргізуші:

Олай болса, бүгінгі ашық тәрбие сағатымыз осымен тәмамдалды. Ендігі сөз кезегін келген қонақтарға береміз.