Кіріспе Қазіргі заманның жаһандану үдерісі мен қарқынды өзгерістері білім беру жүйесіне жаңа талаптар қояды. Бүгінгі мектепке дейінгі тəрбиенің негізгі міндеті – баланы тек мектепке дайындау емес, сонымен қатар рухани бай, мəдениетті, жауапты жəне шығармашыл тұлға ретінде қалыптастыру. Осыған байланысты еліміздің білім беру саласында тəрбиенің рөлі артып, бүлдіршіндердің тұлғалық дамуына жəне құндылықтарға негізделген тəрбиеге ерекше көңіл бөлінуде. Бала – тəрбиенің де, дамудың да өзегі. Оның қабілеттерін ашу, өзін- өзі тануына жол ашу жəне адамгершілік қасиеттерін қалыптастыру – қазіргі тəрбиешінің басты міндеті. Балабақша жасы – тұлғалық ізденістер мен құндылықтық бағдарлардың алғашқы, өте сезімтал кезеңі. Тұлғалық даму – баланың ішкі жан дүниесі, мінез-құлқы мен қарапайым көзқарастарының қалыптасу үдерісі. Бұл дамуға негіз болатын тəрбие жүйелі, мақсатты жəне құндылыққа бағытталған болуы тиіс. Мейірімділік, сыйластық, адалдық, еңбекқорлық, отансүйгіштік сияқты қасиеттер – тəрбиенің