Мақсаты: Оқушыларға сыйластық сүиіспеншілік құндылықтары туралы түсініктерін кеңеиту

Міндеттері:- Оқушыларға іңкәр көңіл, нәзік сезім, сүйіспеншілік ұғымының адам

өміріндегі мәнін түсіндіру

• өз Отанын, туған же рін, табиғатын, достарын, ұстазын, ата- анасын сүюге тәрбиелеу

• махабаттың өмірлік мәнді күшіне сенімін, махаббат жолында ізгі әрекет жасау қабілетін дамыту

Сабақтың барысы:

Ұйымдастыру кезеңі

«5 т» ережесі бойынша

І. Тыныштық сәті «Күн нұры»

Ыңғайланып отырыңыздар, денелеріңізді түзу ұстаңыздар. Аяқ қолдарыңызды айқастырмаңыз, қолдарңызды тізеге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан бояу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде.Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің ауызыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте – бірте қарқынды және шұғылана бастайды. Сіздің денеңізден шығып, жан-жағыңызға сәуле шашуда. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, тірі жанға таралсын. Ғаламның барлық түкпір-түкпіріне нұр бағыттаңыз. Ойша айтыңыз: «Мен нұрлымын», Нұр менің ішімде.. «Мен нұрмын»... Осындай Нұр , махаббат және тыныштық күйінде отыра тұрыңыз...

Енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.

Рахмет!

Жаттығу кезінде қандай көңіл-күйде болдыңыздар?

Қандай сезім пайда болды?

Нені елестете алдыңыздар?

Ресурстар:

Оқулық, дәптер, плакат, бейне таспа

Ескерту

ІІ. Үй тапсырмасы:

24 сабақ 104 бет «Күн ұрланған күн» Г. Сайынқызы

- Егер Күнайдың орнында болсаңыз не істер едініз?

-Оның шешімін құптайсыз ба ?

-Сырыңызды кіммен бөліскен дұрыс деп ойлайсыз?

- Нәзік сезім дегенді қалай түсінесіз?

ІІІ. Дәйексөз

«Сүйіспеншілік ешкімді , ешнәрсені таңдамайды және талқыға салынбайды»

Конфуций

- Ешкімді еш нәрсе таңдамайтын қандай құндылық?

ІҮ. Әңгімелесу. Мұғалімнің сыйы.

Бейне таспа көрсету. «Риясыз махаббат»

Сұрақтар

-мына бейне таспадан кейін қандай сезім пайда болды?

-Олар іс - әрекет арқылы бір- біріне қандай сезім білдіреді?

-Тарихта, әдебиетте ғашықтық символына айналған кімдерді білесіндер? ---

-Ғашықтық сезім ді жеткізу үшін адамға қандай қасиет керек?

Ү. Шығармашылық жұмыс. Топпен жұмыс. Баяу музыка әуенімен оқушылар 2 топқа бөлініп «Алғашқы махаббат» тақырыбында

1топ эссе жазу

2топ өлен құрау

Дәптермен жұмыс.

1 тапсырма. Қыз баланы қадірлеу оларға қорғаныш болу құрметпен қарау қазақтың қастерлі ұғымдарының бірі. Осыған байланысты айтылған нақыл сөздер мен мақал- мәтелдерді тауып жазыңдар.

1. Қызға 40 үйден тыйю

2. Қызым саған айтам, келінім сен тыңда.

3. Қыз өссе елдің көркі, гүл өссе жердің көркі.

4. Қыз жат- жұрттық

ҮІ. Топпен ән айту

«Гүлдәурен» сөзі М. Шаханов

ҮІ. Үйге тапсырма. 113 беттегі Ә. Нұршайақовтың мәтінін оқу

ҮІІІ.Сабақтың қорытынды сәті

Бүгінгі сабағымызды есімізге түсірейік. Жақсы сөздер естіп, айтып бәріміздің көңіл-күйлеріміз көтерілді. Ісіміз де сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс-жүзіне ассын. Жақсы ой ойлайық, жақсы сөз сөйлейік, жақсы іс жасайық. сүйіспеншілікте болайық. Осындай тыныштықта сәл отыра тұрайық. Қандай жан тыныштығы.