«9 Мамыр –Жеңіс күні» атты мектепішілік кеш

Аленова Акмарал Ажихановна – 7 «а»класс жетекшісі

Кештің мақсаты: Ұлы Отан соғысы, оның халыққа тигізген зардаптары, Қазақстан шыққан жауынгерлер жайлы, Ұлы жеңістің мән-маңызы туралы мағлұмат беру;  Отан үшін жанын қиған батырлардың ерліктеріне тағзым ете отырып, оларды құрметтеуге тәрбиелеу; патриотизмге, елжандылыққа, батылдыққа баулу.

Көрнекіліктер: Ұлы Отан соғысы туралы видео материал, слайд көрсетілімі

1 - жүргізуші: Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам.

2 - жүргізуші: Бүгінгі мерекелік шара Ұлы Отан соғысында құрбан болған аталарымыз бен әкелеріміздің, мәңгі жас болып, жадымызда сақталған жауынгерлер мен офицерлер рухына, бейбіт кезеңде дүниеден өткен ардагерлерге, бүгінде ортамызда жүрген Ұлы Отан соғысы ардагерлерінің құрметіне арналады.

1 - жүргізуші:

Аз емес зар жылаған, егілген жан,
Аз емес өшкен өмір, төгілген қан.
Кеудеге зілді қасірет салды соғыс.
Қирады талай арман көңілге алған
Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов,Рақымжан Қошқарбаев,Қасым Қайсенов,Нұркен Әбдіров,Төлеген Тоқтаров секілді өз жерлестеріміз де бар.
Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. Жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алайық.
(1 мин үнсіздік)

(Сахнадада күй ойналады. Халық, бейбіт өмір көрінісі,мектеп бітіру кеші жүріп жатады)
Радио: - Тыңдаңыздар, тыңдаңыздар, 1941 жыл 22 маусым фашистік Германия тұтқиылдан бейбіт елге басып кірді. 
Соғыс басталды.
(Халық бір- біріне үрейлене қарады. « Слава Отечественной Войне» әні жаймен ойналады.)
Халық арасынан - Соғыс! Соғыс! Соғыс! (Дауыстар шығады. Ер адамдардың барлығы соғысқа аттану кезеңін көрсетеді. Жылау, сықтау)

2-жүргізуші:- «Соғыс» деген суық хабар, Кеңес Одағының барлық жеріне 1941 жылдың 22-ші маусымында келіп жетті. Соғыстың алғашқы күндерінен бастап-ақ Кеңес халқы жан тәнімен Отанын қорғады. Әрбір село, әрбір қала үшін кескілескен ұрыс болды. Қанішер неміс басқыншыларымен Кеңес азаматтары аянбай шайқасты.

1-жүргізуші:-  Осы соғыста Кеңес Одағының басқа  республикаларымен бірге біздің Қазақстан Республикасы да жан аямай шайқасты. Даңқты қарулы күштердің және еңбек армиясының құрамына 1 млн. 870 мың қазақстандықтар болған, енді назарымызды экранға аударайық.

 2 - жүргізуші: Бұл жылдары жүрегі Отаным деп соққан әр азамат барынша күресе білді. Әрбір азамат өз Отанына деген антын орындап шықты. Олай болса сұрапыл соғыс және елін, жерін қорғаған майдангерлер туралы өлең жолдарын тыңдау үшін оқушыларға сөз берейік!
10 а,ә класс оқушылары өлеңдерін оқиды.

1 - жүргізуші:-Осы соғыста Кеңес Одағының басқа республикаларымен бірге біздің Қазақстан Республикасы да жан аямай шайқасты.Даңқты қарулы күштерінің және еңбек армиясының құрамына 1 млн.870 мың қазақстандықтар болған.

2 - жүргізуші:
Батыр ұл есімдері ақталады
Жыр болып жүректерде сақталады.
Ғасырдан ғасырларға аңыз етіп,
Ұрпағы мәңгі бақи мақтанады деп ортамызға «Катюша» әнімен қыздарымызды шақырамыз.

2-жүргізуші:- Иә, сұрапыл соғыс ешкімді аямады. Ана жарынан айырылды, бала әкесінен айырылды. Бірақ үміт оты еш өшкен жоқ. Бала әкесін күте берді, күте берді.

көрініс «Соғыстың аяқталуы» 10а класс оқушыларының орындауында

хор «День Победы» әні

1-жүргізуші:- Ел алдындағы борыштарын өтеп, еліміздің амандығын, жеріміздің тұтастығын қорғап қалған ерлерге тағзым етеміз. Олар еліміздің жарқын болашағын, жас ұрпақтың өмірін, халықтың бақыты мен қуанышын сақтап қалды. Ардагерлер ерліктері арқасында біз осы күнге жеттік.

2 - жүргізуші: Біздің өз қалауымызбен еркін өмір сүріп, мектепте алаңсыз білім алып жатқанымыз, шаттана күлгеніміз, жайраңдап күлгеніміз - бәрі де сол Ұлы Отан соғысы Жеңісінің жемісі. Әрине, соғыс болмасын! Біздер соғысқа қатысып батыр болмайық. Біз бейбіт күннің батырлары болуға тырысайық. Ел үшін аянбай еңбек етіп, білім алып, өз жеріміздің патриоттары болуға мүмкіндіктер бар, ән «Алға Қазақстан» болашақ Отан қоғаушы 10 а,ә класс жігіттерінің орындауында, қабыл алыңыздар.

1 – жүргізуші:-Бүгінгі күн – көптен күткен салтанатты күн, зымыраған уақыттың қанатында жеңістің міне 71-ші көктемі де келіп жетті. Ешкімде, ешнәрсе де ұмытылмақ емес. Бұл сөз өткенге емес, болашаққа арналған. Олай болса, Ұлы Жеңістің 72 жылдығында кездесейік.

2 - жүргізуші: Ұлы Жеңістің 71 жылдығына арналған салтанатты жиынымыз аяқталды. Ардагерлерге мың тағзым!
Жеңістің туы мәңгі желбіресін!

1 - жүргізуші: Жер үстінің шуағы тарқамасын! Кешімізді Жеңіс Айбаттың орындауындағы «Қазақстан» әнімен тәмамдаймыз.

№39 қазақ орта жалпы білім беру мектебі

Мектепшілік кеш

«9 мамыр – Жеңіс күні»

Өткізген: Аленова А.А

Ақтөбе қаласы