6-сыныпқа арналған қазақ тілі мен әдебиет пәнінен олимпиада тапсырмасы 2-кезең

ҚАЗАҚ ТІЛІ МЕН ӘДЕБИЕТІ

2 КЕЗЕҢ

6-СЫНЫП

Мен жастарға сенемін

Арыстандай айбатты, 

Жолбарыстай қайратты - 

Қырандай күшті қанатты. 

Мен жастарға сенемін! 

Көздерінде от ойнар, 

Сөздерінде жалын бар, 

Жаннан қымбат оларға ар, 

Мен жастарға сенемін! 

Жас қырандар – балапан, 

Жайылып қанат ұмтылған. 

Көздегені көк аспан. 

Мен жастарға сенемін! 

Жұмсақ мінез жібектер, 

Сүттей таза жүректер, 

Қасиетті тілектер – 

Мен жастарға сенемін! 

Тау суындай гүрілдер, 

Айбынды Алаш елім дер, 

Алтын арқа жерім дер, 

Мен жастарға сенемін! 

Қажу барма тұлпарға, 

Талу барма сұңқарға, 

Иман күшті оларда, 

Мен жастарға сенемін! 

Мен сенемін жастарға, 

Алаш атын аспанға 

Шығарар олар бір таңда, 

Мен жастарға сенемін! (М. Жұмабаев) 

!? 1. Ақын өлеңі идеясының ерекшелігін жазыңдар. Ақын өлеңінде жастардың болашағытуралы қандай сенім, үміт бар? Өлең тақырыбы мен идеясымен сабақтастыра осысұраққажауап жазыңдар. 

2. Өлеңдегі лирикалық кейіпкерге мінездеме беріңдер. 

3. «Жас қырандар – балапан, Жайылып қанат ұмтылған. Көздегені көк аспан» жолдарынқалайтүсінесіңдер ? Өз ойларыңды 5-6 сөйлеммен жазыңдар. 

4. Өлеңге талдау жасаңдар. 

1) өлеңнің тақырыбы; 

2) идеясы; 

3) қоғаммен байланысы, жазылған кездегі, қазіргі;

4) лирикалық кейіпкер ерекшеліктері; 

5) ақын тілінің көркемдік құралдар қолданысы. 

2. а) «Қажу барма тұлпарға, Талу барма сұңқарға» жолдарына лексикалық талдау жасаңдар. ә) Өлеңдегі суындай, гүрілдер, жайылып, көздегені сөздеріне морфологиялық талдаужасаңдар. 

3. «Алдыңғы ұрпақ қазіргі жастарға қандай үміт артады?» деген тақырыпта эссе жазыңдар. Сөзсаны – 60-70 сөз