«Абай рухы – жастар үнінде» тақырыбындағы жас мамандар арасындағы колледжішілік сайыс ережесі

1.Жалпы ережелер

Іс-шара ұлы ақын, ойшыл, ағартушы Абай Құнанбайұлының туғанына 180 жыл толуына орай ұйымдастырылады.

Сайыстың мақсаты – Абай мұрасын дәріптеу, жастардың рухани дүниесін байыту, өнер мен білімге деген сүйіспеншілігін арттыру.
Ұйымдастырушы: (Тәрбие ісі жөніндегі орынбасары Ұ.О. Абзелова, әдістемелік кабинет меңгерушісі Ұ.О. Хидирбаев, қазақ тілі мен әдебиеті пәнінің оқытушылары Г.Ә.Әбдіқаппарова, А.Ж.Онғарбева.
Өткізу мерзімі мен орны: (28.11.2025ж, Аудандық мәдениет үйі).

2. Сайыстың мақсаты мен міндеттері:

Абай шығармаларын кеңінен насихаттау;

Қатысушылардың әдеби талғамын, сахналық мәдениетін дамыту;

Шығармашылық қабілетін арттыру;

Қазақ әдебиеті мен мәдениетіне деген құрметті күшейту.

3. Қатысушылар:

1.Сайысқа жас мамандар топ болып қатысады.
2.Қатысушы топтар келесі номинациялар бойынша бақ сынайды:

I кезең – «Абайды оқу» (ақын өлеңдері мен қара сөздерін мәнерлеп жатқа оқу);

II кезең – «Абай әндері» (ақынның сөздеріне жазылған әндерді орындау);

III кезең – «Абай ізімен» (Абай шығармашылығынан көрініс ұсыну);

IV кезең – «Абай әлемі – ұлт рухы» (Абай өмірі мен шығармашылығына арналған викториналық сұрақтар)

4. Өткізу тәртібі:

Сайыс 4 кезеңнен тұрады:

2. Қатысушы топтар ұсынатын шығармашылықтарын алдын ала ұйымдастырушыларға ұсынады.
3.Әр қатысушы топтар 3-5 минут көлемінде өз нөмірін орындайды.

5. Бағалау критерийлері:

Тақырыпты ашу деңгейі;

Шығармашылық шеберлік, сахналық мәдениет;

Дикция, дауыс мәнері, көркемдік орындау;

Киім үлгісі мен жалпы әсер.

6. Марапаттау:

Әр номинация бойынша: диплом және естелік сыйлықтар табысталады. .Ерекше көзге түскен қатысушыларға «Көрермен көзайымы», «Үздік орындау», «Абайтанушы жас» арнайы аталымдары беріледі.

7. Ұйымдастыру мәселелері:

1. Қатысушылар өздерінің сахналық костюмдері мен техникалық сүйемелдеуін алдын ала дайындайды.
2. Ұйымдастыру комитеті іс-шараның әділ өтуін қамтамасыз етеді.