Абай шығармаларындағы сандардың мәні

Абайдың шығармашылығындағы сандардың мағынасы терең философиялық мәнге ие. Оның поэзиясында, қара сөздерінде және музыкалық мұрасында сандар тек есептік мәнде емес, символикалық және танымдық мағынада қолданылады. Абайдың ойынша, ғылым мен білімнің негізі – логика. Ал логика математикамен тығыз байланысты. Сондықтан оның шығармаларында ой дәлдігі, құрылым жүйелілігі, сандардың символикасы ерекше орын алады. Абайдың поэзиясы құрылымдық тұрғыдан математикалық дәлдікке негізделген. Өлеңдерінде ырғақ, буын, тармақ нақты жүйеге бағынады. Музыкасында да бүтін, жарты, ширек ноталар математикалық есепке негізделгенін көрсетеді. Мектепке дейінгі ұйымдарда бірден беске дейінгі сандарды жиі қолданатын болғандықтан, бастапқы зерттеу кезінде, Абай шығармаларындағы бірден беске дейінгі сандардың орнына тоқталдым. Алдыңғы уақытта Абай шығармаларындағы сан есімдердің қолданылуы және Абай шығармашылығындағы жалпы сандардың қолданысы деген тақырыптарды қарастыру жоспарда бар.