Ересек «Бота» тобының ұйымдастырылған оқу қызметінің конспектісі

Нұр-Сұлтан қаласы

№23 «Алтын бесік»

Балабақшасы

Тәрбиеші: Бохай Р

«Таным» білім беру саларының ұйымдастырылған оқу қызметі.

ҚМҰҚ
Өтпелі тақырып: «Бізді қоршаған әлем»
Тақырыбы: «8 саны және цифры.» Қағаз бетінде бағдарлау (жоғары, төмен, ортасы, оң жағы, сол жағы).
Мақсаты:
Тәрбиелік: Бір – біріне көмектесуге тәрбиелеу.
Дамытушылық: Балалардың зейіні мен есте сақтау қабілетін дамыту;
Оқыту: 8 саны мен цифрын енгізу, сандық және реттік санауға, дұрыс бейнелеуге үйрету;
Педагогикалық технологиялар: АКТ, ойын технологиясы, денсаулық технологиясы,

Ресурстармен қамтамасыз ету: құрал-жабдықтар, презентация, сандар қатары, суреттер
Билингвалдық компонент:  бір - один, екі - два, үш - три, төрт - четыре, бес - пять, алты - шесть, жеті - семь, сегіз - восемь.
1. Ұйымдастырушылық кезеңі:
Ұйымдастырылыған оқу қызметінің барысы:
Психологиялық дайындық

Кәне, біздер ойлайық,

Ойымызды жинайық.

Қандай есеп болса да,

Шешпей оны қоймайық.

Сабағымыздың ұраны: Есеп білмейтін адам,

Түк сезбейтін надан

2.Негізгі бөлім  
- Балалар біз өткен оқу іс әрекетте неше санымен таныстық?
- 7 санымен таныстық
- Бір аптада неше күн бар?
- 7 күн бар
«Бір аптада» өлеңін жаттаған едік, кәне есімізге түсірейік.
Дүйсенбіде доп ойнадық аулада
Сейсенбіде серуен құрдық далада.
Сәрсенбіде сурет салдық сәнді етіп,
Бейсенбіде би биледік, әндетіп,
Жұма күні жидек тердік қыраттан
Сенбі күні кино көрдік клубтан
Жексенбіде үйде болдық демалдық
Осылайша өте шықты бір апта.

1-тапсырма  

Ой қозғау. Жұмбақ шешу.

Бұл санға да ол үлгі

Қар адамы кәдімгі,

Қыс түссе болды аулада

Келтіріп тұрар сәніңді,

Бір ғана саған тапсырма,

Үшінші басты жапсырма.

Бұл қандай сан? (8 саны)

2-тапсырма: Логикалық сұрақтар.
8 асықтың үшеуін
Досың сұрап алады.
Айтшы сонда нешеуі,
Өз қолыңда болады.

Сергіту сәті:

Қане бәріміз орнымыздан тұрып сергіту жаттығуын орындайық.
жалғыз саусақ тіпті де.
Ұстай алмас жіпті де.
Екі саусақ бірікті,
Ине қолға ілінді,
Үш саусағым орамды,
Жүгіртеді қаламды.
Өнерлі екен он саусақ, 
Қала салсақ жол салсақ.

3-тапсырма - Қос дөңгелек шеңберден,
Үлкен шеңбер үстіне,
Кіші шеңбер жанасқан.
8 санына байланысты қандай мейрам бар?
- Дүниедегі ең жақын адам, ол кім? (ана)
- 8 саны неге ұқсайды?

4-тапсырма

 Тура, кері санау. 8 cанының орнын анықтау. 5 - слайд
1 2 3 4 5 6 7 8
- Сандар қатарында 8 саны қай саннан кейін келеді?
- 7 санынан кейін келеді.
Көршісін тап (ауызша)
5 3 6 2 7 4
8 цифрының жазылуын үйрету.
Ауада жазу. Аяқтың ұшымен жазу.
Топпен жұмыс.
Жазу орталығы:
8 санын саусағымен дәптерге салу, қарындашпен басып жазу.

3.Қорытынды
- Балалар біз бүгін қандай санмен таныстық?
- 8 санын жаза аламыз ба?
Жарайсындар!
-Қоырытындылау. Балаларды мақтап-мадақтау