«Адам және табиғат» факультативті курс бағдарламасы

Түсінік хат

Жалпы адамзаттық құндылықтар негізінде жастарды игілікке баулудағы адамгершілікке тәрбиелеудегі географияның ролі зор. Экология қазіргі кезде күрделі кешенді ғылымдар деңгейіне көтерілді.Адамның өмірі табиғатпен тығыз байланысты.Қазіргі уақытта эколог ғалымдарды толғандыратын мәселелердің бірі адамзат өмір сүріп отырған «Жер - Ананы» сақтап қорғау. Жер планетасының пайда болуы мен қазіргі жағдайы, флора мен фауна, жалпы Жердегі тіршілік, табиғи байлықтар, табиғатты тиімді пайдалану жолдары жайында кең ауқымды ақпарат беру. Өз бетінше зерттеулер жүргізуге, нәтиже шығаруға баулу. Осыған байланысты 5-сыныпта алынып отырған «Адам және табиғат» факультатив курсы оқушыларды табиғатты қорғауға, аялауға, экология ұғымын терең түсіндіруге арналған.Қазақстан Республикасында білім беруді дамытудың 2011-2020 жылға арналған мемлекеттік бағдарламасының басты мақсаты – зияткерлік, дене бітімі және рухани дамыған азаматын, қалыптастыру, тез өзгеретін әлемде оның табысты болуын қамтамасыз ететін білім алудағы қажеттілігін қанағаттандыру болып табылады.

Бүгінгі таңда білім беру жүйесінің әлеуметтік, қоғамдық, саяси-экономикалық өзгерістерге байланысты мақсаты мен міндеттері, мазмұны өзгереді. Мәселенің басты ерекшелігі оқытудың нәтижесін алдын-ала болжап, оқушылардың білім алу барысында іздену-зерттеу және өз бетімен білім алу жүйесін, алған білімін өмірдің жаңа жағдайларында пайдалана білу арқылы танылады.

Курстың мақсаты:

Мектеп оқушыларының бойында табиғатты аялау, табиғат жайында мәдениетті қалыптастыру.

Курстың міндеттері:

Қоршаған орта табиғатының бір-бірімен тығыз байланыстағы нысандар жиыны екенін ұғындыру;

Табиғат аясында белгілі бір ережелерді басшылыққа алуды үйрету;

Топсеруен кезінде қауіпсіздік ережелерін сақтауға баулу;

Туған өлкенің табиғаты туралы білім бере отырып, экологиялық сауаттылық деңгейін көтеру.

Күтілетін нәтиже:

Оқушылардың қоршаған орта туралы білімдері кеңейеді.

Қоршаған орта заңдылығын, құбылысын, нысандарын меңгереді;

Әр оқушының өз мүмкіндігі негізінде танымдық қызығушылығы артады;

Алған білімдерін күнделікті өмірде қолданады.

Туған өлкені, оның байлықтарын қорғай білуге тәрбиеленеді.

Пәнаралық байланыс: жаратылыстану, дүниетану.

Курсты қорытындылау формасы: танымжорық, сұхбат, сауалнама.

Оқушылардың дайындығына қойылатын талаптар:

Табиғат жайында ғылыми көпшілік кітаптардан, ғаламтордан мәліметтер, материалдар жинақтау, ақпарат жинау;

Ғылыми негізде жинақталған материалдардан реферат жазып, дағдылану, оқушы презентациясын жасау.

«Адам және табиғат»

күнтізбелік-тақырыптық жоспар

5 сынып

Пайдаланған әдебиеттер:

1.Қ.Қайым, Р.Сәтімбеков және т.б. биология, Алматы, 2007.

2.”Гүлстан” Республикалық ғылыми-танымдық көпшілік журнал.

3.Қазақстанның қызыл кітабы

4.Ертегілер жинақ кітабы

5.Интернет көздері

6. Экология және табиғатты қорғау А. «Мектеп», 2002.