9-сыныпта математикалық ойлау арқылы кәсіби құзыреттілікті қалыптастыру тәжірибесі

Жаңартылған білім беру мазмұны оқушының пәндік білімін өмірлік тәжірибемен байланыстыра отырып қалыптастыруды көздейді. Осы талапқа сәйкес 9-сыныпта жүзеге асырылған «Болашаққа бағдар: математикалық ойлау мен кәсіби даму» авторлық бағдарламасы математикалық білімді кәсіби бағдармен ұштастыруға бағытталды.

Бағдарлама бір оқу жылы көлемінде факультативтік курс ретінде жүргізілді. Сабақ барысында кәсіби бағытталған есептер, жобалық тапсырмалар және зерттеу жұмыстары қолданылды. Оқушылар экономист, инженер, ІТ маманы, статистик сияқты мамандықтарға қатысты практикалық есептер орындады.

Оқыту үдерісінде жобалық әдіс, топтық жұмыс, пікірталас және рефлексия тәсілдері пайдаланылды. Әр бөлім соңында шағын зерттеу жобалары қорғалды. Бұл оқушылардың өз ойын дәлелдеп айтуына, деректерді талдауына және қорытынды жасауына мүмкіндік берді.

Бағдарлама басында және соңында диагностикалық тапсырмалар алынды. Нәтижесінде логикалық есептерді орындау сапасының артқаны байқалды. Оқушылардың пәнге деген қызығушылығы күшейіп, болашақ мамандық таңдауға қатысты көзқарастары айқындала түсті.

Сауалнама қорытындысы бойынша оқушылардың басым бөлігі математиканың болашақ кәсіби қызметте маңызды рөл атқаратынын түсінетінін көрсетті. Практикалық тапсырмалар арқылы олар теориялық білімнің өмірмен байланысын аңғарды.

Қорытындысында, математикалық ойлауды кәсіби бағдармен байланыстыру оқушылардың оқу мотивациясын арттырып, олардың кәсіби құзыреттілігін қалыптастыруға тиімді әсер ететіні дәлелденді.

Баяндаушы : Кувондикова Гулсим