КАСПИЙ ӨҢІРІ «БОЛАШАҚ» КОЛЛЕДЖІ

Бекітемін

__________ Г.М.Қаламқали

«_____» ________ 2025 ж

ҚЫРКҮЙЕК: ЕҢБЕКҚОРЛЫҚ ПЕН КӘСІБИЛІК

ТАҚЫРЫБЫ: «АДАЛ АДАМ. АДАЛ ЕҢБЕК. АДАЛ ТАБЫС!»

ТӘРБИЕ БӨЛІМІ, КУРАТОРЛАР

АҚТАУ-2025

ТӘРБИЕ САҒАТЫНЫҢ СЦЕНАРИЙІ

Тақырыбы: «Адал адам. Адал еңбек. Адал табыс!»

Мақсаты:

• Студенттерге адалдық, еңбекқорлық және кәсіби жауапкершілік туралы түсінік беру;

• Жұмысшы мамандықтарының қоғамдағы рөлін арттыру;

• Қазақстанның дамуындағы жастардың, әсіресе колледж түлектерінің орнын көрсету;

• 2025 жыл – қазіргі еңбек нарығы мен заманауи сұраныстар жайлы айту.

Тәрбие сағаты құрылымы:

І. Ұйымдастыру кезеңі (3 мин)

Куратор сөзі:

– Құрметті студенттер! Бүгінгі тәрбие сағатымыз – жаңа оқу жылының бастауы ғана емес, маңызды тақырыптарды қозғайтын уақыт. «Адал адам. Адал еңбек. Адал табыс» – бұл жай ғана ұран емес, бұл сіздер сияқты жастардың болашақ өмірлік ұстанымы болуы тиіс.

ІІ. Кіріспе: Биылғы жылдың ерекшелігі (2025 жыл)

– Биылғы 2025 жыл – Еңбек және халықты әлеуметтік қорғау министрлігі үшін маңызды кезең. "Адал еңбек – жарқын болашақтың негізі" ұранымен жұмысшы мамандықтарын насихаттау жалғасып жатыр.

–Мемлекетіміз жұмысшы кәсібі иелерін қолдау бағытында бірқатар бағдарламалар жүргізіп келеді:

• "Жастар практикасы"

• "Дипломмен – ауылға"

• "Еңбек" мемлекеттік бағдарламасы

– Колледж түлектері қазірдің өзінде заманауи техникамен, IT саласымен, өндірістік жүйелермен жұмыс істеуге қабілетті мамандарға айналуда.

Адалдық — адам бойындағы ең асыл қасиеттердің бірі. Адал адам әрдайым шыншыл, әділ, сенімді болады. Ол өз ісіне жауапкершілікпен қарап, ешкімге қиянат жасамайды. Адалдық – тек сөзде емес, істе де көрінуі керек.

Адал еңбек — маңдай термен келген еңбек. Адам өз күш-жігерімен, ынта-жігерімен, шынайы еңбегімен ғана шын мәнінде табысқа жетеді. Мұндай еңбек әрдайым құрметке лайық. Еңбектен қашпайтын адам өмірде де, қоғамда да өз орнын табады.

Адал табыс — таза еңбекпен келген табыс. Ол ұрлықпен не жалған жолмен келген пайдадан әлдеқайда қымбат. Өйткені адал табыс — адамның ар-намысының, жан тыныштығының кепілі. Ондай табыс жанды да, жүректі де жайландырады.

ІІІ. Негізгі бөлім

1. Проблемалық сұрақтар мен пікірталас (5-7 мин)

Сұрақтар:

• Адал еңбек деген ұғымды қалай түсінесіздер?

• Бүгінгі жастар еңбекке қалай қарайды?

• Жұмысшы болу – ұят па, әлде мақтаныш па?

Студенттер өз пікірлерін ортаға салады.

2. Мақал-мәтелдер мен заманауи байланыс (5 мин)

Мақалдар:

• «Еңбек түбі – береке.»

• «Адал еңбек – абыройдың баспалдағы.»

• «Қара жерді қапқызған – еңбек.»

Тапсырма:
Мақалдардың қазіргі өмірмен байланысын түсіндіру. Мысалы, дәнекерлеуші, механик, дизайнер, IT маман — бәрі адал еңбекпен табысқа жетеді.

3. Бейнебаян көру (5 мин)

Тақырып: «Қарапайым маман – үлкен тұлға» (мысалы: құрылысшы, электрик, шаштараз, аспаз, т.б.)

Көргеннен кейінгі сұрақтар:

• Бұл адамдардың табысы неден басталды?

• Сіз қандай кәсіби бағытты таңдап отырсыз?

• Адал еңбекпен қандай жетістікке жетуге болады?

4. Топтық жұмыс (постер, көрініс, пікір)

Тапсырма: "2025 жылғы адал еңбек бейнесі" тақырыбында 2 топ постер жасап қорғайды.

Нұсқаулық:

• Қазіргі таңда қандай мамандық иелеріне сұраныс көп?

• Жастар адал еңбек арқылы қалай табыс табады?

• Адалдық пен кәсіби біліктілік қандай жағдайда үйлеседі?

5. Қорытынды бөлім (3-5 мин)

Куратор:

– Адалдық – уақытпен өлшенбейтін қасиет. Бүгінгі таңда сіздердің бойларыңыздағы адалдық, кәсібіңізге деген сүйіспеншілік, жауапкершілік – ертеңгі табыстың негізі.

– Еңбек адамы – елдің тірегі. Қарапайым жұмысшыдан бастап, ірі кәсіпкерге дейін – барлығы адал еңбекпен биікке жетеді.

Қорытындылай келе, өмірде шынайы табысқа жетудің жолы — адал болу, адал еңбектену. Әрбір азамат осы үш ұғымды жүрегіне түйіп, соған сай өмір сүрсе, қоғамымыз да әділетті, берекелі болары сөзсіз.

Рефлексия:

Стикер әдісі (немесе ауызша):

• Мен бүгін не ұқтым?

• Қандай ой қосқым келеді?

• Адал болу мен үшін не?