« Есім және эпитет».

Мақсаты: Қатысушылар арасында жағымды қатынас орнатып. Әдемі сөйлеуге үйрету.

Нұсқау: Топ шеңберге отырады. Қатысушылардың бірі басқаларына өзін таныстырады, яғни өзіне қатысты эпитет қояды. Бұл сын есім оның есімінің бас әрпімен бірдей болуы қажет, мысалы: « Әдемі Әсель, тамаша Талғат» және т.б.

«Менің көңіл-күйімнің көрінісі»

Мақсаты: Қарым-қатынасқа түсу барысында көңіл – күйді, эмоцияны сезіне білуді үйрету.
Жүргізуші: қазіргі көңіл – күйлерін фломастермен қағаз бетіне эмоцияларды бейнелей отырып көрсетулерін тапсыру.
Нұсқау: сіздің алдыңызда түрлі сезімдер келтірілген. Сөйлемді аяқтаңыз:
1. Менің алдымнан шыға келсе, онда мен ... сезінемін.
2. Кішкентай баланы көргенде, мен ... сезінемін.
3. Танымайтын адамды көргенде, мен ... сезінемін.
4. Бірге оқыған сыныптастарымды көргенде, мен ... сезінемін.
5. Менің танысым тоқтай қалып, қалтасына қарады, мен ... сезінемін.
6. Мен біреумен сәлемдескенім, бөтен болып шықты, мен ... сезінемін.
7. Мен ескі махаббатымды көрдім, мен .. сезінемін.

Қатысушылар жазып болғанан кейін қай сөйлемді аяқтауға қйын болғаның талқылайды.

«Не болар еді, егерде....»

Мақсаты: Өмірде болу мүмкін әр-түрлі ситуацияларға дайындап, өмірге деген көз-қарастарын өзгерту.

Жүргізуші: Қатысушылардың бірі ең фантастикалық жағдайды ойлап табады, ал басқалары мүмкін болатын шешімдерін табуы қажет. Мысалы:

«Егер барлық адамдар туғанынан басқалардың ойын оқи алу қасиетін игерсе, онда Жерде тіршілік қалай өзгерер еді?»

«Егер Жерде тартылыс күші жоғалып кетсе, барлық заттар және тіршілік иелері толығымен салмақтарын жоғалтар еді, онда.........»

«Егер барлық адамда сөйлеу қабілетінен айырылса, онда.........»

Қатысушылар фантастикалық жағдайларды айтып болғанан кейің өзара талқылайды.

1. Сізге ұнаған фантастикалық ой?

2. Қандай фантастикалық ой сізді ойландырды?

3. Қандай әсер алдыныз?

«Мен кіммін ?»

Мақсаты: Қатысушылардың өзін-өзі бағалауын жоғарлату, кәсіби шеберліктерін дамыту.

Қатысушыларға ақ парақтағы бланкілерге (қосымша 1) әр қатар бойынша сұрақтарға жауап беру ұсынылады. 1-қатарға «Мен – қандаймын?» деген сұраққа студент өзінің кәсіби сапаларын жазады; 2-қатарға «Мен – қандай болғым келеді?» Мен қандай кәсіби сапаларға ие болу керек; 3-қатарға сол жақтағы көршісі «Ол – қандай адам?» ол адам қандай кәсіби сапаларға ие екенін жазады. 
Талқылау: 
Талқылау барысында мына мәселелерге көңіл аударған жөн: 
- қаншалықты адам өзін жақсы біледі; 
- өзіне деген қатынасы 
- өзіндік «Мен-тұжырымдамасы» басқалардың айтқанымен сәйкес келе ме?

«Шар»
Жүргізуші: «Кімнің қолы шарға тисе, 2020 жылы арманына жетеді» деген сөздерді айта отырып, қатысушыларға шар жіберіледі.

Мектеп психологы Қабдығали Раушан