Сабақ жоспары

План урока

The plan of the lesson

Күні\ Дата\ Date:21.11.15.

Пәні\Предмет\Subject: Қазақ тілі

Тақырыбы\ Тема\Theme: тұрлаусыз мүшелер

Мақсаты\ Цель занятия\ The Lessons aims:

Білімділік:Образoвательная:Education: сауатты жазу дағдыларын қалыптастыру; сөйлем мүшелері:тұрлаусыз мүшелері туралы түсініктерін қалыптастыру;

Дамытушылық:Развивающая:Developing: сөйлемдерді сауатты жаза білу қабілеттерін дамыту; сөйлем мүшелерін ажырата білу қабілеттерін дамыту;

Тәрбиелік: Воспитательная:Brining-up: ұқыптылыққа, ұйымшылдыққа тәрбиелеу;

Көрнекі құралдар: 

Сабақтың типі / Тип занятия / The lessons tupe: Жаңа сабақ, дәстүрлі емес

Сабақтың түрi ∕ Вид занятия ∕ The lesson′s tupe: ойын сабақ

Сабақтың барысы/ Ход урока /Plan

І. Ұйымдастыру кезеңі 3мин

-Қайырлы түн, оқушылар!

- Балалар, сабағымызды бастамас бұрын бір-бірімізге жақсы көңіл-күй

сыйлап алайық:

Психологиялық тренинг.

- Көңіл күйлерің қалай?

- Керемет! (қолдарын көтереді)

- Сабаққа дайындықтарың қалай?

- Тамаша! (алақандарын соғады)

- Ендеше бастайық!

Бір-бірімізге сәттілік тілеп, алақандарымызбен жылу таратайық. Балалар біздің сыныптың өз ережелері бар соны есімізге түсірейік

Ережелер:

• Тыныштық сақтау;

• Бір-бірімізді тыңдау

• Бір-бірімізді құрметтеу

• Сұраққа толық, ұтымды жауап беру;

Егер сендер бұл ережені бұзатын болсаңдар, сабақ соңында бағаларыңды төмендетіп қоямын, келістік пе?

Үй тапсырмасын тексеру.

-Балалар, үйге берілген жаттығуды жинап алған дәптерлеріңнен тексеремін.

“Миға шабуыл”

-Балалар, сабағымызды бастамас бұрын өткен тақырыптарды еске түсіріп алайықшы.

Жарайсыңдар балалар!

1.Қимыл іс-әрекет иесін білдіретін сөз не?

А)бастауыш

Ә)баяндауыш

Б)зат есім

2.Баяндауыш қай сұраққа жауап береді?

А)кім? Не?

Ә)қанша?

Б)не істеді?не қылды? Қайтті?

3.Баяндауыш сөзді тап.

А)адам

Ә)қалам

Б)жазды

4.Сөйлемнен етістікті тап. Мұғалім сыныпқа кірді.

А)мұғалім

Ә)кірді

Б)сыныпқа

5.Бастауыш сөзді көрсет.

А)сары

Ә)мысық

Б)биік

6.Бастауыш қандай сұрақтарға жауап береді?

А)кім?не?кімдер?нелер?

Ә)не істеді?

Б)қандай?қай?

7.Бастауышы бар сөйлемді тап.

А)сабаққа дайын бол

Ә)фигураның ауданын тап

Б)оқушы тақтаға жазды

-Тест жұмысын орындап, өткенді есімізге түсірдік.Ал енді жаңа тақырыпқа кірісейік.

Жаңа сабақ

(12+23)+79=114 (тұр) қандай буын (бітеу)

(23-19)+(15+26)=45(лау) қандай буын (бітеу)

(70-32)-12=26 (сыз) (бітеу)

94-(47+12)=35(мү) (ашық)

175-(75-10)=110(ше) (ашық)

Балалар қандай сөз шықты (тұрлаусыз мүше) жарайсыңдар балалар! Бүгінгі сабақтың тақырыбы тұрлаусыз мүше.

Тірек—сызба арқылы түсіндіріледі

1. Сөйлем мүшелері нешеге бөлінеді?

2. Тұрлаулы мүше дегеніміз не? Мысал келтір.

Тақтаға назар аудару: Қар жауды.

Бүгін жапалақтап қар жауды.

Мына сөйлемдердің ұқсастықтары мен өзгешеліктері бар ма?

- Екі сөйлем де қар туралы айтылып, оның жауғанын хабарлайды.

- Қар жауды. сөйлемінің құрамын анықтайық. Бұл сөйлем бастауыш пен баяндауыштан тұрады. Олар сөйлемнің тұрлаулы мүшелері.

- Екінші сөйлемде тұрлаулы мүшелерден басқа сөздер бар - оларды сөйлемнің тұрлаусыз мүшелері дейміз.

- Бастауыш пен баяндауыштан басқа сөйлем мүшелерін тұрлаусыз мүшелер дейміз.

ЕРЕЖЕ:Сөйлемдегі бастауыш, баяндауыштардан басқа сөйлем мүшелерін тұрлаусыз мүшелер деп атайды. Оларға қандай? Кімге? Неге? Нені? Қашан? қайда? т. б. сұрақтар қойылады.

Тұрлаусыз мүшелер өздігінен сөйлем жасай алмайды. Тек көмекші қызмет атқарады.

Ережені хормен 2-3 рет айтқызып, 4-5 оқушыдан сұрау.

Кітап бойынша жаттығулар жазу.

Балалар бүгінгі сабағымыз ерекше болып өтпек. «Алтын қақпа»-ойынын ойнау арқылы сабағымызды бекітеміз. Әр қақпадан өту үшін тапсырмаларын орындауымыз керек. Әр қақпаның тапсырмасын орындау арқылы кілтін алып келесі қақпаға өтеміз.

1-қақпамыз: «Ағаш қақпа»

66 жаттығу ауызша сөйлемдерді талда:

2-қақпамыз: «Қола қақпа»

67жаттығу сөйлемдерді көшіріп жаз.

Әсия гүлді ұнатады. Әдемі гүл өсті. Біз ұшаққа міндік. Ұшақ әуежайға қонды. Жарастың бригадасы жұмысқа кірісті.

- қарамен жазылған сөздер бастаушқа қатысты ма, баяндауышқа ма? Сұрақ қой.

3-қақпамыз:« Күміс қақпа»

68жаттығу- (жатқа жазу, жұптық жұмыс өзара тексеру.)

Ала қарға қарға қонды,

Қара қарға жарға қонды.

Бастауыш пен баяндауыштардың астын сыз, тұрлаусыз мүшелердің астын ирек сызыкпен сыз.

4-қақпа: «Алтын қақпа»

72 жаттығу сөйлемдерді көшіріп жаз.

Қонақтар төрге отырды. Мөлдір шай жасады. Дастарқанды дәмді тағамға толтырды. Шайды әжесі құйды.

Сөйлем мүшелеріне талдау жаса.

Сергіту сәті. Teddy Bear Teddy Bear turn around

Жаңа білімді бекіту:

Шығармашылық жұмыс: 71 жаттығу: сурет бойынша әңгіме құр. Тұрлаусыз мүшелерді тап

- Сөйлем мүшелері қызметіне қарай нешеге бөлінеді? Ата.

- Тұрлаулы мүшелерді ата.

- Бастауыш дегеніміз не? Оның сұрақтары.

- Баяндауыш дегеніміз не? Оның сұрақтары

- Тұрлаусыз мүшелер дегеніміз не? Оның сұрақтары.

- Сөйлемдегі сөздердің байланысын қалай табамыз?

Үйге тапсырма: 78 бет 69 жаттығу, ереже,72 жаттығу-80 бет.

Бағалау

Жарайсыңдар, балалар, енді сендерді сабақ барысында алған жетондар бойынша бағалаймын.

Осымен сабақ аяқталды, сау болыңдар!

Сынып жетекші:

Әдіскер: