Оқу мақсаты

5.3.3.1 Фольклорлық және шағын көлемді көркем әдеби шығармаларды түсіну, тақырыбын анықтау

5.4.3.1 жазба жұмыстарында сипаттау, бейнелеу құралдарын қолданып жазу

5.5.1.1 Мәтіндерден жалпы және жалқы есімдерді ажырата білу, жалғау түрлерін дұрыс жалғау

Бағалау критерийі

Ойлау дағдыларының деңгейі

Білім алушы

• Мәтін тақырыбын анықтайды

• Жазба жұмысында сипаттау, бейнелеу құралдарын қолданады

• Мәтіндегі жалпы, жалқы есімдерді анықтайды

Қолдану

Орындау уақыты

15-20 минут

1-тапсырма

Мәтінді түсініп оқып, мәтінге сай ат қойыңыз.

_________________________________________________________________________________

Адамның атының сүйкімді болуы да - зор бақыт па деймін. Мәселен, Мұрат, Болат, Ербол, Бақыт деген аттарды алып қараңдаршы. Айтуға да ықшам, естір құлаққа да жағымды әрі мағына жағынан да қазақ тілінен сабақ беретін Майқанова татейше айтқанда, бұлар - жоғары идеялы есімдер. Мұндайлар өз атын кәдімгідей мақтаныш көріп, біреумен таныса қалса, мәнерлеп, көтеріңкі дауыспен айтады. Ал енді айтуға да, естуге де қолайсыз есімдер бар. Өзге түгіл, өзіңе де ұнамайды-ақ. Әттең қолдан келсе, табанда өзгертіп, әдемі аттардың
біреуін өзгертіп алар едің!...

Жарайды, «Өткенге өкініш жоқ» дегендей, істің турасына көшелік. Менің атым - Қожа, Kөpiп отырсыңдар, пәлендей әйдік ат емес.

Шынымды айтсам, бұл о баста Қожа емес, Қожаберген екен. Туу куәлігінің өзінде солай деп жазылған.... Сонымен, мен өзім ес білгелі Қожамын. Ауыл-аймақтың бәрі солай атайды.

Біз бір класта екі Қожа бармыз. Сүттібайдың үлкен баласының аты да Қожа. Оқушылар екеуімізді шатастырып алмас үшін өңімізге қарап, мені «Қара Қожа», оны «Сары Қожа» деп атайды.

Әуел баста мен бұған өкпелеп қалатын едім. Бірақ жүре-бара құлағым үйреніп, дағдыланып кеттім, «Қара Қожа» дегендерге «Әу!» - деп жалт қарайтын болдым.

Фамилиям - Қадыров... Қадыр менің әкем...

[1]

2-тапсырма

Мәтіннен жалқы есімдерді (5 жалқы есім) теріп жазыңыз.

_________________________________________________________________________________

_________________________________________________________________________________

_________________________________________________________________________________

[2]

3-тапсырма

Мәтіннен жалпы есімдерді (5 жалпы есім) теріп жазыңыз.

_____________________________________________________________________________

_____________________________________________________________________________

_____________________________________________________________________________

[3]

4-тапсырма

Сын есімдерді қолданып, кейіпкерлерге мінездеме жаз.

[4]