«4 саны мен цифры»

Ақтөбе облысы, Темір ауданы

Сарыкөл жалпы орта білім беретін мектебі КММ-нің

жанындағы шағын орталық тәрбиешісі

Әбілханова Сая Жұмагелдіқызы

Ашық ұйымдастырылған оқу қызметі

Тақырыбы: «4 саны мен цифры»

Топ: Ортаңғы

Мақсаты: 4цифрын 4санының таңбасы ретінде таныстыру, 4 цифрының сандық қатардағы орнын анықтау. 4цифрын өзге цифрлар арасынан табу, баланың дамуына ықпал ету.

Шаттық шеңбер

Армысың көк аспан

Армысың алтын күн

Армысың жер ана

Армысың қонақтар

Топқа бөлу

Балалар төртбұрыштың түстеріне қарай 2 топқа бөлінеді.

Тәрбиеші: Балалар төртбұрыштың неше түсі бар?

Балалар:4 бұрышы бар

Тәрбиеші: Дұрыс айтасыңдар ендеше балалар бүгін өтетін цифрымыз 4 .

Балаларға 4 санын тақтаға жазып көрсету. Тура және кері санау

Төрт мезгіл, төрт түлік малды мысалға келтіріп 4 санын басқа сандардың арасынан табу. Дидактикалық материалдармен жұмыс. Суреттер арқылы есеп шығару.

Сергіту сәті

Оң қолымда бес саусақ

Сол қолымда бес саусақ

Бесті беске қосқанда

Болады екен он саусақ

Балаларға таяқшалар таратып беріп сол таяқшалардан 4 санын құрастыруды тапсырдым Суреттермен жұмыс

Тәрбиеші балаларға жұмбақ жасырады

Мені қардан жасапты

Ойланып көр

Қолым таяқ

Мұрным сәбіз

Көзім көмір

Балалардың жауабы: (Аққала)

Тәрбиеші: өте дұрыс балалар қазір жылдың қай мезгілі

Балалар: Қыс

Тәрбиеші:Алдымызда қандай мереке келе жатыр?

Балалар: Жаңа жыл

Тәрбиеші: Дұрыс айтасыңдар балалар ендеше «Аққаладан айырмашылық тап» деген ойын ойнайық. Тақтаға 2 аққаланың суретін іледі Аққалалардан 4 айырмашылықты табады балалар.

Қортындылау: Балаларға смайликтер береді бүгінгі сабақ ұнаса күліп тұрған, ұнамаса мұңайып тұрған смайликтерді алып қыстырғышпен жіпке іледі

Балалардан сұрақ жауап арқылы сабақты қортындылау Балаларды сабаққа белсене қатысқаны үшін мадақтау.