3-ТОҚСАННЫҢ ЖИЫНТЫҚ БАҒАЛАУ СПЕЦИФИКАЦИЯСЫ

3-тоқсанның жиынтық бағалауына шолу

Ұзақтығы – 40 минут

Тыңдалым - 10 минут

Оқылым – 10 минут

Жазылым – 20 минут

Айтылым сабақтан тыс уақытта бағаланады (әр білім алушыға 2 минут беріледі)

Балл саны – 30

Тапсырма түрлері:

Қысқа жауапты қажет ететін сұрақтар

Көп таңдауы бар сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың құрылымы 4 компоненттен тұрады. Бірінші компонент - тыңдалым, екінші компонент - оқылым, үшінші компонент - жазылым және тілдік бағдар, төртінші компонент - айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Мысал үлгілері және балл қою кестеcі

«Қазақ тілі мен әдебиеті Т2» пәнінен 3-тоқсан бойынша жиынтық бағалау тапсырмалары

Тыңдалым

«Мамандық» сөзі латын тілінен аударғанда «жұрт алдында сөйлеу, жариялау» дегенді білдіреді екен. Бірақ болашағымызбен тікелей байланысты бұл сөздің мағынасын жастардың көбі біле бермейді. Бұрынғы заманда мамандықтың қазіргідей түр-түрі болмаған. Әр адам қолынан келген кәсіппен айналысып өмір сүрген.

Ал қазір ше? Қоғамның дамып, нарықтық қарым-қатынастың өмірге келуіне байланысты заман талабына сай әртүрлі мамандық пайда болды. Мамандық таңдау деген – өзің айналысқың келетін жұмысты таңдау ғана емес, өзің араласқың келетін ортаны да таңдау.

Мамандық – қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі. Мамандық таңдау – тағдырыңды таңдау деген сөз. Бұл өте жауапты және маңызды іс. Мамандық таңдау үшін адам, ең алдымен, өзін, өз бейімділігін тануы қажет. Мамандық таңдауда әр адам өзінің қызығушылығына, қабілетіне, қалауына сүйенгені дұрыс.

(128 сөз)

Дереккөз: https://massaget.kz/okushyilarga/otandasyindyi_okyi/33187

(өңделген)

1. Мәтіннің бастапқы бөлігіне сәйкес тірек сөздерді белгілеңіз.

1. болашақ, жастар, өмір сүрген

2. мамандық, бұрынғы заман, адам

3. латын тілі, сөйлеу, жариялау

4. мамандық, сөз мағынасы, жастар [1]

2. Мәтін мазмұнына сәйкес тақырып таңдаңыз.

1. Кәсіп түбі – нәсіп

2. Мамандық таңдау – жауапты іс

3. Мен таңдаған мамандық

4. Болашақ мамандықтары [1]

3. Сөйлемді мағынасына қарай толықтыратын сөзді анықтаңыз.

«Мамандық таңдау – өте жауапты, ... іс».

1. дайындықты

2. қарапайым

3. маңызды

4. қабілеті [1]

4. Мәтінде жауабы бар сұрақты «+» таңбасымен белгілеңіз.

5. Сұраққа толық жауап беріңіз. Мамандық таңдауда адам өзінің қандай қасиеттеріне көңіл бөлгені дұрыс?

___________________________________________________________________________________________________________________________________[1]

Оқылым

1. Мәтін бөліктерін мұқият оқып, мазмұндық құрылымына қарай ретімен орналастырыңыз.

[1]

А) Бұл қалаларда жыл сайын кең көлемде сауда жәрмеңкелері өткізілетін. Әртүрлі елден жиналған саудагерлер бас қосып, сауда қарым-қатынасын орнататын. Кез келген дүниені айырбастауға, сату мен сатып алуға болатын. Мыстан жасалған тұрмыстық бұйымдар мен қару-жарақтар, киім-кешек пен ер-тұрмандар саудаға түсетін.

В) VI-VII ғасырларда Қытайдан бастау алған керуен Жетісу мен Оңтүстік Қазақстан даласын кесіп өтетін. Жібек жолының бойында орналасқан көне қалалар бірталай соғыс, өрт, аштық, апаттардың куәсі болды. Отырар, Тараз, Сайрам (Испиджаб), Түркістан (Яссы), Суяб, Баласағұн тағы басқа көне қалалар тек сауда ғана емес, мәдениет және ғылым орталықтары болды.

С) Ұлы Жібек жолы – Қытай жерінен басталып, Қиыр Шығыс пен Еуропа елдеріне беттеген керуен жолы. Бұл жолдың басым бөлігі Орта Азия мен Қазақстан жерінің үстімен өтті. Жібек жолы біздің заманымызға дейінгі III ғасырда сауда магистралі ретінде пайда болып, XVI ғасырға дейін қызмет етті. Ұлы Жібек жолы арқылы тек сауда жүйесі дамып қана қоймай, Шығыс пен Батыс елдері арасында мәдени және дипломатиялық қарым-қатынас орнады.

(147-сөз)

Дереккөз: https://www.google.com/amp/s/massaget.kz/layfstayl/alemtanu/Qazaqstanym/562/amp/

(өңделген)

2. Мәтін мазмұнына қатысты бір жанама ақпаратты анықтаңыз.

[1]

3-4. Мәтінді мұқият оқып, тақырыбы мен негізгі ойын жазыңыз.

[2]

5. Бұл қала ертеден «екінші Мекке» деп аталып кеткен. Бүгінгі таңда көне қала әлемдік туризм орталығына айналды.

Сұраққа толық жауап беріңіз. Бұл қай қала?

______________________________________________________________ [1]

Жазылым

Берілген екі тапсырманың бірін таңдап, жазба жұмысын орындаңыз. Сөздерді орфографиялық нормаға сай жазып, қосымшаларды дұрыс жалғаңыз, жазба жұмыста етістіктің шақтарын, теңеу, эпитет сөздерді, сөйлем соңында қойылатын тыныс белгілерді орынды қолданыңыз.

1. «Тарихи-мәдени ескерткіштер – ел тарихы»

Мұғалім сабақта өтілген тақырыпты қорытындылау мақсатында «Тарихи-мәдени ескерткіштер – ел тарихы» тақырыбында оқушыларға өз ойларын жазуға тапсырма берді. Ойыңызды дәлелдеп пайымдау мәтінін жазыңыз.

2. Сіз жазғы демалыста ата-анаңызбен бірге еліміздің көрікті жерлерін араладыңыз. Сапар барысында екі күнде болған жерлеріңізді, алған әсеріңізді сипаттап күнделік жазыңыз.

[10]

Айтылым

Берілген тақырыптардың бірін таңдап, жұбыңызбен диалог құрастырыңыз (6-8 сөйлем). Диалог құрауда ұлттық сөз әдебі мен сөйлеу этикетін сақтап, тура, ауыспалы мағынадағы сөздерді, сұраулы, хабарлы, лепті және бұйрықты сөйлемдердің интонациялық ерекшелігін ескеріңіз.

[10]

Ұсынылатын тақырыптар

1. Менің болашақ мамандығым

2. Менің өлкем – неткен көркем!

3. Ұлылар мекені (Белгілі тұлғалар туралы)

4. Ұлы Жібек жолы бойында болған қандай көне қалаларды білесіз?

5. «Мамандық таңдау – болашағыңыздың бір кірпішін дұрыс қалау» дегенді қалай түсінесіз?

Балл қою кестесі

Тыңдалым

Әр дұрыс жауап үшін 1 балл беріледі.

Оқылым

Әр дұрыс жауап үшін 1 балл беріледі.

Жазылым

Айтылым