Мектеп

Сабақтың тақырыбы:

Бәрі де, Ана, бір өзіңнен басталды»

Педагогтің аты-жөні:

Күні:

Сыныбы:

Қатысушылар саны: Қатыспағандар саны:

Сабақтың мақсаты:

1) Адамзат баласын жарық дүниеге әкеліп, оны тәрбиелеп өсіретін ана екенін түсіндіру;

2) Ана еңбегін ешнәрсемен өлшеуге болмайтынын, түн ұйқысын төрт бөліп, баласын азамат етіп тәрбиелейтінін, сондықтан да барлық ананы сыйлауға, құрметтеуге тәрбиелеу;

3) Балалардың анаға деген құрметін, балалық сезімдерін сөз арқылы жеткізе білуге тәрбиелеу.

Сабақ кезеңі/

Уақыты

Педагогтің іс-әрекеті

Оқушының іс-әрекеті

Ресурстар

Сабақтың басы

Қызығушылықты ояту.

7 мин.

(Ұ). Ұйымдастыру кезеңі:

Ұйымдастыру кезеңі

Психологиялық ахуал

Бір түрлі фигур алғандарды

1-топқа «Достар», ал екіншісін таңдағандарды 2-топқа «Құрдастар» тобына бөлемін.

Оқушылар мұғаліммен амандасады,түгенделеді.

Психологиялық ахуал

Оқушылар

дың пікірі тыңдалады

слайд

Жаңа сабаққа кіріспе

«Миға шабуыл» әдісі

1.Қоғам қайраткерлері аналардан кімдерді білесіздер?

2. Қыз балаға лайық мамандық  атаңыз?

3. Ұлы Отан соғысына қатысқан батыр қыздарды білесіздер ме?

4. Балаларыңыдың ішінде ең  еркесі ең   тәттісі  қайсысы деп айтар едіңіздер?

Оқушылар сұрақтарға жауап береді.

Сабақтың ортасы

26 мин.

Ана туралы айтпай ,тебіренбей  өмірден өту мүмкін емес. Сондықтан ана туралы ғұламалар не дейді екен тыңдап көрейік. Компьютерден тыңдау. Бұл тыңдағандарыңыз  Қадыр Мырзалиев ағамыздың «Бәрі де ана  бір өзіңнен басталды» атты шығармасы болды

Ия шынында да  кей кезде біз ана қадірін түсінбей жатамыз. Сондықтан адамзат ең алдымен ана алдында қарыздар. Ана қарызы алтынға бөлеуді, ақ орда салуды қаламайды, ана баласының ер жетіп, адам болуын қалайды. Анаға осыдан артық тарту- таралғының керегі жоқ.

Жантәңір, Жасмин, Дәурен тақпақ ән «Әрқашан күн сөнбесін »

Даяна ,Саят, Балауса, Біржан, Арайлым ,Қуаныш   ән « апатайым »

Дүние жүзілік әйелдер мейрамында олар жайлы толғамай кету мүмкін болмас « Әйелдер-ай » компьютерден тыңдау  «25 мың теңге » оқиғасы осындай әйелдер жайлы  болмақ. Тамашалаңыздар.

Ана-тіршіліктің гүлі ,отбасының берекесі, бүкіл адамзаттың тәрбиешісі.Елбасымыздың жыл сайынғы Қазақстан Халқына Жолдауында ана мен бала жағдайын жақсарту мәселесін көтеруі аналар алдындағы  перзенттік борышы деп білеміз. Өмірде анаға деген сағыныш. Оның  ыстық мейірімге толы жылы құшағын аңсамайтын адам бола қоймас сірә. Осы сәтте  ана мен бала арасындағы  естен кетпес сәттер естеріңізде болар.

« Анаға хат »  көрініс

Түн ұйқысын төрт бөліп , сәбиі жыласа жүрегі езілетін аналар үшін  дүниенің бар асылын жинап берсек те көп емес.

Ендеше  қазір  оқушылар арасында ойын өткізейік

 Ортаға тегеш пен су кесе қоямын.үтік пен орамал қоямын. Сағат,  қағаз, қалам,сыпырғыш , шелек қоямын. 2 минут ішінде балалар осы жұмыстардың барлығын байланыстырып атқарып шығуы керек.

Жарайсыңдар міне ана тек бала тәрбиелеумен шектелмей  қаншама шаруа тындырып үлгереді екен.

 Сондықтан анамыздың еңбегін бағалап, арасында қолымыз тисе көмек беріп отыру артық болмас.

 Күннің шуақты сәулесіндей , ыстық ана жүрегі, одан туындайтын ананың махаббаты әр перзент үшін қымбат ендеше ана мен бала арасындағы  сабақтастықты қазіргі жауаптарынан біле аламыз

Олай болса ендігі кезекті оқушыларымызға береміз.

Ұйықтамадың түнімен, айта алмаймын,
Анашым сен барда мен қартаймаймын.

Ауырмашы, мәңгі соқсын жүрегің,
Ұйқысыз қанша рет өтті түндерің.
Сүріңгенде күш беріп аяладың,
Қалайша сен барда мен қартаямын?

Ән "Анашым қартаймашы"

1. Армысыздар аналарым қымбатты
Мәпелеген балдырған жас ұрпақты
Аналардың күнімен құттықтап
Балаларың қуаныштан тіл қатты
Армысыздар біздің асыл аналар,
Біздер үшін айдын көлге пара-пар
Құттықтайды мерекемен сіздерді
Алғыс айтып мұндағы бар балалар

2. Бәрі де, Ана,

Бір өзіңнен басталды.

Сен деп жаздым алғаш өлең дастанды.

Қуандым ба,

Өзің бар деп қуандым.

Жыладым ба,

Өзің жоқ деп жас тамды.

Бәрі де, Ана,

Бір өзіңнен басталды.

Жанарыңнан көрдім алғаш аспанды.

Еркелесем, бір өзіңе еркелеп,

Жасқандым ба,

Тек өзіңнен жасқандым.

Алғашқы дәм, ол да сендік сүт еді,

Ақ сүт берген қашанда үміт күтеді,

Отанымның өзі сенен басталып.

Жауларыма жеткен жерден бітеді. 

Ол саған бәрінен де қымбат. Сен үшін ол - жақының, досың ұстазың. Сондықтан да сен бір - ақ адамды білесің. Ол - ана!Олай болса ана туралы мақал - мәтел айтайық.
Мен макал – мәтелдің басын айтамын,ары қарай оқушылар жалғастырады

1. Ананың сүті бал, баланың тілі бал.
2. Ана сүтін ақтамағанды ешкім мақтамайды.
3. Ердің анасы - елдің анасы.
4. Ағайын алтау - ана біреу.
5. Ана жақсылығын ауырсаң білесің.
6. Күннің шуағы жылы, ананың құшағы жылы

7. Анаңа ауыр сөз айтпа, 
Атыңа ауыр жүк артпа.
8. Анаңды Меккеге үш арқалап апарсаң да
қарызынан құтыла алмайсың. 

9. Ана сүтін ақтамағанды ешкім мақтамайды.

10.Ананың алақаны балаға айдынды қоныс.

Сабақтың соңы

Ой толғаныс.

Рефлексия

7 мин.

Балалар  анамызды құрметтейік

Көңілін ешқашанда кірлетпейік

Сабақты жақсы оқып, тәртіпті боп.

Орынсыз ренжітіп, үндетпейік.

       Өмірде анаңнан артық адам жоқ, өйткені ол сені мәпелеп өсіреді, барын аузыңа тосады, дүниенің жақсысын саған сыйлайды, бар өмірін балаға арнайды.Түн ұйқысын төрт бөліп ақ сүтін береді.Сондықтанда еш бала өз анасын ренжітпеуі тиіс.Анасы бар адам бақытты. Ана деген кешірімді жан.Сенің барлық қылығыңды кешіреді ,аяйды.