«4 саны мен цифры»

Білім беру саласы: «Таным»

Бөлім: «Қарапайым математика»

Тақырыбы: «4 саны мен цифры»

Мақсаты:Балаларды 4 саны мен цифрымен таныстыру. 4 санының құрамына есеп құрастыру.4 цифрын дұрыс жаза білуге үйрету. Көрнектіліктер: тақырыптық суреттер,сандар. Амандасу: Өткен санды қайталау. Жаңа сабақ:Сурет бойынша 4 санының пайда болуын түсіндіру. –Аквариумде 3балық болды,тағы бір балық әкеліп қостық.Неше балық болды? 3+1=4.Бүгін біз 4 санымен танысамыз. 4 санын көрсетіп,тура және кері санау.4-тің алдындағы сан ұғымын түсіндіру. 3 қоянның қасына тағы да бір қоян келіп қосылды.Неше қоян болды? 3+1=4. Төрт қоянның біреуі қашып кетті,неше қоян қалды? 4-1=3 -Ал,балалар қояндар нені жақсы көреді? -Сәбізді. Сәбіздерді пайдаланып 4 санының пайда болуы мен 4-тің алдындағы саны ұғымы қайталанылады. –Қане, бәріміз төрт таяқша санап шығарайық. Таяқшалар арқылы 4-таяқшадан әр түрлі пішіндер құрастырайық.

-Пішіндер неге ұқсайды? -шаршыға, «ш»дыбысына. 4-саны неге ұқсайды? -төңкерілген орындыққа

Сергіту сәті: 1,2,3-ал кәнеки ұш, 4,5,6,7-мынау ауыл шеті. 8,9,10-ал,кәнеки қон.

Тақтамен жұмыс:Тақтадағы суреттер бойынша заттың атын атап,санау. 4балық,4 ат,4 доп. «4»санына байланысты түсініктер беру. 4 -түлік мал,4-жыл мезгілі,4-қабырғасы,4-машинаның дөңгелегі. 4санының құрамын дөңгелектер арқылы толықтыру. 4санына байланысты есептер шығару. 3 қоянға 1 қоянды қосқанда 4 қоян болады. 2 түлкіге 2 түлкіні қосқанда 4 түлкі болады. 1 кірпіге 3 кірпіні қосқанда 4 кірпі болады.

-Қане, балалар қарандаштың тапсырмасын орындайық. Төрт түлі-түсті қарандашымызды шығарайық. Қандай түстер екенін атап өтейік. –Көк,қызыл,сары,жасыл. Тиісті түспен шаршыларды ретімен бояу. Ойын «Өз орныңды тап»

Шарты:Балалар 0ден 4ке дейінгі кеспе сандарды омырауларына тағамыз.Ретсіз араласып тұрады.Балалар ретімен қатарға тұру керек,қатардағы орнын атау керек.

Қортынды:

-Балалар,біз бүгін қандай санмен таныстық?

«4»санының құрамын қайталау керек.

Балаларды мадақтау.