«№ 1 Жаңа Бұқтырма орта мектебі» М.М.
« Абайлаңдар балалар» жолда жүру ережесі.5-сынып
Мұғалім:Ахметжанова М С.
2018-2019 оқу жылы
Ашық тәрбие сағаты Сабақтың тақырыбы: « Абайлаңдар балалар» жолда жүру ережесі. Сабақтың мақсаты:Оқушыларға жолда жүру ережесі туралы білім қалыптастыру . Жолда абайлап жүруге баулу.Көшеде жүру ережесімен таныстыра отырып, жолда жүру мәдениетін үйретіп, сақтыққа тәрбиелеу . Сабақтың барысы: 1-оқушы: Сапар шексек сіз бен біз, Сан көлікке мінеміз. Троллейбус ,трамвай, Автобуспен жүреміз. 2-оқушы: Көлік,көлік,көлік Көліктерге мінеміз Көшелермен көшелермен Күнде тынбай жүреміз 3-оқушы: Тәртіп бұзсақ абайсыз, Жағдай туар қолайсыз. ГАИ қызметкерлерінен Сан кешірім сұраймыз. 4-оқушы: Жол жүрудің тәртібін, Ережесін білеміз. Сақтанғанда қатерден, Сау саламат жүреміз. 5-оқушы: Үш түсті түрі бар Жөн сілтер тілі бар. Бағдаршам дегеннің Сырын жақсы біліп ал. 6- оқушы: Қызыл көз жанарда Тоқтай қал әманда. Сары түс ескерту Дайын бол табанда 7-оқушы: Жасыл көз жарасты Алдыңнан жол ашты. Өте бер асықпай Жолыңмен қарасты. Мұғалім:Балалар мен сендерге жұмбақ жасырайын,шешуін тауып көріңдерші. Аяғы жоқ жүрмейді, Аузы жоқ сөйлейді. (Бағдаршам) Міне балалар ,бізге бүгін қонаққа кім келіпті? Оқушылар: Бағдаршам Мұғалім: Бағдаршам –өмірімізді апаттан сақтандыратын жалғыз көмекшіміз.Оның сырын біліп, тілін алу баршамыздың міндетіміз. Бағдаршам-жол элементтерінің ішіндегі ең ерте қолданыла бастағаны. Қазір бағдаршамның жасы жүзден асып кетті. Оның кескін келбеті де құрылысы да әлденеше рет жаңарды. Ол жол қозғалысына қатысушыларға өз жарығымен бағыт сілтейді. Ендеше бағдаршамның сендерге әкелген тапсырмаларына көңіл бөлейік. Қызыл көзін ашқанда , Сынық сүйем баспа алға. Сары көзін ашқанда Қарап қалма аспанға. Жасыл көзін ашқанда, Өте бергін жасқанба. Бағдаршам ойыны. Қызыл көтерген де-тұр, сары –күт, жасыл-жүр. Бағдаршамның сұрақтарына жауап беріп көрелік. 1.Жаяу адамға қай жермен жүруге болмайды? 2.Қала көшесінде келе жатқанда қандай жермен жүру керек? 3.Көше тәртібін не басқарады? 4.Жолдың қай жағымен жүру керек? 5.Бағдаршамның әр түсі нені хабарлайды? Мұғалім:Енді бағдаршамның жұмбақтары бар екен, соны шешіп көрейік.. 1. Сом дене, табаны бар сонша тісті, Бір өзі бітіреді сонша істі. (Трактор) 2. Кеудесінде жаны жоқ, Тамырында жаны жоқ, Май жейді, Су ішеді. (Машина) 3. Дыз-дыз етіп жүрегі, Сымнан ұстап жүреді. Өзіне адам мінеді, Ол не, кім біледі? (Троллейбус) 4. Ала таяқ ұстаған Жол тәртібін нұсқаған Өміріңді күзеткен Ысқырығы күшті адам. (Полиция қызметкері) 5.Көзін ашып жұмады, Бағыт сілтеп тұрады. (Бағдаршам) Мұғалім:Жарайсыңдар! Келесі ойнайтын ойынымыз «Жанатын бағдаршам» Бағдаршам қызыл көзін көрсеткенде орындарыңнан қозғалмай тұрасыңдар. Сары көзін көрсеткенде қолдарыңды шапалақтайсыңдар. Жасыл көзі жанғанда орындарыңда тұрып жүресіңдер. Бағдаршам: Қай көше, қай қалаға барсаңыз да, Қай ақыл өлшеміне салсаыз да. Жолда жүру ережесі-заңды тәртіп, Ол ортақ үлкен- кіші, баршамызға. Басталар әр қадамығ аттауменен, Жолда жүру ережесін сақтауменен. Қалаларға саяхат «Вагондар ойыны» Қорытынды: Мұғалім: Ал балалар ,біз бүгін не үйрендік,немен таныстық? -Жолда жүру ережелерімен, бағдаршаммен таныстық. -Бағдаршамның бізге пайдасы бар ма? -Бағдаршамның тілін алуымыз керек пе? Осымен біздің ойын сабағымыз аяқталды.
ҚР Білім және Ғылым министірлігінің стандартымен жасалған
18 Қараша 2018
721
0 рет жүктелген
