Педагогтің аты – жөні

Күні

15.09.2025

Қатысушылар саны:

Қатыспағандар саны:

Сабақтың тақырыбы

«Абай мұрасы-еңбек пен тіл тәрбиесінің үлгісі» сынып сағаты

Қауіпсіздік сабағы (10 минут)

№ 3-САБАҚ

«Құпия сөз – сіздің отбасылық пароліңіз»

Сабақтың мақсаты

Қазақ халқының ұлы ақыны Абай Құнанбайұлының өлеңдері мен қара сөздері халыққа ерекше тәрбие беріп, адамгершілікке үндейтінін түсіндіру. Абайдың қара сөздері арқылы балаларды адамгершілікке жақсы қасиеттерге тәрбиелеу

Күтілетін нәтиже

Қара сөздердің мән-мағынасын тануға баулу

Құндылықтарды дарыту

Адам өміріндегі, отбасындағы, қоғамдағы еңбектің құндылығын түсіну

Қоданылатын ресурстар

Плакаттар, слайд,презентация

Апта дәйексөзі

«Ақырын жүріп анық бас, еңбегің кетпес далаға!» /Абай/

Қауіпсіздік сабағы 10мин

«Не жөнінде үндемей қалуға және ата – аналардан жасыруға болмайды?»

Сабақтың барысы

Сабақтың кезеңі/ уақыт

Мұғалімнің іс – әрекеті

Оқушының

іс – әрекеті

Сабақтың басы

12 минут

1.Ұйымдастыру кезеңі:

Оқушылармен сәлемдесу,түгелдеу

Қ.Р – ның Мемлекеттік Гимнін орындау

2.Психологиялық дайындық:

Кел, балалар күлейік

Күлкіменен түлейік!

Қабақ түйген не керек,

Көңілді боп жүрейік!

Кел, балалар күлейік!

Күлкіменен түлейік!

Күлкі көңіл ашады

Күліп өмір сүрейік

3.Сабақтың тақырыбы мен мақсатымен таныстыру:

Тақырыбы: «Абай мұрасы-еңбек пен тіл тәрбиесінің үлгісі»

Миға шабуыл Абай Құнанбай ұлы кім? Балалар сұраққа жауап береді, пікір алмасады.

Миға шабуыл (бейнеролик) Мұғалім: (бейнероликтен кейінгі жетелеуші сұрақтар) Бұл бейнеролик не туралы?

Видеодан кейінгі сұрақтар:

Абай қай жерде д.ниеге келді?

Әкесінің аты кім? Құнанбай

Әжесінің аты кім? Зере

Анасының аты кім? Ұлжан

Абай кімнің ертегісін тыңдаушы еді?Әжесінің

Нешінші жылы ел билеу ісіне араласты?1866-68 ж

Қ.Р-ның Мемлекеттік Гимнін орындайды.

Оқушылар хормен айтады.

Сабақтың тақырыбы мен мақсатымен танысады.

https://youtu.be/w6jeu5kfW4A?si=Mr8iTmCiovqZhO-0

Балалар сұрақтарға жауап береді

Сабақтың ортасы

20. минут

Жаңа ақпарат        

Абай – құбылыс, ғасырларда біртуар ғұлама. Туысы бөлек, бесігі өлең, өсуі еркін. Оқуды өмірден алған. Оқуға зерек, ұғымға ұшқыр, талан, мектебі орта болған. Сондықтан да оның түрлі айтыстар мен даулардағы, мәжілістер мен кеңестегі айтқан пікірлері – дара өнеге, нақыл. Ойла-нып жазғандары өлең өнер болған. Абай дүниеге өз көзімен қарап, көргені мен сезгенін жалтақтамай айтқан. Құдай берген даналық оны даралық жолына, даныш-пандық шыңына бастады. Өмір мен қоғамды барлап, болашақты болжап жазған әр шығармасы – осы шыңға шығар жолындағы баспалдақ.

Абайдың адамгершілік туралы, Адам деген атқа лайық сілтеген бағыттары, көрсеткен жолдары ақынды бізге жақындата түседі. Абай өткеннің ғана Абайы емес, біздің қасымызда жүрген, қазақ халқының басына қиыншылық түскенде дем беруші, рух беруші пайхамбарымыз, рухани көсеміміз. Абай 19 ғасырдың ортасында дүниеге келіп, 20 ғасырдың басында бұл дүниеден кетіп қалған жоқ. Абай заттың адамы емес, рухтың адамы. Абайдың адамгершілік туралы этикалық ойлары, пікірлері өз халқының ұрпақтарына әрқашан қуат бере бермек.

Абайдың 45 қара сөзі бар.Абайдың 37-қара сөзі.Нақыл сөздер.

1. Жұмысы жоқтық, тамағы тоқтық .......... (Аздырар адам баласын)
2. Үш-ақ нәрсе адамның қасиеті ... (Ыстық қайрат,нұрлы ақыл,жылы жүрек) 
3. Талап, еңбек, терең ой ... (Қанағат, рахым, ойлап қой, Бес асыл іс, көнсеңіз)
4. Білімдіден шыққан сөз...............(талаптыға болсын кез)
5. Еңбек етсең ерінбей, ..............(Тояды қарның тіленбей)
6. Ұстаздық еткен жалықпас, ............(Үйретуден балаға) 
7. Пайда ойлама, ар ойла, ..........(Талап қыл артық білуге) 
8. Атымды адам қойған соң, ............(Қайтіп надан болайын) 
9. Досы жоқпен сырлас, .................. (Досы көппен сыйлас) 
10. Сен де бір кірпіш дүниеге, ..............(Кетігін тап та, бар қалан)
11. Жаман дос - көлеңке, ..............
(Басыңды күн шалса, қашып құтыла алмайсың,
Басыңды бұлт алса, іздеп таба алмайсың)
12. Толғауы тоқсан қызыл тіл ......................(Сөйлеймін десең өзің біл)
13. Ойын – арзан, ...............(күлкі қымбат)
14. Қайратсыз ашу - тұл, ...........
Тұрлаусыз ғашық - тұл, 
Шәкіртсіз ғалым - тұл. 

Балалар тапсырма орындайды

Түсінігін

Жалғасын табады

Сабақтың соңы

10 минут

Қауіпсіздік сабағы

№ 3 САБАҚ. «ҚҰПИЯ СӨЗ – СІЗДІҢ ОТБАСЫЛЫҚ ПАРОЛІҢІЗ»

Сабақтың мақсаты:үйде және көшеде кездесетін қауіпті жағдайлар туралы түсінік қалыптастыру, осы жағдайда қалай әрекет жасау керектігін үйрету.

Біз өмір сүріп жатқан әлем өте қызықты. Ол ғажайыптарға толы. Күн сайын әртүрлі кездейсоқ оқиғаларға тап боламыз. Өмір күтпеген оқиғаларға толы. Олар жағымды да және жағымсыз да болады. Күтпеген жерден біздің өмірімізге қауіп тудыратын жағдайлар да кездеседі. Қайғылы оқиғаны болдырмау үшін жағдайды тез түсініп, дұрыс шешім қабылдай білуіміз қажет.

Бүгінгі сабақта біз осылар туралы біліп алайық!

1-ереже. Есікті танымайтын адам түртсе не қоңырау соқса, ашуға бола ма? (Балалардың жауаптары: Жоқ, ашуға болмайды, анамызға, не әкемізге қоңырау соғып хабарласу керек, полицияға да хабарлауға болады). Ешкімге есікті ашуға болмайды! Себебі қылмыскер киімді ауыстырып киіп алуы мүмкін. -Ал қылмыскер есікті бұзғысы келсе, не істейміз ? (Балалардың жауабы: ата-анамызға қоңырау соғамыз). - Телефон жоқ болсаше? (Балалардың жауаптары) - Дұрыс, балконнан немесе терезеден қатты айқайлап көмекке шақырамыз. «Телефонмен сөйлесу» ойыны: - Сәлеметсіз бе! Мен қайда түстім? - … - Бұл кімнің пәтері? - … - Сенің есімің кім? - … - Әке-шешең үйде ме? - … - Сен үйде жалғыз отырсың ба? - … - Танымайтын адамның барлық сұрақтарына «Жоқ» депжауап беріңіздер. «Ата-анаң үйде ме» деген сұраққа «Үйде, бірақ олардың қолдары бос емес, телефонға жауап бере алмайды» деп жауап қайтарыңыз.

2-ереже. Сен көшеде ойнап жүргенде күтпеген жерден бейтаныс адам машинасына мінгізіп аралатып келуді ұсынды. Сен қалай жауап бересің? (Еш уақытта келіспеймін. Бейтаныс адамның көлігіне мінуге болмайды). - Жарайсыздар. Өте дұрысжауап бердіңіздер.

3-ереже. Сабақтан соң мектептен шығасың. Саған бейтаныс кісі келіп анаңның досымын дейді. Анаңның телефон қуаттағышы отырып қалғанын, сені мектептен алып кетуімді өтінді деп, жылы лебізін білдіреді. Сен не істер едің? - Күмәнді адаммен кездесіп қалсаң, не істеу керек? - Құпия сөз деген не? - Ата-аналарыңмен бірге бір сөз ойлап табыңыздар – ол сөзді тек сендер, яғни ата-анаң мен өзің ғана білулерің керек. Қауіп төнгенде бұл сөз сіздің өміріңізді сақтап қалуы, жағымсыз байланыстан құтқаруы мүмкін. Міндетті түрде бір сөзден емес, тұтас сөйлем болса да жақсы. - Сіз қонаққа бардыңыз. Сізге қауіпті жағдай төніп тұр. Бұл жағдайда анаңыз алып кетуі үшін құпия сөз жазасыз немесе айтасыз. Құпия сөз смайл түрінде болуы да мүмкін. Анаңыз түсініп, сізді алып кете қояды.

4-ереже. Еш уақытта бейтаныс адамның көлігіне отырма, барайық деген жеріне барушы болма, бейтаныс адамды өзіңе 2 метрден жақын жолатпа, егер ол жақындайтын болса, айғайлап, көмекке шақыр, құпия сөзді айтуын сұра.Күмәнді жағдайды сезгенде құпия сөзді айтуын сұра.

Қорытынды. Рефлексия Пайдалы сілтеме: https://youtu.be/8rz3wsHhc0Y?si=rPqFZQQiq3UWV8Z

Сұрақтарға жауап береді

Сұрақтарға жауап береді

Кері байланыс

3 минут

Кері байланыс жасайды.