5 санын қосу және азайту

Сабақтың тақырыбы: « 5 санын қосу және азайту.

Сабақтың максаты:

1) білімділік: ондықтан аттап бес санын қосу және азайту тәсілдерімен таныстыру; бес санын қосу және азайтудың кестелік жағдайларын екі амалдан тұратын өрнектермен, есептеулермен байланысты іс -әрекеттерде қолдануға машықтандыру; екі амалмен шығарылатын есептерді шығару.

2) дамытушылық: ойлау, есте сақтау қабілеттерін, ауызша есептеу дағдыларын, танымдық қабілеттерін, логикалық ой- өрісін дамыту;

3) тәрбиелік: тиянақтылыкка, шапшаңдылыққа, үлкенді құрметтеуге тәрбиелеу, оқушылардың бойына адамгершілік қасиеттерін енгізу.

Көрнекілігі: ойын материалдары, сабаққа дайындалған презентация.

Сабақтың типі: жаңа білім беру.

Түрі: ойын сабақ.

Әдісі: сұрақ - жауап, түсіндіру, шығармашылық жұмыс.

Сабақтың барысы:

1.Ұйымдастыру кезеңі: Психологиялық дайындық.

Біз мектепке барамыз

Біз оқушы боламыз,

Жақсы оқып сабақты

Кілең бестік аламыз

2. Үй тапсырмасын тексеру: № 7 (ә)

Мұғалім: - Ал, балалар өткен тақырыптар бойынша сұрақ-жауап арқылы «Қалт етпей қағып ал, жауабын тауып ал» ойынын ойнайық.

1. 1 дм - де неше см?

2. 1 сағатта неше минут?

3. 1 тәулікте неше сағат?

4. Қосудың, азайтудың компонеттерін ата?

5. Біздің мектептің №?

6. 73, 89 сандарында неше бірлік, неше ондық бар?

3. Жаңа сабақ:

1. жұмбақ шешу арқылы жаңа сабақтың тақырыбын ашу:

Біз ақылды баламыз

Есеп, жұмбақ, ойынның

Жауабын тез табамыз.

а) сөзжұмбақ шешу:

б) жұмбақтардың жауабын тауып, жасырын санды анықтау (5)

Алма бағы жайнаған

Қызыл алма айналам.

Алдым үзіп үшеуін,

Тағы алдым екеуін,

Алдым сонда нешеуін? (5)

Мұғалім: Бүгінгі сендермен өтетін жаңа тақырыбымыз « 5 санын қосу және азайту».

2) жаңа тақырыпты түсіндіру: графикалық схема бойынша 7+5, 8+5, 11-5 жағдайларын қарастыру және оларды дәптерге жазу;

3) жаңа тақырыпты пысықтау:

а) 1( ә)- мысал- 12-5, 8+5, 13-5, 9+5, 14-5 өрнектердің мәнін түсіндіре отырып, шығару: балалар тапсырманы тақтада орындайды;

ә) 2- мысал.

б) математикалық диктант:

3-мысалдағы тапсырма бойынша өрнектерді жазу және олардың мәнін табу;

7 мен 3 сандарының қосындысына 2-ні қос;

12 пен 2 сандарының айырмасынан 3-ті азайт;

8 бен 2 сандарының қосындысына 3-ті қос;

13 пен 3 сандарының айырмасынан 2-ні азайт;

9 бен 1 сандарының қосындысына 4-ті қос;

14 мен 4 сандарының айырмасынан 1-ді азайт.

в) сергіту сәті:

г) 4-есепті шығару:

Мектеп стадионында 24 қыз келді. Ал ұл олардан 4-еуі кем болды. Стадионға барлығы неше бала келді?

ғ) топтық жұмыс (ауызша орындалады)

д)6- есепті шығару: Өз бетімен жұмыс

е) Шығармашылық тапсырма

ж) Кел ойнайық! «Сөз құрастыр»

4. Сабақты қорытындылау:5 санына байланысты ұғымдар туралы әңгімелеу.

5. Үйге тапсырма: 5-есеп.

6. Оқушыларды бағалау.