"Сән сымбат"сайысы

Сайыстың мақсаты:оқушылардың мамандық таңдау барысындағы ойларын нығайту, эстетикалық талғамдарын дамытып бүгінгі өмір талабына сай кәсіпке тәрбиелеу.

Жүргізуші : Армысыздар, құрметті өнер сүйер қауым "Сән сымбат" сайысына қош келдіңіздер.Барлығымыз бүгінгі кеште жеңімпаз өнерліні бірге анықтаймыз.

Жол сілтеген биіктерге ұстаздарым,

Іштеріңнен шығар әлі жаңа дарын.

Әділдікі тек алға мақсат еткен,

Таныстарым әділқазы алқалары.

Жүргізуші: Әділқазы алқасымен таныстыру.Ал енді алдарыңызға бүгінгі сайыскерлерді шақырамыз.(музыка ойнайды.)

Жүргізуші:Ал енді қыздардың стилист,дизайнер,модельер,тігінші т.б. мамандықтар бойынша қандай кәсіпке білімділігі бар екенін анықтайтын кез келді.

"Қазылар орнықтырар әділдікті,

Кімдердің жауаптары әділ шықты.

Өнер мен шеберліктің сайысында,

Жеңіске жетер дейміз нағыз мықты."-, дей келе бірінші сайысты бастауға рұқсат етіңіздер.

1-кезең: таныстыру.

Жүргізуші :2-кезең үй тапсырмасы шаш сән үлгісі.

Білектей арқасында өрген бұрым,

Шолпысы сылдыр қағып жүрсе ақырын.

Кәмшәт бөрік,ақ тамақ ,қара қасты,

Сұлу қыздың көріппең мұндай түрін.,- деп Абай атамыз жырлағандай келесі кезек шаш үлгісін көрсету.

Жүргізуші :Қыздарға әсемдік жарасады,

Талғамы таң нұрымен таласады.

Қыпша бел,сұңғақ бойлы қаракөзге,

Жан біткен таңдай қағып қарасады.

Жүргізуші :3-кезең стилист.

Қатысушылар сахнаға шығып сән көрсетеді,қорғайды.

Жүргізуші: 4-кезең.Дизайнер-модельер

Салған киім үлгісін көрсетеді.

Жүргізуші :Шеберлікте шек жоқ

Жалқаулыққа жол жоқ.

Өнерлінің қолымен,

Тамып тұрған бал көп.

5-кезең.Киімді трансформациялау.Сахнаға шығып қорғау.

Жүргізуші :Сайысқа түскенменен топ балалар,

Ішінен жүйрік шыққан орын алар.

Ендеше бүгінгі өткен сайыстың да,

Бабы мен бағы шапқан бағасы бар.

Олай болса ортаға шақырайық,

Есімін баршаңызға танытайық.

Ерекше білімі мен білігі үшін

Алғыс айтып қошемет танытайық.

Кімдер шебер,кім іскер білейікші,

Өнерлісі деп мектептің жүрейікші.

Әділқазыларға тек әділдікті

Сайыскерлерге сәттілік тілейікші.-деп келе әділ қазы алқасына сөз беріп шарамыздың жеңімпаздарын анықтайық.

Жүргізуші: Қош дейміз,әлі талай сайыстар бар,

Өнерлі өрлей берсін қайыспаңдар.

Ойлы орта кеңейсін күннен-күнге,

Өскен елдің жұртынан қалыспаңдар.-дей келе сайысымызды аяқтаймыз.