9 сынып оқушысына арналған мінездеме

м і н е з д е м е

Альбина аталған мектепте бірінші сыныптан бастап оқыды. Осы жылдар арасында өзінің білімімен, үлгілі тәртібімен көзге түсе білді. Сөйлеу мәдениеті жоғары, сөздік қоры мол. Өз пікірін, ойын жинақтап жеткізе алады. Сабақты зейін қойып тыңдап, оңай және тез қабылдайды. Байқағыш, есте сақтау қабілеті жақсы, түсінігі мол.

Кез келген тақырыпқа әңгімелесіп, өз ойын жеткізіп, пікірін қорғай алады. Нақты тақырыптарды жылдам қабылдап, қайта жаңғыртады. Альбина сезімтал, зерек және өте жауапты оқушы. Барлық пәндерден білімпаздық танытады, білім сайыстарына қатысып, жақсы  нәтижелерге жетіп жүр.

Мінезі салмақты, инабатты, тәрбиелі. Артық, орынсыз сөйлемейді. Өз ісіне тиянақты, жауапкершілікпен қарайды. Қоғамдық іс-шараларға белсенді қатысады. Ұйымдастырушылық қабілеті жоғары. Үлкенге құрмет, кішіге ізет көрсетеді.

Берілген тапсырмаларды ұқыпты, дер кезінде орындайды. Мектепішілік, сыныптағы іс-шараларға өз үлесін қоса білді.

Болашақта Альбина жақсы азамат, білгір мамандық иесі болары анық.