Адам ойының, сөзі мен ісінің бірлігі

Мақсаты: Оқушыларға ойдың, сөзі мен ісінің бірлігінде өмір сүрудің маңыздылығын түсіндіре отырып, ақиқат құндылығының мәнін ашу

Міндеттері:

1. Білімділік: Оқушыларға адам баласы өз – өзіне адал болу керек екендігін үйрету

2. Дамытушылық: Оқушылардың бойындағы шыншылдық қасиеттерін дамыту

3. Тәрбиелік: Оқушыларды ізгілікке тәрбиелеу

Ресурстар:

(материалдар, дереккөздер)

1. u-s.kz

Сабақтың барысы:

1. Ұйымдастыру кезеңі. Жағымды көңіл күй.

Мен саған сенемін

Әуен ойнап тұрады. Жұп құрып, бір- бірінің көздеріне қарап отырады. «Мен саған сенемін …» өйткені сен жақсы адамсың.

2. Үйге тапсырманы тексеру.

1. №5 – сабақ. 5 – тапсырманы орындау.

2. Келесі сабақ. №6, «Маңызды шешім» мәтінін оқып келу.

Сұрақтар:

1. Балалы әйел қарт кісіні неге өзімен бірге алып кетті?

2. Сіздің пікіріңізше, балалы әйелдің нақты шешім қабылдауына оның қандай қасиеттері әсер етті?

3. Жас келіншектің вокзалдағы әрекетін жалпыадамзаттық құндылықтар тұрғысынан қалай түсіндіресіз?

4. Сіздің өзіңіз осындай жылдам шешім қабылдаған кезіңіз болды ма? Ол қандай қажеттіліктен туған еді? Жауабыңызды мысал келтіріп, әңгімелеп беріңіз.

2. Сабақтың дәйексөзі.

(Оқушыларға үш рет айтқызып, дәптерге жаздырту)

Адамның жақсы өмір сүруіне үш сапа негіз бола алады, олар барлығынан басым болатын – адал еңбек, мінсіз ақыл, таза жүрек.

Шәкәрім Құдайбердіұлы

Сұрақтар:
1. Таза жүрек дегенде нені түсінесіз?

2. Жақсы өмір сүру деген не?

3. Дәйексөзден қандай ой түйдіңіз?

4. Оқиға айту (Мұғалім

Түлкі мен отыншы

Аңшылардың қуғынынан қашып келе жатқан түлкі отыншыны көріп, құтқаруын сұрапты. Отыншы оны өзінің үйіне тығып, жасырып қалады. Қуа келген аңшылар да көрінеді. Олар отыншыдан түлкіні сұрайды. Отыншы көрмегенін айтады. Бірақ қолымен түлкіні жасырған үйді нұсқап көрсетеді. Сонда да аңшылар оның белгісін түсіне алмай, сөзіне сенеді де шауып жүре береді. Олар ұзағаннан кейін түлкі де шығып, бір ауыз сөз айтпастан кетіп қалады. Отыншы түлкіні құтқарса да жылы лебіз білдірмегеніне балағаттап жатады. Сонда түлкі тұрып: - Мен саған рахмет айтар едім, егер сөзің мен қолыңның қимылы бірдей болса,- деген екен.

Сұрақтар:

• Отыншының әрекетінен қандай сабақ алдыңдар?

• Неліктен адамдардың ойы, сөзі мен ісі бірдей болуы керек?

• Ойы, сөзі мен ісі бірдей адамдардың бойынан қандай құндылықтар мен қасиеттер көрінеді?

• Өздеріңнің ойларың, сөздерің мен істерің қаншалықты бір жерден шығады? Әңгімелеп беріңдер.

5. Шығармашылық жұмыс, топпен жұмыс.

Оқушылар үш топқа бөлінеді.

3-тапсырма. Берілген сөзтізбекте қажет әріпті орнына қойып, дұрыс шешсеңіздер, Абайдың қанатты сөзін оқуға болады. Тапсырманы дәптерде орындаңыздар.

6. Топпен ән айту.

Бір ел болса

Сөзін жазған Мөлдір Айтбай

Әнін жазған Ұшқын Жамалбек

Жазира кең байтақ қазақтың даласы,

Сыр менен Еділдің арасы.

Арманы тауындай асқақ қой қарашы,

Қалдырған ержүрек бабасы.

Шүкір деп жазылды көбінің жарасы,

Ешкімнің жоқ оған таласы.

Осынау далада жыламай анасы,

Өссе екен қазақтың баласы.

Қайырмасы:

Бір ел болса біздей болсын Алатаудай айбары,

Көгіндегі қыран құстай желбіреген байрағы.

Бір ел болса біздей болсын азаттықтың айғағы,

Татулық пен берекенің бұзылмаған қаймағы.

Көліне, шөліне, көгіне тамсанам,

Жүректің үнімен ән салам.

Сағынып жете алмай Отанын аңсаған

Шетте жүр қаракөз қанша адам.

Әр қазақ жалғызым деп бүгін жар салам,

Әніммен жететін жол салам.

Әлемде кім қазақ бауырмын мен соған,

Құшақтай айғара қарсы алам

7. Үй тапсырмасы.

1. №6 – сабақ. 6 – тапсырманы орындау.

2. Келесі сабақ. №7, «Бұқардың соңғы өсиеті» мәтінін оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.