Абай оқуларында үздік оқушы дайындағаны үшін

Тақырыбы: ӨМІР ТЕК БАҚЫТТЫ КЕЗДЕРДЕН ҒАНА ТҰРА МА?

Мақсаты:

- Өмірге деген бейімділік, табандылық қарым - қатынаста болуын қалыптастыру, өмірдің құндылығын сезіндіру;
- Өмір жолының, өз алдына қойған өмірлік мақсат - мұраттары мен жалпы адамгершілік құндылықтардың адам өміріндегі маңызы туралы түсінік беру;

- Оқушыларды өз өмірінің мәнін түсіне білуге, рухани өсуге және жақсы мен жаманның аражігін ажырата отырып, өмірлік айқындамасын белгілей білуге үйрету;
Шаттық шеңбері (тренингке қатысушыларды топтастыру)

ӨМІР ТЕК БАҚЫТТЫ КЕЗДЕРДЕН ҒАНА ТҰРА МА?

Адам боп оңай туғанмен,

Адам боп қалу көп қиын.

Өмір... Өмір - сағаттардан, сырғыған күндерден, жылжыған жылдардан құралған, көкжиек секілді шеті - шегі көрінбейтін уақыттың еншісіндегі жұмбаққа толы сырлардың жиынтығы. Осы жиынтықты біреу сүйсе, біреуі жиынтықтың жұмбақтарын шеше алмай, қиналып жүреді, жалпы " бес саусақ бірдей емес" деп бабаларымыз тауып айтқан.

Өмір жолы көшкен керуен соқпағы тәрізді.Оның бұлтарысы да, жазығы да көп. Асуы қиын асқарымен қатар, төмен қарай құлдырап өтер ылдиы да болады. Керуен жолы кейде ұзақ, кейде қысқа келеді. Бірақ қауіп-қатерсіз, қиындықсыз болмайды. Ойламаған жерден жел тұрып, сұрапыл дауыл соғады, қалың жауын нөсерлей құйып, бұрын суы толарсақтан келер тайыз жыра, кенет сарылдай аққан, өткел бермес, долы өзенге айналады, көшті бөгейді. Бұндай бөгеттен тек шаршамайтын, талмайтын керуен ғана өте алады. Тоқтамай көшіп, өзінің деген жеріне жетеді.

Жасөспірімнің тығырыққа тірелгенде, өмірден түңілгендегі табатын жалғыз шешімі осы болмақ

Ең бастысы - жүрегің таза болсын

Өмір - арман,жүзеге асыр;

Өмір - парыз,орындай біл;

Өмір - сұлулық,сүйсіне біл;
Өмір - ойын,ойнай біл;

Өмір - сенің мүмкіндігің,пайдалана біл;
Өмір - байлық,бағалай біл;
Өмір - махаббат,ләззат ала біл;

Өмір - бақыт,баянды ете біл.

Өмір - құпия,сырын аш;

Өмір - күрес,жеңе біл;

Өмір - қайғы,көтере біл;

ӨМІРДІҢ ҮШ ТҮСІ

(әр топ кез-келген үш түсті таңдап, «Өмір, қымбатсың маған!» тақырыбына флипчарт қорғау)