3-сынып. Өзіңді және өзгелерді түсіне білу

Сабақтың барысы:

1. Ұйымдастыру кезеңі.

5. Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік. Тыныштық сәті. «Орманға серуен». Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайыннеғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз.Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз.Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз.  Көзіңіздіашып, күлімсіреңіз!Рахмет.

2. Үйге тапсырманы тексеру.

1. №13– сабақ. 1 – тапсырманы орындау.

2. Келесі сабақ. №14, «Гүл»мәтінін оқып келу.

Сұрақтар:

1. Асқар салтанатты мәжіілістен не ұқты деп ойлайсыңдар?

2. Адамдарды қалайша қуантуға болады?

3. Өзің басқаларды қуанту үшін не істей аласың?

3. Сабақтың дәйексөзі.

«Өзін тәрбиелей білмеген өзгеге өнеге көрсете ал­майды»

Абай

Сұрақтар:

1. Өзін – өзі тәрбиелеу дегенді қалай түсінесіңдер?

2. Сабақтан үйренгендеріңнің күнделікті өмірде кездескен кезі болды ма?

3. Дәйексөзден қандай ой түйдіңдер?

4. Оқиға айту (Мұғалім сыйы).

Кешірімділік

Өмірде бірАйсұлу есімді қыз болыпты.Ол үш жылдан астам уақыт ішінде ақша жинап,өзінің армандаған қымбат алматылық тұсқағаздарын сатып алады.

Күндердің бір күніндеқыз компьютермен жұмыс істеп отырғанда,есікті біреу қағады.Ашса, бірбала ескірген,керек емес киімдерді сұрайды.Қыз оны аяп үйіне кіргізіп,арғы бір бөлмеге жібереді.Ол бала кімдерді алып келе жатқанда,байқамай бояуға толы шелекті төңкеріп алады.

Мұны естіп,қыз жүгіріп келеді.Қараса,жақында ғана жабыстырған алматылық тұсқағаздарыбүлінген.Ол қатты ызаланып,балаға ашулы қарады.Бірақ оның жалтылдаған,жасқа толы көздерін көргенде,ызасы басылады.Сол сәтте ол :

• Балақай, ештеңе етпейді!-деп,бөлмеден тағы киімдерін қолына ұстатап,мейірімділікке толы жүрегімен үйінен шығарып салады.

Сұрақтар:

1. Қатты ызаланып тұрған адамды сабырлыққа шақырудың жолдары қандай?

2. Мейірімділікке толы жүректі адамның әрекеті немен сипатталады?

3. Өзіңнің ашуланып тұрған кездерің болды ма?

4. Сол кезде, сабырлыққа өзіңді қалай шақырдың?

5. Шығармашылық жұмыс, топпен жұмыс.

Тапсырма:«Мейірімділік» кестесін сызып, толтыру. Бірінші бағанға-мейірімді істердің, екінші бағанға- мейірімді адамның қасиеттерінің тізімдемесін жасау. 

6. Топпен ән айту.

Бала тілегі

Сөзін жазған :С.Молдасанұлы

Әнін жазған:Ф.Жолдасова

Бал-балалық ,балдырған шақ сан арман,

Барлық бала армандауғажаралған .

Келдостарым, әндетіңдер, билеңдер,

Гүлденсіндепатамекен-қараорман.

Болашақтыңиесімізбәріміз,

Туғанжердіңтүрлендірернәріміз.

Алтын-бесік-ұланбайтақелімде,

Жарқынболсыншырқапайтарәніміз.

Қалықтасынкөгершінікөгінде,

Мұңаймасынешбір бала елімде.

Атабергенбатамененкөгерсін,

1. ҰлыОтаным,тілегімсолелімде

7. Үйге тапсырма

1. №14 – сабақ. «Сәлем – сөздің анасы» тақырыбына шағын әңгіме жазу.

2. Келесі сабақ. №15, «Ақ жауын» мәтінін оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)немесе1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.