8-сынып."Жұлдызды әлем".Сыныптан тыс жұмыс

«М.Әуезов атындағы орта мектеп» КММ

«Жұлдызды әлем» физикалық

ойыны

2018-2019 оқу жылы

Өткізілетін орны: физика кабинеті

Ойынға қатысушылар: Ойынға 8 сыныптан 12 оқушы қатысады. Әр бір команданың аты, сәлемдесуі болу керек.

Ойынның мақсаты:

*Оқушыларды тез ойлауға,ойын жан-жақты толық жеткізуге баулу.

*Танымдық деңгейін көтеру және белсенділігін арттыру,оқушыларды өзін емін-еркін ұстай білуге,мәдениетті деңгейде ойын,пікірін жеткізе білуге үйрету.

*Оқушылардың пәнге деген қызығушылығын арттыру, физикалық шамаларды, құралдарды, терминдерді ойын арқылы пысықтау, білімге деген құштарлығын ояту.

Әдісі: Сайыс

Көрнекілігі: карточкалар, сөздер жазылған дамино,амперметр,вольтметр,

ажыратып қосқыш,қыздыру шамы,реостат т.б. құралдар,компьютер

Ойынның барысы

І. Сәлемдесу.

ІІ. Оқушыларға сайыстың түрі мен мақсатын хабардар ету.

II. Оқушыларды екі топқа бөлу. Әр топқа топ басшы сайлау.

III. Сайысты өткізу.

1-тур. «Топтардың сәлемдесуі»

2-тур. «Домино» ойыны

3-тур. « Кім көп біледі?»

4-тур. «Құралдар әлемінде»

5-тур. «Физикалық жұмбақ»

6-тур.« Топ басшылар сайысы»

1-тур. «Топтардың сәлемдесуі»

Әр топ кезекпен шығып, өздерінің топтарын таныстырады. Бір-біріне сәттілік тілейді.

2-тур. «Домино» ойыны.

Қағаз екіге бөлініп біреуіне ағылшынша сөз,екіншісіне қазақша сөздер жазылады.Оқушылар терминдерді ретімен орналастырады.Әр топ өз жауаптарын дұрыс жауаппен тексереді.

(Дұрыс жауапқа 10ұпай беріледі.)

3-тур. « Кім көп біледі?»

Берілген кестені толтырады, әр топ физикалық шаманы,белгіленуін және өлшем бірлігін үш тілде айтады. Толық жауапқа 5 ұпай беріледі.

(1 топ)

№	Physical quantity (физикалық шама)	Symbol (белгіленуі)	Unit of measurement (өлшем бірлігі)
1	Power (қуат)
2	Way (жол)
3	Mass (масса)
4	Energy (энергия)

(2 топ)

№	Physical quantity (физикалық шама)	Symbol (белгіленуі)	Unit of measurement (өлшем бірлігі)
1	Force ( күш )
2	Speed (жылдамдық)
3	Work (жұмыс)
4	Time (уақыт)

4- тур.

«Құралдар әлемінде».

Амперметр,вольтметр, ажыратып қосқыш,қыздыру шамы,реостат,ток көзі т.б

Оқушылар кезекпен құралды атап,не үшін қолданатынын айтады.

(Дұрыс жауапқа 10ұпай беріледі.)

5-тур.

«Физикалық жұмбақ ».

Барлық командаға бірдей жұмбақтар оқылады, әр команда жарыса жауап береді. Әр бір дұрыс жауапқа 1ұпай беріледі.

1-жұмбақ.

Жердің жүзін шарлайсың,

Онсыз еш жерге бармайсың.

Көлікпен де, жаяу да,

Саралайсың, таңдайсың. (Жол)

2- жұмбақ.

Көп болса, асықпайсың,

Мезеттен қашықтайсың.

Асықсаң аз болады,

Табасың мұны қайсың? (Уақыт)

3- жұмбақ.

Қозғалыста сипаттар шапшаңдықты,

Тағы да бір белгісіз шама шықты.

Ол болмаса денелер қозғалмайды,

Шешеді бұл жұмбақты қандай мықты? (Жылдамдық)

4- жұмбақ.

Жылдамдықты өзгертеді,

Қозғалысты тездетеді.

Қарсы шықса қозғалысқа,

Тоқтарына көз жетеді. (Үдеу)

5- жұмбақ.

Қозғалысқа келтіріп,

Жылдамдығын береді.

Өлшемдерін қарасаң,

Ньютонға ол келеді. (Күш)

6- жұмбақ.

Барлық денелерге тән,

Онсыз болмайды сән.

Әр затта болады әр түрлі,

Өлшеуге болады дәл. (Масса)

«Ойлан тап! » Топ басшылар сайысы

Сурет салынған парақ беріледі.Оқушылар сол сурет бойынша физикалық құралды табады.(күн,банка.бұлт,тамшы)

V. Қорытынды. Жеңген командалар мақтау қағазымен сыйлықтармен марапатталады.

«Жұлдызды әлем» сайысы

«Лото ойыны»