«Бэби Бум» ЖШС-ң қарамағындағы «Аққу» балабақшасы

Тілдер күніне орай ұйымдастырылған

«Ұлттық ойын – ұлт қазынасы» атты спорттық іс-шара .

Қазақ тілі мұғалімі:Шарипова А.К

Тілдер күніне арналған ұлттық ойындар сайысы.

Тақырыбы: «Ұлттық ойын – ұлт қазынасы»

Мақсаты: Балаларға қазақтың ұлттық ойындарын таныту, шапшаңдық, батылдық, ептілікке баулу, тіл мерекесінің мәнін сезіндіру.

Сәлеметсіздер ме, құрметті қонақтар мен бүлдіршіндер!

– Бүгін біз Қазақстан халықтарының тілдері күніне орай «Ұлттық ойын – ұлт қазынасы» атты сайысымызды бастаймыз!

– Тіл – ұлттың жаны, ал ұлттық ойын – оның рухани байлығы. Ендеше, балалар, бүгінгі сайысымызға белсенді қатысып жарысайық!

1.«Бәйге» (Ат жарысы)

– Алғашқы сайыс «Бәйге». Шабандоздарымыз ортаға шықсын!

– Кім жылдам, кім шапшаң – қазір анықтаймыз!

Шарты: Әр топтан 1-2 бала шығып, «атпен» жарысады (ағаш ат) .Қай шабандоз бірінші келсе – сол жеңімпаз

Ұпай: 1-орын – 3 ұпай, 2-орын – 2 ұпай

2. «Арқан тарту» (Командалық күш сайысы)

– Енді күшімізді сынаймыз. Келесі ойын – «Арқан тарту». Бұл – бірлік пен күштің ойыны.

Шарты: Екі топ арқанның екі жағынан тартады Ортадағы белгіге кім бұрын тартып жеткізсе – сол жеңімпаз

Ұпай: Жеңген топқа – 3 ұпай

3. «Қыз қуу»

Келесі кезекте – көңілді ойын. «Қыз қуу» Қыздар мен ұлдар шапшаң-дықтарын көрсетсін!

Шарты: Қыз алдымен жүгіреді, артынан ұл қуады Қуып жетсе – ұл жеңді, жетпесе – қыз жеңімпаз

Ұпай: Жеңімпаз жұпқа – 3 ұпай

Қорытынды:Құрметті балалар, бүгін сендер ұлттық ойындар арқылы ептілік, шапшаңдық, батылдық таныттыңдар. Қазақтың тілі мен дәстүрін құрметтеп, әрқашан бір-біріңе достықпен қараңдар!

Жеңімпаздарды марапаттау.