6 және 7 сандарына көбейтумен бөлу кестесі

Тақырыбы: 6 және 7 сандарын көбейту бөлу кестес бөлу

Мектеп:

Күні:

Мұғалімнің аты-жөні:

3-сынып

Қатысқандар саны:

Қатыспағандар саны:

Оқу мақсаттары

3.5.1.2. Есептерді шығаруда «бір заттың массасы», «саны», «жалпы масса»; «бір затқа жіберілген шығын», «заттардың саны», «жалпы шығын» шамаларының арасындағы өзара тәуелділікті пайдалану.

3.2.1.7. Формулаларды шамалардың арасындағы өзара қатынасты орнатушы теңдік ретінде түсіну

3.2.1.6. Төрт амалды жақшалы және жақшасыз өрнектерде амалдардың орындалу тәртібін анықтау, олардың мәнін табу

Сабақтың мақсаттары

Барлық оқушылар:

6 және 7 сандарына көбейту мен бөлу кестесін құру, білу және қолдану

Бірқатар оқушылар:

Шамалардың арасындағы тәуелділікті кескіндейтін әріптік өрнектерді өз бетінше жазу;

төрт амалды жақшалы және жақшасыз өрнектердің мәнін табу

Кейбір оқушылар:

Шамалардың арасындағы тәуелділік туралы білімді күнделікті өмірде қолдану.

Тілдік мақсаттар

Дағдыларын дамыту:

Шамалардың өзара қатынасын түсіндіре алады.

Пәндік лексика және терминология:

Шамалардың арасындағы тәуелділік,шамалардың арасындағы өзара қатынасты орнатушы теңдік ретіндегі формулалар, амалдар реті, көбейту кестесі.

Сабақта диалог/жазу үшін пайдаланылатын тіл

Талқылау:

Бір заттың бағасын қалай білеміз?

Сатып алынған заттардың құны мен санын біле отырып, нені білуге болады?

Бірдей заттардың жалпы массасын анықтау үшін нені білу қажет?

Заттардың саны мен жалпы массасын біле отырып, бір заттың массасын қалай анықтаймыз?

Жазылым:

Сандық және әріптік өрнектерді, формулаларды жазу.

Тірек білім, білік, дағдылар

2 санынан 7 санына дейінгі көбейту кестесі.

шамалардың арасындағы тәуелділік: «бір заттың массасы», «саны», «жалпы масса»

Жоспар

Жоспарланған уақыт

Жоспарланған іс-әрекет

Қоры

0-3

Ынталандыру.

Мұғалім оқушыларға оқулықтағы 1-тапсырмадағы мақалды құрап, оқып шығуды ұсынады. Мақалды дұрыс құрғандарына сенімді болу үшін оқушылар мәндерді арту ретімен есептеп шығарып, орналастыра отырып, өздерін тексереді.

- «Жақсы өз басынан көреді, жаман жолдасынан көреді» деген мақалды қалай түсінесіңдер?

Жақсы адам қандай болуға тиіс?

Жақсылық қалай жасалады?

Қандай адамдарды жақсы адам деп айтамыз?

Жақсы адам деп біз қандай адамдар екеніне қарамастан, жақындарына, достарына, таныстарына және бейтаныс адамдарға – жалпы басқа адамдарға жақсы ізгі істер жасайтын адамдарды айтамыз. Сондай-ақ жақсы қарым-қатынасқа шақыратын адамды да айтамыз.

4-6

Өзектендіру.

2-тапсырманы орындау кезінде оқушылар есепте қандай шамалар туралы айтылғанын анықтап алып, қажетті формуланы жазып, есепті шығарулары қажет.

Бұл есептерді шығару үшін оқушылар бір заттың массасын табу қағидасын пайдалануы қажет: бір жәшіктің массасын табу үшін жалпы массаны жәшіктер санына бөлу қажет.

7-11

Мақсат қою (мәселелі жағдаят)

Бүгін сендердің әрқайсысыларыңның неден қиналатындарыңды анықтап, қателерді түзейміз.

12-29

Өзіндік жұмыс

Оқушылар 3-4-тапсырмаларды шешеді, тапсырмалардың орындалу нәтижесін эталонмен салыстырады.

Қиындықтарды түзету

Оқытушы тапсырмалардың орындалу дұрыстығын тексереді.

– Кім қандай жерде қиналды?

– Қай жерде қателік жібердіңдер?

– Жіберілген қатенің себебі неде?

– Өзіндік жұмыста қиналмағандарың өздеріңнің іс-әрекеттеріңнің мақсатын қалыптастырыңдар.

(Қосымша тапсырмаларды орындаулары керек).

– Өзінің қиындықтарын анықтағандардың әрі қарайғы жұмыс мақсаты қандай?

(Қателерді түзеу).

– Қателерді түзеу алгоритмін пайдаланамыз.

– Әрқайсысы өзінің оқу тапсырмасын айтады.:

30-40

Өткенді қолдану

5-тапсырма математикалық есептеу жылдамдығын дамытуға бағытталған. Тапсырма орындалғаннан кейін оқушылардың жұппен өзара тексеруін ұйымдастыруға болады.

6-тапсырма жұппен орындалады, оқушылар өрнектердің мәнін есептеп шығарулары және не себепті мұндай нәтиже алынғанын пайымдаулары қажет.

Өзіндік жұмыс

7-тапсырма зерттеушілік сипатта болып келеді. Оқушылар қай қорапқа не салынғанын анықтаулары тиіс.

Қарындаш Қалам Фломастер

Қалам Фломастер Қарындаш

Фломастер Қарындаш Қалам

Оқушылар ықтимал 2 нұсқа бар деген қорытындыға келуге тиіс: «қарындаш» деп жазылған қорапта қаламдар жатады, «қаламдар» деп жазылған қорапта фломастерлер жатады, «фломастерлер» деп жазылған қорапта қарындаш жатады. Егер «қарындаш» деп жазылған қорапта фломастерлер жатса, онда «қаламдар» деп жазылған қорапта қарындаш жатады, «фломастерлер» деп жазылған қорапта қаламдар жатады.

41-45

Рефлексия.

Балалар тақтадағы «рефлекстік нысананы» толтырады, мыналарды бағалайды:

1. өзінің іс-әрекеті.
2. оқытушының іс-әрекеті
3. оушылардың іс-әрекеті.

Тақтадағы нысанадағы кескін