Тақырыбы: « Қазақстан- туған елім,ұлы өлкем!»
Мереке: 25 қазан – Республика күні

Мақсаты

1. Балалардың Отанға деген сүйіспеншілігін арттыру, патриоттық сезімін тәрбиелеу.

2. Қазақстан Республикасының рәміздері мен мерекелерін танып-білуге үйрету.

3. Ән айту, би билеу арқылы шығармашылық қабілеттерін дамыту.

Тәрбиеші:
– Армысыздар, балалар!
Бүгін біз барлығымыз үшін ерекше мереке – Республика күнін атап өтеміз.
Бұл күн – біздің Отанымыздың еркіндігін, тәуелсіздігін білдіретін күн.

1-бөлім: Әнұран

• Балалар қолдарын жүрек тұсына қойып тұрады.

• Мемлекеттік Әнұран орындалады

Тақпақтар

Балалар кезекпен сахнаға шығып, жаттаған шумақтарын айтады.

Айдын:

Республика – елімнің,  

Жарқыраған жұлдызы.  

Бейбіт өмір тілеймін,  

Барша елдің ұл-қызы!

Еркеназ:

Мен қазақпын, мақтанам,  

Бейбіт елде шаттанам.  

Республика – ел күні,  

Ар-ожданым, жан шуағым!

Әбу Бакр:

Елтаңбамыз – шаңырақ,  

Бірлік үшін қаланған.  

Республика – нұр мекен,  

Берекемен жаралған!

Аяла:

Қазақстан – туған ел,  

Желбірейді Ту – Көк Бел!  

Республика күні бұл –  

Бейбіт өмір, тыныш бел!

Ахмед:

Аспанымыз ашық болсын,  

Күніміз де жарық болсын.  

Республика – ардағым,  

Болашаққа бағыт болсын!

Саида:

Тыныштықпен таң атсын,  

Жас балдырған шаттықсын.  

Республика – мерекем,  

Бар әлемге жарқ етсін!

Атанияз:

Тәуелсізбін – дербеспін,  

Республика – елбесігім.  

Жас ұрпақпын, өсемін,  

Отанымды сүйемін!

Айбат:

Жаса, жаса, Қазақстан,  

Республика – нұрлы таң.  

Бейбіт өмір сыйлаған,  

Қазағыммен мақтанам!

Үстел үсті ойыны «Дұрыс сәйкестендір, Пазл».

Тәрбиеші балаларға сұрақ қояды, балалар жауап береді:

• «Көк түсті, күн мен қыран бейнеленген – не?» → Ту

• «Шаңырақ бейнесі бар – не?» → Елтаңба

• «Мемлекеттік тіліміз?» → Қазақ тілі

• «Астанамыз қалай аталады?» → Астана

Би: Қыздар

• «Туған өлкем!»

Би: Ұлдар

• «Рух!»

Ән

Балалар бірге шырқайды: «Қазақстаным Отаным!» 

Қорытынды

Жүргізуші:
– Бүгін біз Республика күнін атап өттік. Бұл мереке – тәуелсіз еліміздің нышаны.
Балалар, Қазақстан әрқашан бейбіт, бақытты, берекелі ел болып, көк байрағымыз биік желбірей берсін!

Балалар қолдарын жоғары көтеріп, хормен айтады:
«Қазақстан жасасын!»

«Балаби» балабақшасы ЖШС

Тақырыбы: «Қазақстан- туған елім,

ұлы өлкем!»

«Сұңқар» мектепалды тобы

Өткізген:Жұматаева Г.Қ

2025-2026 оқу жылы