А.Тайманов атындағы №34 мектеп-гимназиясы

БҚО, Орал қаласы

Қазақ тілі мен әдебиеті пәні мұғалімі: Гизатова Айзада Нурболатовна

Ата-аналарды педагогикалық қолдау орталығының маңызы.

Бүгінгі таңда балалардың қауіп­сіз­дігі, олардың денсаулығы мен қорғалуы, әл-ауқаты, білімі мен әлеуметтік жағдайы – басты назарда.

Президентіміз : «Әлемде балалардың бақыты мен күлкісінен маңызды ештеңе жоқ. Өскелең ұрпақтың жан-жақты дамуы үшін қолайлы жағдайлар жасау – әрқашан біздің мемлекетіміздің басты міндеттерінің бірі», деген еді.

Елімізде көптеген отбасы балаларды толыққанды тәрбиелеу мен дамыту, олардың әл-ауқатын қамтамасыз етуге қолайлы жағдай жасай алмай отыр. Өкінішке қарай, зерттеулердің нәтижесі қоғамда отбасы институты әлсіреп, ғасырлар бойы қалыптасқан ұлтымызға сай отбасылық құндылықтар мен дәстүрлердің жоғалып бара жат­қанын анықтады. Бұл олқылықтың орнын білім беру ұйымдары ата-аналармен бірлесіп толтырмақшы. Бала тәрбиесінде отбасының рөлі зор. Оқу-ағарту министрі Ғани Бейсембаевтың айтуын­ша, сапалы білімді, патриотизмді, на­ғыз маман болуды, үнемшілдік пен еңбекқорлықты қалыптастыруға оқушы – мұғалім – ата-ана бірлесе жұмыс атқаруы шарт. Сол себепті министр тәрбие жұмысының рөлін күшейту мақсатында республикадағы мектептерде 2023-2024 оқу жылында Біртұтас тәрбие бағдарламасы аясында білім беру ұйымдарында ата-аналарды педагогикалық қолдау орталығын ашуды тапсырған болатын.

Маңызы бар жобаның міндеті – балалар­дың әл-ауқатын қамтамасыз етуге ата-аналардың педагогикалық мә­дениетін, психологиялық және әлеу­мет­тік құзыретін дамыту болды.

Ашылғаннан бастап орталық оқу жылының соңына дейін ата-аналарға ұлттық құн­дылықтарға негізделген оқыту сабақтарын, кеңес сабақтарын, тренингтер өткізді.

Бұл сабақтарда ертегі, аңыз-әңгімелер, батырлар жырларынан үзінділер келтіру, мақал-мәтелдер, халық әндері, дала ділмарларының шешендік сөздері, жыраулар шығар­ма­шылығы, салт-дәстүрлер мен ғұ­рыптардың, ұлттық киімдердің ма­ңызы, ұрпақтар тізбегі (шежіре), ер мен әйелдің қоғамдағы орны, туыстық қаты­настардың ерекшеліктері қамты­лды.

Сонымен қатар жоба аясында «Даналық мектебі» клубы құрылды. Клуб мектептің нақты сұраныстарына сәйкес «Ата өсиеті», «Әже даналығы», «Аға қамқорлығы», «Жеңге кеңесі» секілді секцияларды ұйымдастыру ар­қылы ұлтымызға тән туыстық қарым-қатынастарды ұрпақ бойына сіңіруді мақсат етеді.

Ата-аналарды педагогикалық қолдау орталығы жұмысы мектеп-ата-ана-бала үштігінде нәтижелі жұмыстардың бірі болды. Көпті көрген ата, әжелеріміз өскелең ұрпаққа өсиет сөздерін айтып, бағыт-бағдар беруде үлкен көмек болды.

Балалардың әл-ауқатын қамтамасыз етуде мемлекеттік орта білім беру ұйымдары мен ата-аналар арасындағы тиімді өзара іс-қимыл үшін жағдайларды қамтамасыз ету басты мақсат болды.

Оқыту сабақтарында ата-аналар өз ойларын ортаға салып, көптеген сұрақтарға жауап ала білді.

Алдағы оқу жылында орталық жұмысын жалғастыру жоспарланды.