5 сынып, тапқырлар алаңы, ойын-сайыс

«Тапқырлар алаңы» атты ойын - сайысы.
5-6 сынып оқушылары арасында математика, жаратылыстану, информатика сабақтарынан кіріктіріліп өткізілді.

Мақсаты: Оқушылардың танымдық, интеллектуалдық өй-өрісін кеңейту. Оқушылардың  ойлау  қабілетін,  тапқырлығын, жылдамдығын,  таным  белсенділігін  арттыру;

Дамытушылық:  белсенділігін  дамыту,ой-өрісін  кеңейтуге дағдыландыру, математикалық  сұрақтарға мәдени  түрде  жауап  беру,  қарым-қатынасты дамыту;

Тәрбиелік: тез  ойлай  білуге,  шапшаңдыққа,  өз  бетімен жұмыс  жасауға,  көпшілік  алдында  өз  ойын еркін  айта  білуге  тәрбиелеу;

Қайырлы күн құрметті көрермен!
Сөз бастайын термелейтін өлеңмен.
Тәрбиелі, білімді боп әрқашан
Өс, өркенде, қанат жайып кемелден.
Қайырлы күн, құрметті ұстаздар, қадірлі көрермендер!

Баршаңыз да «Тапқырлар алаңы » атты ойын - сайысына қош келдіңіздер!

Сайыс кезеңдері:

І кезең – Викториналық сұрақтар. (Бұл кезеңде топтар өздері таңдаған ұяшықтағы ұпай бойынша сұрақтарға жауап береді.)

ІІ кезең – Зерде (Есеп шешу) (Бұл кезеңде әрбір топ есептер шығарады. 1 есеп -10 ұпай )

ІІІ кезең – Қызықты сұрақтар (көрермендермен жұмыс)

ІҮ кезең – Шатасқан әріптер (Слайдта сөздер  жазылады.  Оқушылар  осы  сөздерден  математикалық, информатика және жаратылыстану пәндеріне қатысты   термин  құрастырады.  Әрбір дұрыс табылған сөзге 10 ұпай қосылады, қате сөзге 5 ұпай алынып тастайды)

Ү кезең - «Синквейн» әдісімен бүгінгі ойын бойынша өз ойларын жазады.