9-сынып қазақ тілінен диктант бжб

Қазақ тілі мен әдебиеті

9-сынып

Бөлім бойынша жиынтық бағалау

ЭКСПО-2017 – Қазақстан белесі .Нұрсұлтан Назарбаев «Тәуелсіздік толғауы», Биотехнология жаңалықтары. бөлімдері бойынша БЖБ (диктант)

Оқу мақсаттары

9.1.1.1 тыңдалатын мәтіндегі фразалар мен дәйексөздерді талқылай отырып, тақырып пен көтерілетін мәселені болжау;

9.5.1.3 ыңғайластық қатынасты білдіретін және қарсылықтық қатынасты білдіретін жалғаулықтардың қызметін білу, ауызша және жазба жұмыстарда орынды қолдану

Бағалау критерийі

• тыңдалатын мәтіндегі фразалар мен дәйексөздерді талқылай отырып, тақырып пен көтерілетін мәселені болжайды;

• сөздер мен сөйлемдерді орфографиялық ережелерге сәйкес жазады;

• ыңғайластық қатынасты білдіретін жалғаулықтардың сөйлемдегі қызметін біледі;

• ыңғайластық қатынасты білдіретін жалғаулықтарды ауызша жұмыстарда орынды қолдануын біледі;

• қарсылықтық қатынасты білдіретін жалғаулықтардың қызметін жазбаша жұмыстарда орынды қолдануын біледі

Тәуелсіздік-ел тірегі                   

           Тәуелсіз Қазақстан. Тәуелсіздік. Яғни, дербес,егеменді мемлекет. Бүгінгі күні осы тәуелсіздігімізді алғанымызға 33 жыл уақыт та зымырап келіп қалды.Ал тарих үшін бұл уақыт қас-қағымдай-ақ. Дегенмен , қаншама ғасырларды аясына алып құшақтаған  тарих қойнауы талай халықтардың және ұлы мемлекеттердің тәуелсіздігін көрген. Солай бола тұрса да, бізге өзіміздің тәуелсіздігіміз қымбат. Неге десеңіз,ол бізге ата-баба рухын көтергені үшін, мемлекетіміздің сөнген отын жандырғаны үшін,елімізді әлемдік қауымға ендіргені үшін және «қазақ»деген атауға қан мен жан кіргізгені үшін қымбат.

Отыз  жыл ішінде жетістіктерімізбен бірге кемшіліктеріміз де, жеңістерімізбен бірге сәтсіздіктеріміз де бар болды. Бірақ олар тарихтың еншісіне айналып отыр. Сонда да осы отыз  үш жыл өзінің қиындығы мен қуанышы жағынан , істелген істердің маңызы жағынан, ауқымы мен тегеуріні жағынан болашағымызды айқындайтын іргетас ретінде қалыптасып отыр.

С.Ч.Тұрсынғалиева «Қазақ тілінен жазба жұмыстар»

Тапсырма №1

Мәтіннен ыңғайластық қатынасты білдіретін және қарсылықтық қатынасты білдіретін жалғаулықтарды тауып,жазыңыздар

Мысалы: да,де,бірақ

Тапсырма №2

Жазаған жалғаулықтарды қатыстырып сөйлем құрап жазыңыздар.