Қазақстан Республикасы

Солтүстік Қазақстан облысы

Уәлиханов ауданы

"КҮНШУАҚ"

бөбекжай бақшасы

«Сұлу табиғат» тақырыбына « Күздің белгілері» (саяхат»)

Ересектер «Айгөлек» тобы

Тәрбиеші Алдабаева Рысты Мубараковна

Мақсаты:балалардың туған табиғатына деген махаббатын және қызығушылықтарын дамыту, эстетикалық сезімдерін ояту, табиғат құбылыстарын бақылау біліктерін бекіту.

Ұйымдастыру бөлімі.

Балалар, бүгін «Жеңіс саябаққа» саяхатқа шығамыз.Шықпас бұрын мынадай сұрақтарға жауап беріңдер

Бір жылда неше мезгіл болады?

Кімге қай жыл мезгілі ұнайды? Несімен ұнайды?

Аулымыз туралы не білесіңдер?

Жапырақ сарғайып,

Күн бұлттанады.

Жаңбыр жиі жауады

Құстар жылы жаққа ұшады.

Айтыңдаршы балалар,

Бұл қай кезде болады?

Біз сендермен саябақтың ішінде қыдырамыз, жаң- жағымызға қарап күз белгілерін іздеймік.

Мен біреуін тапқам сияқтымын.Өздеріңнің киімдеріңе қарандаршы, неге бұлай киініп алдыңдар?

Себебі күн салқындады, ағаштың жапырақтары сарғайып түсіп жатыр.Барлығымыз рябина ағашының жанына барайық.Рябина ағашының жапырақтары қандай?

Енді үйіңке ағашына қарандашы, оның жапырақтары қандай?

Аяқтарыңнын астына қарандашы.Ағаштардың, бұталардың жапырақтары түсіп жерде жатыр.

Самал қозғап қалғанда

Үзілді сары алма.

Шолып едім бақшаны

Қауын біткен сап сары.

Торғайды да көрдім мен.

Көрінеді шалғайда

Таза жездей жайнаған

Сары бояу айналам

Енді сары бояумен

Күз суретін салам мен. Қ.Баянбаев.

Ағаштың жапырақтары түскенде оларды жел қағып алып, олар ақырын айналып,жерге түседі.Бұл табиғат құбылысын «жапырақтың құрап түсүі» деп атайды.

Ағаштың жапырақтары түскенде оларды жел қағып алып, олар ақырын айналып,жерге түседі.Бұл табиғат құбылысын «жапырақтың құрап түсүі» деп атайды.

Балалар жапырақтың астына қолдарын қояды.Балалар,сендер жылуды ма,әлде суықты сезесіңдер ме деп сұрап, жапырақтар суықтан сарғайып кеткенін айтады.

Күздің тағы қандай белгілері білесіңдер?

Жаңбыр жиі жауады, салқын суық жел соғады.Күн қысқарады, түн ұзарады.

Құстар жылы жаққа ұшып кетеді.Біздің ақындар күзді «Алтын күз», «Жомарт күз» деп айтады.

Ал күз сендерге қай жағынан ұнайды?

Күзде адамдар жеміс жидектер жинап, олардан қысқы азық дайындайды.

Таза ауамен демалып,түрлі ойындар ойнау. «Кім жылдам?» «Ақ серек, көк серек» т. б.

Қорытынды.

Ал қазір біз сендермен құрап қалған гүлдерді, жапырақтарды жинаймыз,топқа барған соң күзгі коллаж жасаймыз.

Осы біздің жерімізде тіршілік ететін жан жануарларға құстарға,өсімдіктерге қамқоршы болуымыз керек.Адамның табиғатсыз тіршілік ете алмайтынына көз жеткіздік.Табиғат байлықтарын қорғай білу азаматтық борыш.Оны аялап, сүйе білейік.Мысалы:Кейбір тентек балалар гүлдерді жұлады, құстардың ұясын бұзады,жазықсыз жәндіктерді өлтіреді.Мұндай жағымсыз қылықтардан өзімізді аулақ ұстай білейік. Табиғатты аялайық.

Қазақстан Республикасы

Солтүстік Қазақстан облысы

Уәлиханов ауданы

"КҮНШУАҚ"

бөбекжай бақшасы