«Қазақтың сәні – ұлттық сән!»

Мақсаты:

Балаларға қазақ халқының ұлттық киімдерін, сәндік үлгілерін таныту, патриоттық сезім мен мақтаныш ұялату, сахналық мәдениетін дамыту.

1. Кіріспе

(Сахнада ұлттық нақыштағы безендіру, күй ойнап тұрады)

Жүргізуші:

— Құрметті қонақтар!

— Бүгінгі 16 желтоқсан – Қазақстан Тәуелсіздігі күніне арналған «Қазақтың сәні – ұлттық сән» атты сән көрсетілім ертеңгілігіне қош келдіңіздер!

— Сән емес, рухты көрсететін – ұлттық киім! Ендеше, қошеметпен Балдәурен тобының балаларын қарсы алыңыздар!

(Музыка қойылады балалар ортаға шығып киімдерін көрсетеді)

Тақпақтар:

1 бала: Керейхан

Көк тудың желбірегені —
Жаныма қуат береді.

2 бала: Раяна
Таласқа түссе жан мен ту
жан емес,
маған керегі-
Көк тудың желбірегені.

3 бала: Бахтияр

Тәуелсіз ел – тірегім,

Мәңгі болсын тілегім!

4-бала: Ділдә

Қазағымның көк туы

Көк аспанда желбірей бер!

Ән : Отан

Тақпақтар:

1.Камила

Көк туымды қолыма

Бүгін берік ұстадым

Түсті бақыт жолына

Тәуелсіз Қазақстаным

2.Дара

Тәуелсіз елдің ұрпағы

Қазақ жері тұрағы

Қазақ десе әр адам

Жүрегі лүпіл қағады

3.Нұрым

Тәуелсіздік таңын сүйем

Күн шуағын төккен күн

Елім менің, жерім менің

Баққа қолы жеткен күн

4.Ділдә

Бабалардың арманы

Осы еді ғой аңсаған

Тәуелсіздік таңдары

Бақ береді баршаға

5.Жантөре

Он алтыншы желтоқсан

Тәуелсіздік алған күн

Ерекше боп мәңгілік

Ел жадында қалған күн

6.Керейхан

Көк байрақ көк аспан

Алтын күн нұр шашқан

Әлемге таңылған

Тәуелсіз Қазақстан

7.Арсен

Мерекеге шығады

Бүкіл халық біліп қой

Отандастар ұғады

Тәуелсіздік ұлық той

Көрініс: «Батыр бабам арманы»

(Бұл көрініс – өте әсерлі, ұлттық рухта, баланың түсінігіне жеңіл.)

Кейіпкерлер:

Әже (орамал тартқан), Батыр бала, Екі немере бала

Сахна басталады.

Әже үлкен киіз үйдің қасында отырады. Немерелері қасына келеді.

Немере:
– Әже, Тәуелсіздік деген не?

Әже Ділдә:
– Тәуелсіздік – еркіндік, бейбіт өмір.
Оны бізге ата-бабамыз аманат еткен.

(Сахнаға қалқан мен найза ұстаған Батыр келеді.)

Батыр Айқын:

– Мен елімді қорғадым, Мен жерімді қорғадым!

Әже Ділдә:

– Балаларым, батыр бабаң елді қорғады,
сендер – біліммен қорғаңдар!

Балалар (бірге):
– Біз білімді боламыз!
– Елімізді қорғаймыз!

Би: Қазақша нақышта патриоттық би.

10. Жүргізуші қорытындылайды:

— Құрметті ата-аналар, тәрбиешілер!

— Бүгінгі сән көрсетіліміміз арқылы балаларымыз ұлттық құндылықтарды бойына сіңіріп, өз елін сүюді үйреніп жатыр.

— Қазақы нақыш – бұл тек сән емес, бұл – ұлттың рухы мен тарихы.

— Тәуелсіздік мерекесі құтты болсын! Еліміз аман, жұртымыз тыныш болсын!