чТақырыбы: 5 сынып дегеніміз не?

Қатысушы: 5 сынып

Мақсаты: 5 сынып оқушыларына орта буында оқу жағдайына бейімделу кезеңіне психологиялық қолдау көрсету. Оқушылармен жағымды қарым-қатынас орнату.

Сабақтың міндеті:

- 5 сынып оқушысының жаңа әлеуметтік статусы туралы түсінігін дамыту;

- өзінің қасиеттерін талдауды үйрету.

- басқалармен тату өмір сұрудің қажеттілігін және өзара түсіністіктің маңызды екендігін түсіндіру.

Жоспары:

1. «Өзіңді мақта!»

2. «Сұрақтарға жауап»

3. «Менің қасиеттерім» жаттығуы

4. «Менің досым» жаттығуы

1. Танысу. «Өзіңді мақта!» жаттығуы

Қазіргі біздер балалар, шеңберге тұрамыз. Сіздермен өте қызықты жаттығу орындаймыз. Атауы да ерекше – «Өзіңді мақта!». Өзімізді мақтауға бізге сиқырлы доп көмектесеміз. Ойынды мен өзімнен бастайын: «Мен өзімді ақылдымын және мейірімдімін деп мақтағым келеді, себебі мен әрқашан өзімнің оқушыларыма және олардың ата-аналарына, сонымен бірге басқа адамдарға көмектесемін». Допты ұстаған адам өзін мақтауы тиіс.

2. Сұрақтарға жауап

• 5 сыныпта оқыған ұнайды ма?

• Қандай ерекшеліктері бар?

• 5 сыныпта мақсатың қандай?

• Түске дейін оқыған жақсы ма?

• Қандай қиындықтар кездеседі деп ойлайсың?

3. «Менің қасиеттерім» жаттығуы

Оқушылар параққа өздерінің алақандарының суретін салады. Алақанның ортасына өзінің атын жазады. Бес саусаққа бойындағы бес қасиетті жазады. Жазып болған соң, оқушылар бір-біріне өздерінің парақтарын береді. Әр алдына келген оқушының парағына сол оқушы туралы екі қасиетін жазады. Кейін әр оқушы өзінің парағын алып оқиды.

4. «Менің досым» жаттығуы

Оқушылар кезекпен өзінің досын және оның бойындағы ұнайтын қасиеттерін атап шығады.

Қорытынды: бесінші сыныпта маңызды жауапкершілік, уақытылы сабаққа келу, уақытылы үй жұмысын орындау. Әр пәнге қызығушылықпен қарау.