7-мамыр Отан қорғаушылар күніне арналған кездесу кеші

7-мамыр ҚР қарулы күштерінің құрылғанына 25 жыл толуына арналған кездесу кеші

Тақырыбы: «Ер-ел қорғаны»

(Қонақтарды қол шапалақтап ортаға шақырып қарсы алу рәсімімен басталады)

Жүргізуші: Қайырлы күн, ардақты азаматтар, қымбатты әріптестер! Көңілдеріңізге көктем шуағындай сезім мен нұр құйып 7 мамыр-Отан қорғаушылар мерекесі де келіп жетті. Биыл ҚР қорғаныс күштерінің құрылғанына 25 жыл толып отыр.Осынау айтулы мерекенің қай кезде де орны бөлек.Олай болатыны, абзал азаматтарымызға деген ыстық сезім,алғыс пен құрмет ешқашан сөнбек емес.Олар-өмірдің мәні,көңілдің жыры,әр отбасының алтын қазығы. Ендеше бүгінгі мерекелік шарамыз өздеріңізге арналады.

Армысыздар ардақты азаматтар

Отбасының тірегі,елді бастар.

Құтты болсын мереке баршаңызға

Бақ-береке әкелсін отбасыға

Құрметті азаматтар ,біздің мектептің ұстаздары,жігіттер,шақырылған қонақтар! Сіздерді 7 мамыр - Отан қорғаушылар күні мерекесімен шын жүректен құттықтаймыз!

Отанға адал, елге қайырымды, отбасына мейірімді болыңыздар. Жүректеріңіз оттай лаулап, жандарыңыз әрдайым жас болсын. Қайратты, мақсатты болыңыздар. Еңбекте табыс тілейміз – дей келе алғашқы құттықтау сөз кезегі мектеп басшысы Рахимова Алтынгүл Бүркітқызына беріледі

Бүгінгідей ер-азаматтарымызды тамаша мерекесімен құттықтаған кезде ,күні кеше ортамыздан кеткен ұлағатты ұстаз ,қымбатты әріптес,аяулы аға болған Естаубаев Түрікменбай ағайды еске аламыз

Хор: «Атамекен» 6 «а» сынып оқушыларының орындауында

Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін! Бүгін ортамызда айбынды әскери құраманың қызметкері Шыңжанов Ғалымбек қонаққа келіп отыр.Қош келдіңіз айта отырып келесі сөз кезегі өзіңізге беріледі

( Оқушылар сұрақтарын бере отырып сұхбаттасады)

Ел - халқына шат-шадыман күлкі мен тыныш өмір сыйлауда әскеріміздің атқарып жатқан қызметтері ұшан-теңіз. Армиямыздың айбынын асқақтататын сардарлар мен сарбаздарымызға қандай құрмет көрсетсек те жарасады. Жігіттерімізге амандық, денсаулық тілейміз. Еңселеріңіз биік, мерейлеріңіз үстем болсын.(сыйлық табыс етіледі)

Жете бер аңсап күткен тілегіңе,

Қылаудай дақ түспесін жүрегіңе.

Отанның, ел-жұртыңның мақтаны бол,

Алды бол қатарыңның бұл өмірде , -деп қонағымызға ақ тілегімізді айта отырып музыкалық шашуымызды да арнаймыз. Мектебіміздің түлегі,бұл күнде қаламызға белгілі өнерлі азамат Нәренбаев Бердіғалидың орындауында тамаша әнді қабыл алыңыздар!

Ағалар біздің кең арқау асқарымыз,

Жолын қуар солардың жастары біз

Абзал жанды ақылгөй ағаларға

Ілтипатпен иілген бастарымыз, - деп ортамызда отырған жасы үлкен аға ұстаздар –Жұмыр ағай,Ордабай ағай,Сәлім ағайларға- мерейлі мерекелеріңіз құтты болсын дей отырып келесі мерекелік ән шашуымызды жолдаймыз. Мектебімізден түлеп ұшқан өнерлі шәкіртіміз,мақтанышымыз ,қазіргі күнде «Керуен» тобының әншісі Ашықов Дәуреннің орындауындағы тамаша әнді сіздерге арнаймыз

Аға ұрпақ пен жас буынның Отанымыз үшін жан аямай атсалысып жүргендерін біз әрқашанда мақтан тұтамыз. Қадірменді ер азаматтар! Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

Еңбектерің жемісті қиыр шың боп,

Шапағатты шуақ-нүр құйылсын көп

Шын жүректен құттықтап біз тілейміз

Бар жақсылық,бар бақыт бұйырсын деп– шырайлы шумақтарымызды арнай отырып -Сапарбай,Жамбыл,Марат сынды ұстаздарымызды да айтулы күндерімен шын көңілден құттықтаймыз!

Күндеріңіз толсын гүлге, желекке,

Отбасында болсын ырыс-береке

Құттықтаймыз шын жүректен Сіздерді

Өмір думан, бақ әкелсін мереке,- деп ақын ағаларымыз жырлағандай Сансызбай, Саламат, Рамазан сынды жігіттерімізге де таусылмайтын дәулет, баянды бақыт тілейміз.

Қалыбың адамдықтың бір бұзбадың,

Ұяңнан түлеп ұшты ұл-қыздарың.

Өзіңнен өркен жайып, өнеге алған,

Тілейді сізге бақыт жұлдыздарың ,- деп өзіміздің шәкіртіміз,қазіргі күнде қаламыздың мақтанышы,әнші қызымыз Абдуллаева Гауһар өзінің әсем әнімен шын жүректен құттықтайды. Қабыл алыңыздар!

Қымбатты біздің ұстаз-азаматтаржәне қонақтар! Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған дихан да, мал бағып терін төккен шопан да, бәрі-бәрі ұстаздан білім, тәлім алған, сондықтан, ұлағатты ұстаздар, айбынды азаматтар, сіздерге бүкіл адам баласы құрметпен бас иеді.

Ұстаздар жақсылықтың жол ашары,

Қолыңда шәкіртіңнің болашағы

Өмірді алға қарай өрлететін

Сендер ғой Ұлы Отанның болашағы,- деп өздеріңізге үлкен сеніммен шәкірттеріңіз 6»ә» сынып оқушылары жыр жолдарын арнайды

Бұл мереке әр кезде де батылдық пен ерліктің, қаһармандық пен елдіктің нышаны, Отанға деген сүйіспеншілік пен адалдықтың өлшемі, ал құрметті азаматтар, болашақ ұрпақтар үшін, егемен еліміздің тәуелсіздігін қоғаушылардың бәрі үшін жарқын үлгі болып қала берері сөзсіз.Ендеше аспанымыз ашық, еліміз тыныш, жұртымыз аман болсын!

Құрметті халайық, баршаңызды келе жатқан 9 мамыр – Жеңіс күнімен құттықтаймыз! Бүгінгі мамыражай тыныш өмір аталарымыз қалыптастырған берік бірлік нәтижесінде келді. Ер жігіттің құл болмай, ару қыздың күң атанбай, халықтың бірлікте өмір сүруі нақ солардың арқасында

Экранға назар аударайық, 6 «в» сыныбының «Ер-ел қорғаны» атты көлеңкелі көрінісін тамашалаймыз

Мамырдың мамыражай күндерімен, майда желімен келіп жеткен мерекелеріңіз тағы да құтты болсын, ардақты азаматтар!

Мектеп – кеме, ес білімнің ескегін,

Әнге толсын, күйге толсын кештерің,

Шын жүректен бақыт тілеп сарқылмас,

Қол соғады барша әріптестерің – деп, сіздердің құрметтеріңізге 6 «б» сыныбының оқушылары Мадияр мен Жасмина «Қазақ жігіттері» әнін жолдайды. Қабыл алыңыздар!

Өздеріңізге қонар бақтың баяндысын, бітер дәулеттің көл-көсірлігін, келер ырыстың ысырап болмауын, жүрек гүлінің мәңгі солмауын, шаңырағыңа шаттық орнауын, Тәңірдің шексіз қолдауын тілейміз!

Жүрекке адалдықтың ескен гүлін

Ғажайып келешектің төккен үнін

Ардақты ағаларға шын көңілден

Жолдадық алғыс пенен сәлем бүгін.

Демеңіз біз өнерді аяп қалды,

Мезгіл де біраз жерге таяп қалды

Қош болып тұрыңыздар көріскенше,

Осымен концертіміз аяқталды.

Сау-саламатта болыңыздар!

Арта берсін даңқыңыз

Салтанатты сарбазым

Әскери шенд іайбынды

Қадірменді қонақ қып

Шақырамыз ортаға

Бұрынғы шәкірт бұл күнде

Азамат боп толықты

Өнерімен орнықты

Болып жүрген құрметті

Бердіғали ,Дауренмен

Мектебіне өзінің

Қонақ болып келіпті

Мінезіңнің міні жоқ – майда қоңыр,

Бір жымисаң кетеді жайнап өңір.

Ризамыз Марат ағай пейіліңе

Айырмасын шаттықтан мына өмір

Бар ғұмырын шәкірттерге арнаған

Ол білмейтін ұстаз сыры қалмаған.

Жұмыр ағай абыройлы асқақ жан

Еңбек сырын үйретуден талмаған.

Түзу жүр деп,түзу тұр деп тіл қатқан

Дүние деген тұрады екен жұмбақтан

Ұға білсең спорт сырын жалықпай

Жамбыл ағай риза болып үн қатқан

Біздер үшін қашанда орны бөлек,

Сүйеді шәкірттерің сізді ерек

Сәлім ағай ерекше болмысымен

Әрқашанда аман боп жүрсін дер ек

------------------------------------------------------------

Ұстаздықтың ауыр жүгін көтеріп

Ақыл айттың шәкіртіңе ой өріп

Болашаққа бағыт-бағдар сілтеген

Сапарбай ағай адалдығын білдіріп

------------------------------------------------------------------

Бір кездері шәкірттердің бірі едің

Көппен бірге арман қуып түледің

Арамызға азамат боп оралдың

Рамазан білікті ұстаз бұл күнде

Шәкірттердің алғысына бөленгін

---------------------------------------------------------------------

«Спорт- денсаулық кепілі»деп жүретін

Балалардың тілін тауып білетін

Саламаттай нар тұлғалы азамат

Өзіңе де бақыт-байлық тіледік

------------------------------------------------------------------------

Қосып,алып,бөліп тағы көбейткен

Шаршы ауданын тауып,санды теңейткен

Есептеуді балаларға үйреткен

Ұжымдаспен сыпайы боп тілдескен

Ордабай ағай айтамыз сізге мың алғыс

Басшы болып сыйласайық біз сізбен

Жас шәкірттер жалынды

Үлгі тұтып жүр оны

Сансызбайды сыйлы еткен

Мінезі бар салмақты

Тілейміз бүгін өзіңе

Берсін деп Алла бар бақты

-----------------------------------------------------------------------

Түркменбай ағайға

Пейілі кең,ақ жүректі,көңілі алтын

Арай шуақ таратар жүзі жарқын

Үлгі болып оқушы мен ұстаздарға

Сақтаған «ұстаз» деген асқақ даңқын

Он саусағы өнерлі шебер еді

Тек жадырап жұмысқа келер еді

Еңбегіне шын адал ағайымыз

«Шаршадым» деп мұңын айтып көрмеп еді

Аяулы жар,ардақты әке,білікті ұстаз

Оқу-тәрбие бергені талмай қыс-жаз

Мәңгілік есімізде жарқын бейне

Сабырлы да салмақты аяулы ұстаз

Бұрынғы шәкірт бұл күнде

Азамат болып толықты

Өнерімен орнықты

Болып жүрген құрметті

Бердіғали,Дәуренмен

Мектебіне өзінің

Қонақ болып келіп тұр

-----------------------------------------------------

Арта берсін айбыны

Салтанатты сарбазым

Әскерилер айбынды

Қәдірменді қонақ қып

Шақырамыз ортаға

Жаңаөзен қаласы

7-мамыр Отан қорғаушылар күніне арналған мерекелік

кездесу

№7 орта мектеп

2016-2017 оқу жылы